୯/୧୧…. ଆତଙ୍କୀ ହମଲାକୁ ପୁରିଲା ୨୦ ବର୍ଷ, ଆମେରିକା ଇତିହାସର କଳା ଦିବସ
ନୂଆଦିଲ୍ଲୀ : ୯/୧୧… ଆଜି ହେଉଛି ସେହି ତାରିଖ, ଯେଉଁଦିନ ଥରି ଉଠିଥିଲା ବିଶ୍ଵ ଇତିହାସ। ଏକ ଶକ୍ତିଶାଳୀ ରାଷ୍ଟ୍ରର ଛାତି ଉପରେ ତାଣ୍ଡବ ରଚିଥିଲେ ଆତଙ୍କବାଦୀ। ଆମେରିକାରେ ୯//୧୧ରେ ହୋଇଥିବା ଆତଙ୍କବାଦୀ ଆକ୍ରମଣକୁ ୨୦ ବର୍ଷ ପୂର୍ତ୍ତି ହୋଇଛି। ଏହି କଳା ଦିବସରେ ଆତଙ୍କବାଦୀ ସଙ୍ଗଠନ ଅଲ-କାଏଦାର ଆତଙ୍କୀ ହମଲାରେ ଆମେରିକାର ଭୂମିରେ ପଡିଥିଲା ହଜାର ହଜାର ମୃତଦେହ ଆଉ ଧୂଆଁ, ବାରୁଦରେ ଭର୍ତ୍ତି ହୋଇଯାଇଥିବା ସମ୍ପୂର୍ଣ୍ଣ ଆକାଶ । ବିଶ୍ୱବ୍ୟାପୀ ଏହି ଘଟଣାକୁ ନେଇ ଆଲୋଡ଼ନ ସୃଷ୍ଟି ହୋଇଥିଲା। ଏହି ଆକ୍ରମଣ ପରେ ଅଲ୍-କାଏଦା ଚିଫ୍ ଓସମା ବିନ ଲାଡେନ୍କୁ ଆମେରିକା ନିପାତ କରିଥିଲେ ମଧ୍ୟ ଏଯାଏଁ ବିଶ୍ଵବାସୀଙ୍କ ମନରୁ ଲିଭିନି ସେହି ଆତଙ୍କ ଭୟ। ଏହାକୁ ଆମେରିକା ଇତିହାସରେ ଏହାକୁ ସବୁଠାରୁ ଭୟଙ୍କର ତଥା ହୃଦୟବିଦାରକ ଘଟଣା ବୋଲି ବିବେଚନା କରାଯାଏ ।
ସେଦିନ ଥିଲା ସେପ୍ଟେମ୍ବର ୯ ମଙ୍ଗଳବାର, ସକାଳେ ଆମେରିକାର ଉତ୍ତର-ପୂର୍ବରୁ କାଲିଫର୍ଣ୍ଣିଆ ଅଭିମୁଖେ ଯାତ୍ରା କରୁଥିବା ୪ ଟି ବାଣିଜ୍ୟିକ ବିମାନକୁ ୧୯ ଜଣ ଅଲ-କାଏଦା ଆତଙ୍କବାଦୀ ମଧ୍ୟଭାଗରେ ହାଇଜାକ୍ କରି ଦେଇଥିଲା । ଏହି ଅପହରଣକାରୀମାନେ ପାଞ୍ଚଟି ଅପହରଣକାରୀଙ୍କ ତିନିଟି ଗୋଷ୍ଠୀ ଏବଂ ଚାରିଟି ଗୋଷ୍ଠୀରେ ସଂଗଠିତ ହୋଇଥିଲେ । ପ୍ରତ୍ୟେକ ଗୋଷ୍ଠୀର ଜଣେ ଅପହରଣକାରୀ ଯିଏକି ବିମାନ ତାଲିମ ଗ୍ରହଣ କରିବା ସହ ବିମାନକୁ ନିୟନ୍ତ୍ରଣକୁ ନେଇଥିଲେ । ସେମାନଙ୍କର ଉଦ୍ଦେଶ୍ୟ ଥିଲା ଯେ, ପ୍ରତ୍ୟେକ ବିମାନକୁ ଆମେରିକାର ପ୍ରସିଦ୍ଧ ୱାର୍ଲ୍ଡ ଟ୍ରେଡ ସେଣ୍ଟରକୁ ଧକ୍କା ଦେବା ।
