ଭାରତ ଏବଂ ପାକିସ୍ତାନ ସୀମାରେ ଉତ୍ତେଜନା ଜାରି ରହିଛି । ଲଗାତାର ପାକିସ୍ତାନ ଅନେକ ଭାରତୀୟ ସହର ଉପରେ ଆକ୍ରମଣ କରିଥିଲା, ଯାହାର ଭାରତୀୟ ସେନା ଉଚିତ ଜବାବ ଦେଇଥିଲା । ଜମ୍ମୁ-ଶ୍ରୀନଗରରୁ ପଠାନକୋଟ ଏବଂ ପୋଖରାନ ପର୍ଯ୍ୟନ୍ତ ପାକିସ୍ତାନର ଡ୍ରୋନ ଆକ୍ରମଣ ପ୍ରୟାସକୁ ଭାରତୀୟ ସେନା ପଣ୍ଡ କରିଛି । ଭାରତ ସତର୍କତାମୂଳକ ପଦକ୍ଷେପ ସ୍ୱରୂପ ମେ୧୪ ପର୍ଯ୍ୟନ୍ତ ୩୨ଟି ବିମାନବନ୍ଦରକୁ ବନ୍ଦ କରିଦେଇଛି ।
ଦୁଇ ଦେଶ ମଧ୍ୟରେ ବଢ଼ୁଥିବା ବିବାଦ ଉପରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଚିନ୍ତା ପ୍ରକାଶ କରିଛନ୍ତି । ହ୍ୱାଇଟ୍ ହାଉସ୍ କହିଛି ଯେ ରାଷ୍ଟ୍ରପତି ଟ୍ରମ୍ପ ଚାହୁଁଛନ୍ତି ଯେ ବିବାଦର ଶୀଘ୍ର ସମାଧାନ ହେଉ । ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଆଜି ଦିଲ୍ଲୀରେ ସିଡିଏସ୍ ଏବଂ ତିନି ସେନା ମୁଖ୍ୟଙ୍କ ସହ ପରିସ୍ଥିତିର ସମୀକ୍ଷା କରିବେ । ଏଥି ସହ ଜାଣିରଖନ୍ତୁ ଯେ କିଛି ଅପଡେଟ୍ ବିଷୟରେ ।
୧) ପଞ୍ଜାବର ଅନେକ ସହରରେ ସତର୍କ ସୂଚନା, ସାଇରନ୍ ଶବ୍ଦ ଶୁଣିବାକୁ ମିଳିଛି :
ଭାରତ ଏବଂ ପାକିସ୍ତାନ ମଧ୍ୟରେ ବଢ଼ୁଥିବା ଉତ୍ତେଜନା ପଞ୍ଜାବ ଉପରେ ବଡ଼ ପରିମାଣରେ ନକାରାତ୍ମକ ପ୍ରଭାବ ପକାଇଛି, କାରଣ ଏହା ଏକ ସୀମାନ୍ତ ରାଜ୍ୟ । ଅମୃତସର ପ୍ରଶାସନ କହିଛି ଯେ ଆମେ ରେଡ୍ ଆଲର୍ଟରେ ଅଛୁ । ଲୋକମାନଙ୍କୁ ନିଜ ଘର ଭିତରେ ରହିବାକୁ କୁହାଯାଇଛି । ଫିରୋଜପୁର ଏବଂ ବଥିଣ୍ଡା ଅଞ୍ଚଳରେ ବିମାନ ଆକ୍ରମଣ ହୋଇଥିଲା ଏବଂ ସାଇରନର ଶବ୍ଦ ମଧ୍ୟ ଶୁଣାଯାଇଥିଲା ।
୨) ରାମବନରେ ଚେନାବ ନଦୀ ଉପରେ ନିର୍ମିତ ବାଗଲିହାର ଡ୍ୟାମର ଅନେକ ଗେଟ୍ ଖୋଲିଲା :
ଗତ ଦୁଇ ଦିନ ଧରି, ପାକିସ୍ତାନ ଦ୍ୱାରା ଭାରତର ଆବାସିକ ଅଞ୍ଚଳଗୁଡ଼ିକୁ ଟାର୍ଗେଟ କରାଯାଉଛି । ଦୁଇ ଦେଶ ମଧ୍ୟରେ ଉତ୍ତେଜନା ଶୀର୍ଷରେ ପହଞ୍ଚିଛି । ଆଜି ସକାଳେ, ଜମ୍ମୁ ଏବଂ କାଶ୍ମୀରର ରାମବନରେ ଚେନାବ ନଦୀ ଉପରେ ନିର୍ମିତ ବାଗଲିହାର ଜଳବିଦ୍ୟୁତ ପ୍ରକଳ୍ପ ବନ୍ଧର ଅନେକ ଗେଟ୍ ଖୋଲାଯାଇଥିଲା ।
