ମଶା ନା ରାକ୍ଷସ! ସୋସିଆଲ ମିଡିଆରେ ଘୂରି ବୁଲିଛି ଏହି ରାକ୍ଷସ ମଶାର ଫଟୋ, ଯାହାକୁ ଦେଖିଲେ ଆପଣ ହତ୍ବାକ ହୋଇଯିବେ
ମଶା ଯେତେ ବି ବଡ଼ ହୋଇଥାଉ, ମଣିଷ ସବୁବେଳେ ତାକୁ ଛୋଟ ପତଙ୍ଗ ବୋଲି ଭାବିଥାଏ। ଆଉ ଭାବିବନି ବା କେମିତି? ଏହା ଦେଖିବାକୁ ହିଁ ବହୁତ ଛୋଟ। କିନ୍ତୁ ସୋସିଆଲ ମିଡିଆରେ ଏବେ ଯେଉଁ ମଶାର ଫଟୋ ଘୂରି ବୁଲୁଛି, ତାହାକୁ ଦେଖିଲେ ଆପଣ ନିଦରୁ ବି ଉଠିଯିବେ। ଏହାକୁ ଦେଖିବା ପରେ ଆପଣଙ୍କ ଭାବନା ଧୂଳିସାତ୍ ହୋଇଯିବ। କାରଣ, ଏହା ଏମିତି ସେମିତି ମଶା ନୁହେଁ, ଦେଖିବାକୁ ଏକ ରାକ୍ଷସ ଭଳି। ଏହି ମଶା ସାମ୍ନାରେ ଅନ୍ୟ ମଶାଗୁଡ଼ିକ ଖୁବ୍ ଛୋଟ ଦେଖାଯାଉଛନ୍ତି।
MIREN EL TAMAÑO DEL MOSQUITO QUE ACABA DE ENTRAR POR MI VENTANA (al lado hay uno normal para hacer una perfecta comparación ahre) tengo: miedo pic.twitter.com/aypd1O67wT
— ezequiel (@EzeLobo1) January 22, 2020
ଗୋଟିଏ ମଶା ମଣିଷକୁ କିଭଳି ଅବସ୍ଥା କରିଦେଇଥାଏ, ତାହା ଆପଣ ନାନା ପାଟେକରଙ୍କ ଗୀତ ଶୁଣିବା ପରେ ଜାଣିଯାଇଥିବେ। ନିକଟରେ Ezequiel Lobo ନାମକ ବ୍ୟକ୍ତି ଏହି ଫଟୋକୁ ଟୁଇଟରରେ ଶେୟାର କରିଛନ୍ତି। ସେ ଏହାର କ୍ୟାପସନ ସ୍ପେନିଶ୍ ଭାଷାରେ ଲେଖିଛନ୍ତି।
ସେ ଲେଖିଛନ୍ତି ଯେ ‘ଦେଖନ୍ତୁ ଏହି ମଶାର ଆକାର। ଏହା ମୋ ଘର ଭିତରକୁ ପଶିଆସିଥିଲା। ନର୍ମାଲ ସାଇଜ୍ର ମଶାର ବି ଏହା ପାର୍ଶ୍ୱରେ ଅଛି’। ଏବେ ଏହି ପୋଷ୍ଟ ଏତେ ଭାଇରାଲ ହୋଇଯାଇଛି ଯେ ଏହାକୁ ଏ ପଯ୍ୟର୍ନ୍ତ ୧.୪ ଲକ୍ଷରୁ ଅଧିକ ଲୋକ ଦେଖିସାରିଲେଣି। ସେହିପରି ୨୩,୦୦୦ରୁ ଅଧିକ ରିଟୁଇଟ୍ସ ମଧ୍ୟ କରାଯାଇଛି। ପୋଷ୍ଟ ଉପରେ ଲୋକେ ଅଜବ ଅଜବ ପ୍ରତିକ୍ରିୟା ଦେଇଛନ୍ତି।