ଭାରତର ବିମାନ ଆକ୍ରମଣରେ ପାକିସ୍ତାନ କ୍ଳାନ୍ତ । ଗତକାଲି ରାତିରେ ପାକିସ୍ତାନ ଭାରତର ବିଭିନ୍ନ ସହରରେ ଲଗାତାର ବିମାନ ଆକ୍ରମଣ କରିଥିଲା, କିନ୍ତୁ ଭାରତ ଏହାର ପ୍ରତ୍ୟେକ ପ୍ରୟାସକୁ ବିଫଳ କରିଥିଲା ।
ଜମ୍ମୁ କାଶ୍ମୀରରେ ଦୁଇ ଦିନ ପାଇଁ ସ୍କୁଲ ବନ୍ଦ ରହିବ :
ଭାରତ ଏବଂ ପାକିସ୍ତାନ ମଧ୍ୟରେ ଜାରି ଉତ୍ତେଜନା ଯୋଗୁଁ ସତର୍କତାମୂଳକ ପଦକ୍ଷେପ ସ୍ୱରୂପ ଜମ୍ମୁ ଏବଂ କାଶ୍ମୀରର ସମସ୍ତ ସ୍କୁଲ ଆଜି ଏବଂ ଆସନ୍ତାକାଲି ବନ୍ଦ ରହିବ । ଜମ୍ମୁ ଏବଂ କାଶ୍ମୀର ଶିକ୍ଷା ମନ୍ତ୍ରୀ ସକିନା ଇଟୁ ଗତକାଲି କହିଥିଲେ ଯେ ୯ ଏବଂ ୧୦ ମେରେ ସମସ୍ତ ସ୍କୁଲ, କଲେଜ ଏବଂ ବିଶ୍ୱବିଦ୍ୟାଳୟ ବନ୍ଦ ରହିବ ।
ଦେଶର ଅନେକ ସ୍ଥାନରେ ସ୍କୁଲ ବନ୍ଦ ରହିବ :
ଭାରତ-ପାକିସ୍ତାନ ଉତ୍ତେଜନା ମଧ୍ୟରେ ହିମାଚଳ ପ୍ରଦେଶର ଉନାରେ ଆଜି ସ୍କୁଲ ବନ୍ଦ ରହିବ । ଏଥି ସହ ଦେଶର ଅନ୍ୟାନ୍ୟ ଜିଲ୍ଲାରେ ମଧ୍ୟ ଛୁଟି ଘୋଷଣା କରାଯାଇଛି ।
PSL ମ୍ୟାଚ୍ UAEକୁ ସିଫ୍ଟ :
ପାକିସ୍ତାନ ସୁପର ଲିଗର ବାକି ମ୍ୟାଚ୍ ଗୁଡ଼ିକୁ UAE କୁ ସିଫ୍ଟ ରାଯାଇଛି । ପାକିସ୍ତାନ କ୍ରିକେଟ୍ ବୋର୍ଡ ଏ ସମ୍ପର୍କରେ ଏକ ଷ୍ଟେଟମେଣ୍ଟ ଜାରି କରିଛି ।
ପ୍ରତିଶୋଧରେ ଭାରତୀୟ ସେନା ଅନେକ ପାକିସ୍ତାନୀ ବଙ୍କରକୁ ଧ୍ୱଂସ କଲା :
ଭାରତୀୟ ସେନା ପାକିସ୍ତାନର ବଟ୍ଟାଲ, ମଦରପୁର, ଟେଟ୍ରି ନଟ୍ ଏବଂ ହାଜିରା ଜିଲ୍ଲାରେ ବଡ଼ ଧରଣର ପ୍ରତିଶୋଧମୂଳକ କାର୍ଯ୍ୟାନୁଷ୍ଠାନ ଆରମ୍ଭ କରିଥିଲା । ଏଥିରେ ପାକିସ୍ତାନୀ ସେନାର ପ୍ରବଳ କ୍ଷତି ହୋଇଥିବା ଜଣାପଡ଼ିଛି । ଭାରତୀୟ ସେନା ସେମାନଙ୍କର ଅନେକ ବଙ୍କରକୁ ଧ୍ୱଂସ କରିଦେଇଛି ।
ରାଜନାଥ ସିଂହ ଖୁବ ଶୀଘ୍ର ଏକ ଗୁରୁତ୍ୱପୂର୍ଣ୍ଣ ବୈଠକ କରିପାରନ୍ତି :
