ଏୟାର ଇଣ୍ଡିଆ ବିମାନରେ ହଙ୍ଗାମା! କ୍ରୁ ସଦସ୍ୟଙ୍କ ସହ ଅସଭ୍ୟ ଆଚରଣ କଲେ ଯାତ୍ରୀ, ମାଡ଼ ମାରିବାକୁ ବି ପଛାଇଲେ ନାହିଁ

ଏୟାର ଇଣ୍ଡିଆ ବିମାନରେ ଜଣେ ଯାତ୍ରୀ କ୍ରୁ ସଦସ୍ୟଙ୍କ ସହ ଅସଭ୍ୟ ଆଚରଣ କରିଛନ୍ତି। ନିୟାମକଙ୍କ ନିକଟରେ ଅଭିଯୋଗ କରି ଏୟାର ଇଣ୍ଡିଆ କହିଛି ଯେ ତାଙ୍କ ବିମାନରେ ଥିବା ଜଣେ ଯାତ୍ରୀ ବିମାନରେ ଉପସ୍ଥିତ କ୍ରୁ ସଦସ୍ୟଙ୍କ ସହିତ ଅସଦାଚରଣ କରିଛନ୍ତି।

ଏୟାର ଇଣ୍ଡିଆ ବିମାନରେ ଜଣେ ଯାତ୍ରୀ କ୍ରୁ ସଦସ୍ୟଙ୍କ ସହ ଅସଭ୍ୟ ଆଚରଣ କରିଛନ୍ତି। ନିୟାମକଙ୍କ ନିକଟରେ ଅଭିଯୋଗ କରି ଏୟାର ଇଣ୍ଡିଆ କହିଛି ଯେ ତାଙ୍କ ବିମାନରେ ଥିବା ଜଣେ ଯାତ୍ରୀ ବିମାନରେ ଉପସ୍ଥିତ କ୍ରୁ ସଦସ୍ୟଙ୍କ ସହିତ ଅସଦାଚରଣ କରିଛନ୍ତି। ଯାତ୍ରୀ କେବଳ କ୍ରୁ ସଦସ୍ୟଙ୍କୁ ଅସଦାଚରଣ କରି ନାହାନ୍ତି, ବରଂ ସେ ମାରପିଟ କରିବାକୁ ମଧ୍ୟ ଚେଷ୍ଟା କରିଛନ୍ତି।

ଏୟାର ଇଣ୍ଡିଆର ମୁଖପାତ୍ର ଏ ନେଇ ସୂଚନା ଦେଇ କହିଛନ୍ତି, ବିମାନବନ୍ଦରରେ ଅବତରଣ କରିବା ପରେ ସମ୍ପୃକ୍ତ ଯାତ୍ରୀଙ୍କୁ ସୁରକ୍ଷା କର୍ମୀଙ୍କୁ ହସ୍ତାନ୍ତର କରାଯାଇଥିଲା।

ଏୟାର ଇଣ୍ଡିଆ ତରଫରୁ ଜାରି ସୂଚନା ଅନୁସାରେ, ମେ’ ୨୯ରେ ତାଙ୍କ ବିମାନ AI882ରେ ଜଣେ ଯାତ୍ରୀ କ୍ରୁରେ ଉପସ୍ଥିତ ଲୋକଙ୍କ ସହ ଅସଦାଚରଣ କରିଥିଲେ। ଯାତ୍ରୀ ପ୍ରଥମେ କ୍ରୁ ସଦସ୍ୟମାନଙ୍କୁ ଗାଳିଗୁଲଜ କରିଥିଲେ ଏବଂ ପରେ କ୍ରୁଙ୍କ ଉପରେ ଶାରୀରିକ ଆକ୍ରମଣ କରିବାକୁ ମଧ୍ୟ ଚେଷ୍ଟା କରିଥିଲେ।

ଦିଲ୍ଲୀ ବିମାନବନ୍ଦରରେ ଓହ୍ଲାଇବା ପରେ ବି ଯାତ୍ରୀଙ୍କ ରାଗ ଶାନ୍ତ ହୋଇ ନ ଥିଲା। ଏହାପରେ ତାଙ୍କୁ ସୁରକ୍ଷା କର୍ମୀଙ୍କୁ ହସ୍ତାନ୍ତର କରି ଦିଆଯାଇଥିଲା। ତେବେ ଏ ପର୍ଯ୍ୟନ୍ତ ଯାତ୍ରୀଙ୍କ ପରିଚୟ ସମ୍ପର୍କିତ କୌଣସି ସୂଚନା ଏୟାର ଇଣ୍ଡିଆ ଦେଇନାହିଁ।

କହି ରଖୁଛୁ, ଏହାପୂର୍ବରୁ ଗତ ଏପ୍ରିଲ ୧୦ରେ ଏକ ଏୟାର ଇଣ୍ଡିଆ ବିମାନରେ ଜଣେ ଯାତ୍ରୀ କ୍ରୁଙ୍କୁ ଆକ୍ରମଣ କରିଥିବା ଖବର ସାମ୍ନାକୁ ଆସିଥିଲା।

Leave A Reply

Your email address will not be published.