କରୋନା ଟିକାର ଦ୍ବିତୀୟ ଡୋଜ ନେବା ପରେ ବୃଦ୍ଧଙ୍କ ଶରୀରରେ ଆସିଗଲା ଚୁମ୍ବକୀୟ ଶକ୍ତି, ଦେଖନ୍ତୁ ଭିଡିଓ

ମହାରାଷ୍ଟ୍ର ନାସିକ ଜିଲ୍ଲାରୁ ଏପରି ଏକ ଅଦ୍ଭୁତ ମାମଲା ସାମ୍ନାକୁ ଆସିଛି ଯାହା ଆପଣଙ୍କୁ ଆଶ୍ଚର୍ଯ୍ୟ କରିଦେବ । କରୋନା ଟିକା ଦ୍ୱିତୀୟ ଡୋଜ ନେବା ପରେ ସେମାନଙ୍କ ପରିବାରର ଜଣେ ବୃଦ୍ଧଙ୍କ ଶରୀରରେ ଚୁମ୍ବକୀୟ ଶକ୍ତି ଉତ୍ପନ୍ନ ହୋଇଛି ବୋଲି ଏକ ପରିବାର ପକ୍ଷରୁ ଦାବି ହେଉଛି। ଏହାର ମାତ୍ରା ଗ୍ରହଣ କରିବା ପରେ ଚାମଚ, ଷ୍ଟିଲ୍ ଏବଂ ଲୁହା ବାସନ ଏବଂ ମୁଦ୍ରା ତାଙ୍କ ଶରୀରରେ ଲାଗିରହୁଛି ।

ନାସିକର ଅରବିନ୍ଦ ଜଗନ୍ନାଥ ସୋନାର(୭୧) କିଛି ଦିନ ପୂର୍ବରୁ କରୋନା ଟିକାର ଦ୍ବିତୀୟ ଡୋଜ ନେଇଥିଲେ। ସେ କହିଛନ୍ତି, କରୋନା ଟିକା ନେବାର ଦ୍ବିତୀୟ ଡୋଜ ନେବା ପରେ ଶରୀରରେ ଚୁମ୍ବକୀୟ ଶକ୍ତି ଆସିଯାଇଛି। ଏହାକୁ ପ୍ରମାଣ କରିବା ପାଇଁ ପରିବାର ଏକ ଭିଡିଓ ମଧ୍ୟ ପ୍ରସ୍ତୁତ କରିଛନ୍ତି । ଯାହା ଏବେ ସୋସିଆଲ ମିଡିଆରେ ଭାଇରଲ ହେଉଛି। ଭିଡିଓରେ ଦେଖିବାକୁ ମିଳୁଛି ଯେ, ଘରେ ବ୍ୟବହୃତ ଚାମଚ, ଛୋଟ ଥାଳି ଏବଂ ଛୋଟ ବାସନ ଏବଂ ଚାମଚ ବୃଦ୍ଧ ଅରବିନ୍ଦ ସୋନାରଙ୍କ ଶରୀରରେ ଲାଗି ରହୁଛି ।

ଏହି ଘଟଣାର ସାମ୍ନାକୁ ଆସିବା ପରେ ସ୍ୱାସ୍ଥ୍ୟମନ୍ତ୍ରୀ ରାଜେଶ ଟୋପେ ଏ ସମ୍ପର୍କରେ ତଦନ୍ତ ନିର୍ଦ୍ଦେଶ ଦେଇଛନ୍ତି । ଗୁରୁବାର ଦିନ ସେ କହିଛନ୍ତି ଯେ, ଏହି ଘଟଣାର ସତ୍ୟତା ସମସ୍ତଙ୍କ ସାମ୍ନାରେ ଆସିବା ଉଚିତ । ଏହା ପଛରେ କୌଣସି ଚିକିତ୍ସା କାରଣ ଅଛି ନା ଅନ୍ୟ କିଛି ଏହି ସତ୍ୟ ଜଣାପଡିବା ଦରକାର । ସେଥିପାଇଁ ଆମେ ଏହି ଘଟଣାର ତଦନ୍ତ ନିର୍ଦ୍ଦେଶ ଦେଇଛୁ । ଯାଞ୍ଚ ନିର୍ଦ୍ଦେଶ ପରେ ଅନୁସନ୍ଧାନ ପାଇଁ ପ୍ରଶାସନର ଏକ ଟିମ୍ ଏଠାରେ ପହଞ୍ଚିଛନ୍ତି । ଏହା ଦେଖି ସେମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ । ଅରବିନ୍ଦ ସୋନାର ଅନୁସନ୍ଧାନ କରିବାକୁ ଆସିଥିବା ଡକ୍ଟର ଅଶୋକ ଥୋରାଟ କହିଛନ୍ତି ଯେ ଏହି ମାମଲାରେ ତଦନ୍ତ ଚାଲିଛି । ତଦନ୍ତ ପରେ ସବୁକିଛି ସ୍ପଷ୍ଟ ହୋଇଯିବ ।