୩) ଭାରତୀୟ ସେନା ପାକିସ୍ତାନର ଲଞ୍ଚ ପ୍ୟାଡକୁ ଉଡ଼ାଇ ଦେଲା :
ଭାରତୀୟ ସେନା ଦ୍ୱାରା ସର୍ଜିକାଲ୍ ଷ୍ଟ୍ରାଇକ୍ ଭଳି ଏକ ଆକ୍ରମଣ କରାଯାଇଛି । ଭାରତୀୟ ସେନା ଜମ୍ମୁ ସୀମାରୁ ପାକିସ୍ତାନୀ ପୋଷ୍ଟ ଏବଂ ଆତଙ୍କବାଦୀ ଲଞ୍ଚ ପ୍ୟାଡ୍ ଧ୍ୱଂସ କରିଛି । ଯେଉଁଠାରୁ ଟ୍ୟୁବ୍ ଲଞ୍ଚ ଡ୍ରୋନ୍ ମଧ୍ୟ ଉଡ଼ାଣ କରାଯାଉଥିଲା ।
୪) ପାକିସ୍ତାନ ଗୁଳିରେ ରାଜୌରୀର ଅତିରିକ୍ତ ଜିଲ୍ଲା ଉନ୍ନୟନ କମିଶନରଙ୍କ ମୃତ୍ୟୁ :
ଜାମ୍ମୁ କାଶ୍ମୀରର ରାଜୌରୀର ଅତିରିକ୍ତ ଜିଲ୍ଲା ବିକାଶ କମିଶନର (ଏଡିଡିସି) ରାଜ କୁମାର ଥାପା ପାକିସ୍ତାନରୁ ଗୁଳି ବିନିମୟରେ ପ୍ରାଣ ହରାଇଛନ୍ତି । ଥାପ୍ପାଙ୍କ ମୃତ୍ୟୁ ସମ୍ପର୍କରେ ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା ସୋସିଆଲ ମିଡିଆରେ ଟ୍ୱିଟ୍ କରିଛନ୍ତି । ଏଥି ସହ ମୁଖ୍ୟମନ୍ତ୍ରୀ ଅବଦୁଲ୍ଲା କହିଛନ୍ତି ଯେ ଦୁଃଖ ପ୍ରକାଶ କରିବା ପାଇଁ କୌଣସି ଶବ୍ଦ ନାହିଁ । ଭଗବାନ ତାଙ୍କ ଆତ୍ମାକୁ ଶାନ୍ତି ଦିଅନ୍ତୁ ।
୫) ସକାଳେ ମଧ୍ୟ ପଠାନକୋଟରେ ଜୋରଦାର ବିସ୍ଫୋରଣ ଶୁଣାଯାଇଥିଲା :
ଆଜି ସକାଳେ ପଞ୍ଜାବର ପଠାଣକୋଟରେ ଜୋରଦାର ବିସ୍ଫୋରଣ ଶୁଣାଯାଇଥିଲା । ବିଳମ୍ବିତ ରାତିରୁ ପାକିସ୍ତାନ ପକ୍ଷରୁ ଲଗାତାର ଆକ୍ରମଣ ଚାଲିଛି, ଯାହାର ଭାରତୀୟ ସେନା ଉଚିତ ଜବାବ ଦେଉଛି ।
୬) ଜମ୍ମୁ ଓ କାଶ୍ମୀରର ରାଜୌରୀରେ ବିସ୍ଫୋରଣ ପରେ କ୍ଷତିଗ୍ରସ୍ତ ଘର :
ଶୁକ୍ରବାର ରାତିରୁ ପାକିସ୍ତାନର ଲଗାତାର ଆକ୍ରମଣରେ ଜମ୍ମୁ ଏବଂ କାଶ୍ମୀରର ରାଜୌରୀରେ ଅନେକ ଘର କ୍ଷତିଗ୍ରସ୍ତ ହୋଇଛି ।
୭) ପାକିସ୍ତାନ ଭାରତ ଉପରେ ‘ଫତେହ-୧’ ମିସାଇଲ୍ ମାଡ଼ କଲା, ବାୟୁ ପ୍ରତିରକ୍ଷା ପ୍ରଣାଳୀ ଏହାକୁ ବିଫଳ କଲା :
ଭାରତ ଶକ୍ତିଶାଳୀ ‘ଫତେହ-୧’ ମିସାଇଲ ସାହାଯ୍ୟରେ ପାକିସ୍ତାନ ଉପରେ ଆକ୍ରମଣ କରିଛି । ହେଲେ ଭାରତୀୟ ବାୟୁ ପ୍ରତିରକ୍ଷା ପ୍ରଣାଳୀ ଏହି ମିସାଇଲକୁ ଆକାଶରେ ଧ୍ୱଂସ କରିଦେଇଛି ।