ଗ୍ରେଟର ନୋଏଡା ଅଞ୍ଚଳର ଜଣେ ମହିଳାଙ୍କ ପାଇଁ ଅନଲାଇନରେ ବିରିୟାନି ଅର୍ଡର କରିବା ପଡ଼ିଲା ମହଙ୍ଗା । ପ୍ରକୃତରେ, ମହିଳା ଜଣକ ଏକ ଅନଲାଇନ୍ ଫୁଡ୍ ଡେଲିଭରି ଆପ୍ ରୁ ଖାଦ୍ୟ ଅର୍ଡର କରିବା ସମୟରେ ଭେଜ୍ ବିରିୟାନି ଅର୍ଡର କରିଥିଲେ । ତଥାପି, ରେଷ୍ଟୁରାଣ୍ଟଟି ଭେଜ୍ ବଦଳରେ ନନ୍-ଭେଜ୍ ବିରିୟାନି ପଠାଇଲା । ଫୁଡ୍ ରିସିଭ୍ କରିବା ପରେ, ମହିଳା ଜଣକ ସେହି ବିରିୟାନିରୁ କିଛି ଖାଇଥିଲେ । ଏହା ପରେ ସେ ଜାଣିବାକୁ ପାଇଥିଲେ ଯେ ଏହା ନନଭେଜ୍ ବିରିୟାନି ।
ଏହା ପରେ, ମହିଳା ଜଣକ ସମ୍ପୂର୍ଣ୍ଣ ଘଟଣାର ଭିଡିଓ ତିଆରି କରି ସୋସିଆଲ ମିଡିଆରେ ଭିଡିଓ ଭାଇରାଲ କରିଥିଲେ । ଭିଡିଓଟି ଭାଇରାଲ ହେବା ମାତ୍ରେ ପୋଲିସ ତୁରନ୍ତ ହୋଟେଲ ସଞ୍ଚାଳକଙ୍କୁ ଗିରଫ କରିଛି । ସମ୍ପୂର୍ଣ୍ଣ ମାମଲାଟି ଗ୍ରେଟର ନୋଏଡା ପଶ୍ଚିମର ଅରିହନ୍ତ ଗାର୍ଡେନ୍ ସୋସାଇଟିର ବୋଲି କୁହାଯାଉଛି । ଏଠାରେ ରହୁଥିବା ଛାୟା ଶର୍ମା ସୋସିଆଲ ମିଡିଆରେ ଏକ ଭିଡିଓ ଭାଇରାଲ କରିଛନ୍ତି । ଭିଡିଓରେ ସେ କହିଛନ୍ତି ଯେ ନବରାତ୍ରି ସମୟରେ ସେ ଭେଜ୍ ବିରିୟାନି ଅର୍ଡର କରିଥିଲେ, ଯାହା ଲକ୍ଷ୍ନୌ କବାବ୍ ପରଥା ରେଷ୍ଟୁରାଣ୍ଟରୁ ଅର୍ଡର କରାଯାଇଥିଲା ।
ବିରିୟାନିଟି ପ୍ୟାକ୍ ହୋଇ ଆସିଲା ଏବଂ ସେ ସେଥିରୁ କିଛି ଖାଇଥିଲେ କିନ୍ତୁ ପରେ ସେ ଜାଣିବାକୁ ପାଇଥିଲେ ଯେ ଏହା ଭେଜ୍ ନୁହେଁ ବରଂ ନନ୍-ଭେଜ୍ ବିରିୟାନି ଥିଲା । ଏଥିରେ ନନ୍-ଭେଜ୍ ଚିକେନ୍ ପିସ୍ ମଧ୍ୟ ମିଳିଥିଲା । ଛାୟା ଶର୍ମା ଏହାର ଏକ ଭିଡିଓ ତିଆରି କରି ସୋସିଆଲ ମିଡିଆରେ ଭାଇରାଲ କରିଥିଲେ । ପୀଡିତା ମହିଳା ଭିଡିଓରେ ସମ୍ପୂର୍ଣ୍ଣ ଘଟଣା ବିଷୟରେ ବିସ୍ତୃତ ସୂଚନା ଦେଇଛନ୍ତି । ମହିଳା ଜଣକ ଅଭିଯୋଗ କରିଛନ୍ତି ଯେ ରେଷ୍ଟୁରାଣ୍ଟ ଜାଣିଶୁଣି ଏହି କାର୍ଯ୍ୟ କରିଛି ।
ଭିଡିଓରେ ମହିଳା ଜଣକ କାନ୍ଦି କାନ୍ଦି କାର୍ଯ୍ୟାନୁଷ୍ଠାନ ଦାବି କରିଛନ୍ତି । ଭିଡିଓଟି ସୋସିଆଲ ମିଡିଆରେ ଭାଇରାଲ ହେବା ମାତ୍ରେ ବିସରାଖ ପୋଲିସ ଏହାର ତଦନ୍ତ କରିଥିଲା । ପୋଲିସ ତୁରନ୍ତ ଅଭିଯୁକ୍ତ ହୋଟେଲ ପରିଚାଳକଙ୍କୁ ଗିରଫ କରିଛି । ଏହି ବିଷୟରେ ଡିସିପି ଶକ୍ତି ଅବସ୍ଥି କହିଛନ୍ତି ଯେ ମହିଳା ଜଣଙ୍କ ଏକ ଭିଡିଓ ଭାଇରାଲ କରିଥିଲେ । ଏହି ଭିଡିଓରେ କୁହାଯାଇଛି ଯେ ତାଙ୍କୁ ଭେଜ୍ ଖାଦ୍ୟ ବଦଳରେ ନନ୍-ଭେଜ ଖାଦ୍ୟ ପଠାଯାଇଥିଲା । ଏହି ମାମଲାରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ଏବଂ ଅଭିଯୁକ୍ତକୁ ଗିରଫ କରାଯାଇଛି ।
ग्रेटर नोएडा वेस्ट: युवती को वेज की जगह नॉन वेज बिरयानी डिलीवर हुई।
वीडियो वायरल होने के बाद पुलिस ने रेस्टोरेंट कर्मी को हिरासत में लिया।
pic.twitter.com/CwKPHBHcof— Greater Noida West (@GreaterNoidaW) April 7, 2025
Also read: ନିର୍ବନ୍ଧର ୧୦ ଦିନ ପରେ ଚାଲିଗଲେ ବାୟୁସେନା ପାଇଲଟ୍ ଲେଫ୍ଟନାଣ୍ଟ ସିଦ୍ଧାର୍ଥ