ଅଟ୍ଟାଳିକାକୁ ଧକ୍କା ଦେଇଥିବା ପ୍ରଥମ ବିମାନ ଥିଲା ଆମେରିକୀୟ ଏୟାରଲାଇନ୍ସ ଫ୍ଲାଇଟ୍ ୧୧। ଏହାର ୧୭ ମିନିଟ୍ ପରେ ସକାଳ ୯:୦୩ ରେ, ବିଶ୍ୱ ବାଣିଜ୍ୟ କେନ୍ଦ୍ରର ଦକ୍ଷିଣ ଟାୱାରକୁ ୟୁନାଇଟେଡ୍ ଏୟାରଲାଇନ୍ସ ଫ୍ଲାଇଟ୍ ୧୭୫ ଦ୍ବାରା ଧକ୍କା ଦେଇଥିଲେ ଆତଙ୍କୀ । ତୃତୀୟ ବିମାନ, ଆମେରିକୀୟ ଏୟାରଲାଇନ୍ସ ଫ୍ଲାଇଟ୍ ୭୭, ଡୁଲେସ୍ ଅନ୍ତର୍ଜାତୀୟ ବିମାନବନ୍ଦରରୁ ଉଡ଼ାଯାଇଥିବା ଓହିଓ ଉପରେ ହାଇଜାକ୍ କରାଯାଇଥିଲା । ସକାଳ ୯:୩୬ ରେ, ଭର୍ଜିନିଆର ଆର୍ଲିଙ୍ଗଟନ୍ କାଉଣ୍ଟିରେ ଥିବା ପେଣ୍ଟାଗନ୍ ର ପଶ୍ଚିମ ଭାଗକୁ ଧକ୍କା ଦେଇଥିଲା । ଏହାପରେ ୧୦ଟା ୩ ମିନିଟ୍ରେ ଏୟାରଲାଇନ୍ସର ଫ୍ଲାଇଟ୍ ୯୩ ପେଂସିଲ୍ଵେନିୟାର ଶଙ୍କ୍ସୱିଲରେ ଏକ କ୍ଷେତରେ ଯାଇ ପଡିଥିଲା।
ଏହି ଭଳି ଭାବରେ ଅଲ୍-କାଏଦାର ୧୯ ଜଣ ଆତଙ୍କବାଦୀ କିଛି କ୍ଷଣ ମଧ୍ୟରେ ଏକ ଶକ୍ତିଶାଳୀ ରାଷ୍ଟ୍ର ଦୋହଲି ଯାଇଥିଲା। ଏହି ଆତ୍ମଘାତୀ ଆକ୍ରମଣରେ ୩ ହଜାର ଲୋକଙ୍କ ଜୀବନ ଚାଲିଯାଇଥିଲା। ୬ ହଜାରରୁ ଅଧିକ ଆହତ ହୋଇଥିଲେ। ଏହି ଆତଙ୍କବାଦୀଙ୍କ ମଧ୍ୟରୁ ୧୭ ଜଣ ଆତଙ୍କବାଦୀ ଭିନ୍ନଭିନ୍ନ ଦେଶର ଥିଲେ। ଏପରିକି ଏଭଳି କିଛି ଆତଙ୍କବାଦୀ ଥିଲେ ଯେଉଁମାନେ ଇଂରାଜୀ କହିବା ଜାଣି ନଥିଲେ। ତେଣୁ ଆଜିବି ଏଠି ପ୍ରଶ୍ନ ଉଠୁଛୁ କିଭଳି ୧୯ ଆତଙ୍କବାତୀ ଏକ ଶକ୍ତିଶାଳୀ ଦେଶରେ ପଶି ୪ଟି ବିମାନ ହାଇଜ୍ୟାକ୍ କରି ଦୁନିଆର ସବୁଠୁ ସୁରକ୍ଷିତ ନଭଶ୍ଚୁମ୍ଭୀ କୋଠାକୁ ଧ୍ଵସ୍ତ କରିପାରିଲେ ? ଆତଙ୍କବାଦୀମାନେ ଯାତ୍ରୀବାହୀ ବିମାନକୁ ରକେଟ ଭଳି ବ୍ୟବହାର କରି ଏହି ବିଧ୍ଵଂସ ଲୀଳା ରଚିଥିଲେ।
ତେବେ ଏହି ଆକ୍ରମଣ ଘଟାଇବା ପାଇଁ ଅଲ୍ -କାଏଦାର ମୁଖ୍ୟ ଓସାମା ବିନ୍ ଲାଦେନ୍ ଏଥିପାଇଁ ୧୯୮୮ରେ ଷଡ଼ଯନ୍ତ୍ର ରଚିଥିଲା। ଆମେରିକାକୁ ସଂପୂର୍ଣ୍ଣ ବର୍ ବାଦ କରିଦେବା ପାଇଁ ଲାଦେନ୍ ଅଲ୍ କାଏଦା ନାମରେ ଆତଙ୍କବାଦୀ ଗୋଷ୍ଠୀ ଗଢ଼ିଥିଲା। ଏହି ବୈଠକରେ ହିଁ ଲାଦେନ୍ ନିଜ ଆତଙ୍କବାଦୀ ସଂଗଠନର ନାମ ଔପଚାରିକ ଭାବେ ଅଲ୍ -କାଏଦା ରଖିଥିଲା। ଶେଷରେ ଲାଦେନ୍ ର ଯୋଜନା କ୍ରମେ ୪ଟି ଉଡ଼ାଜାହାଜକୁ ହାଇଜ୍ୟାକ୍ କରି ଏହି ଗୋଷ୍ଠୀର ୧୯ ଜଣ ସଦସ୍ୟ ବିଶ୍ୱ ବାଣିଜ୍ୟ କେନ୍ଦ୍ର ଉପରେ ଆକ୍ରମଣ କରିଥିଲେ। କିନ୍ତୁ ଦୁଇଟି ଉଡ଼ାଜାହାଜ ଦ୍ୱାରା ଦୁଇଟି ଟାଓ୍ଵାର ଧୂଳିସାତ୍ ହୋଇଥିଲା। ଅଲ-କାଏଦା ଏବଂ ବିନ୍ ଲାଡେନ ଇସ୍ରାଏଲର ସମର୍ଥନ, ସାଉଦି ଆରବରେ ଆମେରିକାର ସୈନ୍ୟଙ୍କ ଉପସ୍ଥିତି ଏବଂ ଇରାକ ଉପରେ ପ୍ରତିବନ୍ଧକକ କାରଣରୁ ଏହି ହମଲା କରିଥିବା ମାନିଥିଲା । ପ୍ରାୟ ଗୋଟିଏ ଦଶନ୍ଧି ଧରି କ୍ୟାପଚରରୁ ଦୂରେଇ ରହିବା ପରେ ବିନ୍ ଲାଦେନ ପାକିସ୍ତାନର ଆବଟ୍ଟାବାଦର ଏକ ଲୁଚି ରହିଥିବା ସ୍ଥାନରେ ରହିଥିଲେ ଏବଂ ପରବର୍ତ୍ତୀ ସମୟରେ ଅପରେସନ୍ ନେପଚୁନ୍ ମାଧ୍ୟମରେ ତାଙ୍କୁ ହତ୍ୟା କରାଯାଇଥିଲା।
