ମୁମ୍ବାଇ: ମହାରାଷ୍ଟ୍ରର ଥାନେରେ ବଡ଼ ରେଳ ଦୁର୍ଘଟଣା । ଥାନେର ମୁମ୍ବାଇ ରେଲୱେ ଷ୍ଟେସନରୁ ସିଏସଏମଟି ଅଭିମୁଖେ ଯାଉଥିବା ଲୋକାଲ୍ ଟ୍ରେନରୁ ଅନେକ ଯାତ୍ରୀ ଧାରଣାକୁ ଖସି ପଡିଥବା ବେଳେ ୫ ଜଣଙ୍କ ମୃତ୍ୟୁ ଘଟିଛି । ଏହି ଦୁର୍ଘଟଣା ପରେ ରେଲୱେ ଓ ଜିଆରପିର ଅଧିକାରୀ ଖବର ପାଇ ଘଟଣାସ୍ଥଳରେ ପହଞ୍ଚିଛନ୍ତି ।
ମିଳିଥିବା ସୂଚନାନୁସାରେ, ୧୦ ରୁ ୧୨ ଯାତ୍ରୀ ଟ୍ରେନରୁ ଖସି ପଡିଛନ୍ତି । ଟ୍ରେନରେ ଅତ୍ୟଧିକ ଭିଡ଼ କାରଣରୁ ଏଭଳି ଅଘଟଣ ଘଟିଛି ବୋଲି ପ୍ରାଥମିକ ତଦନ୍ତରୁ ଜଣାପଡିଛି । ମୃତକମାନଙ୍କୁ ଚିହ୍ନଟ କରାଯାଉଛି। ସମସ୍ତ ମୃତକଙ୍କ ବୟସ ୩୦ ରୁ ୩୫ ବର୍ଷ ମଧ୍ୟରେ। ପ୍ରାଥମିକ ତଦନ୍ତ ଅନୁସାରେ, ଯାତ୍ରୀମାନେ ଦ୍ୱାରରେ ଝୁଲି ଯାତ୍ରା କରୁଥିଲେ । ଏହି ସମୟରେ ଏହି ଦୁର୍ଘଟଣା ଘଟିଥିଲା । ଉଦ୍ଧାରକାରୀ ଦଳ, ପୋଲିସ ସହ ଅନ୍ୟ ଅଧିକାରୀ ଘଟଣାସ୍ଥଳରେ ଉପସ୍ଥିତ ରହିଛନ୍ତି । ସକାଳ ପ୍ରାୟ ୧୦ଟା ସମୟରେ ଏହି ଦୁର୍ଘଟଣା ଘଟିଥିବା ଜଣାପଡ଼ିଛି ।
Maharashtra | Some passengers travelling towards CSMT fell from the train at Thane’s Mumbra railway station. The reason for the accident is believed to be excessive crowd in the train. The railway administration and police have reached the spot. The injured are being taken… pic.twitter.com/UMBq41jcvm
— ANI (@ANI) June 9, 2025
ତେବେ ସୋମବାର ଅଫିସ ସମୟରେ ପ୍ରବଳ ଭିଡ଼ ଯୋଗୁଁ ଟ୍ରେନରେ ଚଢାଚଢି ସମୟରେ ଏଭଳି ଘଟଣା ଘଟିଥିବା ଅନୁମାନ କରାଯାଉଛି । ଟ୍ରେନରେ ଯାଉଥିବା ସମୟରେ ଟ୍ରେନ୍ ଡୋର୍ ପାଖେ ଯାତ୍ରୀମାନେ ଓହଳି ରହିଥିଲେ । ଯେତେବେଳେ ଟ୍ରେନ୍ ମୁମ୍ବରା ଏବଂ ଦିୱା ଷ୍ଟେସନ ମଧ୍ୟରେ ପହଞ୍ଚିଥିଲା ସେତେବେଳେ ଯାତ୍ରୀମାନେ ଭାରସାମ୍ୟ ହରାଇବାକୁ ଲାଗିଲେ । ଏବଂ ଜଣଙ୍କ ପରେ ଜଣେ ଟ୍ରେନରୁ ତଳକୁ ଖସିବାକୁ ଲାଗିଥିଲେ । ଘଟଣା ବିଷୟରେ ଖବର ପାଇ ରେଲୱେ ପୋଲିସ୍ ଏବଂ ଜିଲ୍ଲା ପ୍ରଶାସନ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ନିକଟସ୍ଥ ସ୍ବାସ୍ଥ୍ୟକେନ୍ଦ୍ରକୁ ପଠାଇଛନ୍ତି ।
କହି ରଖୁଛୁ ମୁମ୍ବାଇର ଲୋକାଲ ଟ୍ରେନଗୁଡ଼ିକରେ ସବୁଠାରୁ ଅଧିକ ଭିଡ଼ ହୁଏ । ପ୍ରତିଦିନ ଲକ୍ଷ ଲକ୍ଷ ଯାତ୍ରୀ ଏହି ଟ୍ରେନରେ ଯାତ୍ରା କରନ୍ତି । କିନ୍ତୁ ଅତ୍ୟଧିକ ଭିଡ଼ କାରଣରୁ ଏବଂ ସୁରକ୍ଷା ବ୍ୟବସ୍ଥା ଠିକ୍ ନଥିବାରୁ ପ୍ରାୟତଃ ଏମିତି ଦୁର୍ଘଟଣାର ଖବର ଶୁଣିବାକୁ ମିଳେ । ରେଲୱେ ପ୍ରଶାସନ ଦୁର୍ଘଟଣାକୁ ନେଇ ତଦନ୍ତ କରିବାକୁ ନିର୍ଦ୍ଦେଶ ଦେଇଛି । ସେପଟେ ଯାତ୍ରୀଙ୍କ ସୁରକ୍ଷା ପାଇଁ ଭିଡ଼ ନିୟନ୍ତ୍ରଣ କରାଯିବା ପାଇଁ ପଦକ୍ଷେପ ଗ୍ରହଣ କରାଯିବ ବୋଲି କୁହାଯାଇଛି । ତେବେ ଆହତ ଯାତ୍ରୀଙ୍କ ଚିକିତ୍ସା ଜାରି ରହିଛି । ଯାତ୍ରୀମାନେ ଭିଡ଼ ସମୟରେ ଯାତ୍ରା ନକରିବାକୁ ପରାମର୍ଶ ଦେଇଛି ପ୍ରଶାସନ ।
Also Read : ଦିଲ୍ଳୀରେ ଭୀଷଣ ଅଗ୍ନିକାଣ୍ଡ ; ୨ ମୃତ