କିଛି ସମୟ ପରେ, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ତିନି ସେନା ମୁଖ୍ୟ, CDS ଏବଂ DGMOଙ୍କ ସହ ଏକ ଗୁରୁତ୍ୱପୂର୍ଣ୍ଣ ବୈଠକ କରିପାରନ୍ତି । ସେମାନେ ଭାରତ-ପାକିସ୍ତାନ ଉତ୍ତେଜନା ମଧ୍ୟରେ ବର୍ତ୍ତମାନର ପରିସ୍ଥିତି ଉପରେ ଆଲୋଚନା କରିବେ ।
ପାକିସ୍ତାନ ଆତଙ୍କବାଦର ପଥ ଛାଡି ପାରିବ ନାହିଁ – ଏସପି ନେତା ମୋହିବୁଲ୍ଲା :
ସମାଜବାଦୀ ପାର୍ଟି ନେତା ମୋହିବୁଲ୍ଲା ନଦଭି କହିଛନ୍ତି, ଏହା ସାହସିକତା ଦେଖାଇବାର ସମୟ । ଆମର ସେନା ସାହସର ସହିତ ଲଢ଼ୁଛି । ସେମାନଙ୍କୁ ଉତ୍ସାହିତ କରାଯିବା ଉଚିତ । ସମସ୍ତ ଦେଶବାସୀ ଏକାଠି ଠିଆ ହୋଇ ସେନାକୁ ସାଲ୍ୟୁଟ୍ କରିବା ଉଚିତ । କାଶ୍ମୀର ୫୦ ବର୍ଷ ଧରି ଯେଉଁ ଯନ୍ତ୍ରଣା ଭୋଗୁଛି, ତାହା କେହି ବୁଝିପାରିବେ ନାହିଁ । ଆମେ ବାରମ୍ବାର ପାକିସ୍ତାନକୁ ଆତଙ୍କବାଦର ପଥ ପରିତ୍ୟାଗ କରିବାକୁ କହୁଥିଲୁ । ଦୁର୍ଭାଗ୍ୟବଶତଃ, ସେମାନେ ତାହା କରିପାରିଲେ ନାହିଁ ।
ପାକିସ୍ତାନ ଲଗାତାର କରୁଛି ଗୁଳିମାଡ଼ :
ପାକିସ୍ତାନର ଗୁଳିମାଡ଼ ଯୋଗୁଁ ସୀମା ନିକଟରେ ରହୁଥିବା ଲୋକମାନେ କ୍ଷତି ସହିଛନ୍ତି । ଅନେକ ଘର ଏବଂ ଦୋକାନ କ୍ଷତିଗ୍ରସ୍ତ ହୋଇଛି ।
ପାକ୍ ସୈନିକମାନେ ପୋଷ୍ଟ ଛାଡିବା ଦାବି :
ଭାରତର ପ୍ରତିଶୋଧମୂଳକ କାର୍ଯ୍ୟାନୁଷ୍ଠାନ ମଧ୍ୟରେ ପାକିସ୍ତାନକୁ ଏକ ବଡ଼ ଝଟକା ଲାଗିଛି । ବିଏଲଏ ଦାବି କରିଛି ଯେ ପାକିସ୍ତାନୀ ସୈନିକମାନେ ସେମାନଙ୍କର ଅନେକ ପୋଷ୍ଟ ଛାଡି ଯାଇଛନ୍ତି ।
ପ୍ରଧାନମନ୍ତ୍ରୀ ମୋଦିଙ୍କୁ ଭେଟିଲେ ଏନଏସଏ ଅଜିତ ଡୋଭାଲ :
ପାକିସ୍ତାନ ସହିତ ଉତ୍ତେଜନା ବୃଦ୍ଧି ପାଇଥିବାବେଳେ, ପ୍ରଧାନମନ୍ତ୍ରୀ ମୋଦି ଏବଂ ଏନଏସଏ ଅଜିତ ଡୋଭାଲଙ୍କ ମଧ୍ୟରେ ଏକ ବୈଠକ ହୋଇଥିଲା । ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ସିଡିଏସ୍ ଏବଂ ତିନି ସେନା ମୁଖ୍ୟଙ୍କ ସହ ଏକ ବୈଠକ କରିଥିଲେ । ଗୃହମନ୍ତ୍ରୀ ବିଏସଏଫ ଡିଜିଙ୍କୁ ଭେଟିଥିଲେ ।