ପାକିସ୍ତାନ ଏମିତି ଏକ ଦେଶ ଯାହାର ଅନେକ ଘଟଣା ଚାହୁଁ ଚାହୁଁ ସାରା ବିଶ୍ୱରେ ଚର୍ଚ୍ଚାର ବିଷୟ ପାଲଟି ଯାଏ । କିଛି ଲୋକ ପାକିସ୍ତାନର ହରକତକୁ କୌତୁକିଆ ଢଙ୍ଗରେ ନିଅନ୍ତି ତ ଅନେକ ଭିନ୍ନ ଅର୍ଥରେ ନିଅନ୍ତି । ଆଜିର ଦିନରେ ସୋସିଆଲ ମିଡିଆରେ କିଛି ନା କିଛି ଭିଡିଓ ଭାଇରାଲ ହେଉଛି ଯାହା ପାକିସ୍ତାନରେ ଘଟିଥିବ । ଏବେ ଏମିତି ଏକ ଭିଡିଓ ସାମ୍ନାକୁ ଆସିଛି ଯାହାକୁ କିଛି ଲୋକ କୌତୁକିଆ ଢଙ୍ଗରେ ନେଇଛନ୍ତି ।
ଘଟଣାଟି ହେଉଛି ପାକିସ୍ତାନର ଜଣେ ବ୍ୟକ୍ତି ନିଜ ବାଇକରେ ଏକ ଗାଇକୁ ବସାଇ ବହୁତ ସ୍ପିଡରେ ନିଜ ଗନ୍ତବ୍ୟ ସ୍ଥଳକୁ ଯାତ୍ରା କରୁଥିବାର ଦେଖା ଯାଇଛି । ବ୍ୟକ୍ତି ଜଣକ ବାଇକରେ ଗାଇକୁ ସବାର କରି ଯିବା ବେଳେ ସାଇଡରେ ଯାଉଥିବା ଅନେକ ଲୋକ ଏହି ଦୃଶ୍ୟକୁ ନିଜ ମୋବାଇଲରେ ସୁଟ୍ କରୁଥିଲେ । ଏହି ଭିଡିଓଟିକୁ ଦେଖି ଅନେକ ଲୋକ ଏହାକୁ ବେଆଇନ କହିବା ସହ ଏହା ଡ୍ରାଇଭିଙ୍ଗ ଆଇନ ଓ ପଶୁ ସୁରକ୍ଷା ଆଇନକୁ ଉଲଂଘନ କରୁଥିବାର କହିଛନ୍ତି । ଆଉ ଅନେକ ଲୋକ ଏହାର ମଜା ଉଡାଇଛନ୍ତି ।
Here’s proof that almost anything is possible in Pakistan: pic.twitter.com/n2MgK3uyKE
— Salman Siddiqui (@salmansid) May 19, 2019