କରୋନା ଟିକା: ଫାଇଜର ଭ୍ୟାକ୍ସିନକୁ ଭାରତ ସରକାରଙ୍କଠାରୁ ଜଲଦି ମିଳିବ ମଞ୍ଜୁରୀ, ଶେଷ ପର୍ଯ୍ୟାୟରେ ପ୍ରକ୍ରିୟା

ଭାରତରେ ଆମେରିକୀୟ କମ୍ପାନୀ ଫାଇଜରର କରୋନା ଭ୍ୟାକ୍ସିନକୁ ଜଲଦି ହିଁ ମଞ୍ଜୁରୀ ମିଳିପାରେ। କମ୍ପାନୀ କହିଛି, ଭାରତ ସରକାରଙ୍କ ସହିତ ଆମର ପ୍ରକ୍ରିୟା ବର୍ତ୍ତମାନ ଅନ୍ତିମ ପର୍ଯ୍ୟାୟରେ ଅଛି। ଫାଇଜରର ସିଇଓ ଅଲବର୍ଟ ବୋରଲା କହିଛନ୍ତି କି, କମ୍ପାନୀ ଆଶା ରଖିଛି ଏହା ଖୁବଶୀଘ୍ର ଭାରତ ସରକାରଙ୍କ ସହିତ ଏକ ଚୁକ୍ତିନାମାକୁ ଅନ୍ତିମ ରୂପ ଦେବ।

କହି ରଖୁଛୁ, ଏଥି ପୂର୍ବରୁ ଅଲବର୍ଟ ବୋରଲା ଫାଇଜର ଇଣ୍ଡିଆର କର୍ମଚାରୀମାନଙ୍କୁ ପଠାଇଥିବା ମେଲରେ କହିଛନ୍ତି କି, ଆମେ ଭାରତରେ କରୋନା ସ୍ଥିତିକୁ ନେଇ ଅତ୍ୟଧିକ ଚିନ୍ତିତ ଅଛୁ। ହୃଦୟରୁ ଆପଣଙ୍କୁ, ଆପଣଙ୍କ ପ୍ରିୟଜନଙ୍କୁ ଏବଂ ଭାରତର ସମସ୍ତ ଲୋକଙ୍କ ସହିତ ଅଛୁ। ଆମେ ଏହି ମହାମାରୀ ବିରୋଧରେ ଭାରତର ଲଢେଇରେ ସାମିଲ ହେବା ପାଇଁ ସଂକଳ୍ପିତ ଏବଂ ନିଜ କମ୍ପାନୀର ଇତିହାସରେ ସବୁଠାରୁ ବଡ଼ ମାନବୀୟ ମୁକ୍ତି ପାଇଁ ଦ୍ରୁତ ଗତିରେ କାମ କରୁଛୁ।

ଭାରତରେ ବର୍ତ୍ତମାନ କେବଳ ୩ କରୋନା ଟିକାକୁ ହିଁ ଜରୁରିକାଳୀନ ବ୍ୟବହାର ଲାଗି ମଞ୍ଜୁରୀ ମିଳିଛି। ଏଥିରେ ଭାରତ ସରକାର ସିରମର ଭ୍ୟାକ୍ସିନ କୋଭିସିଲ୍ଡ ଏବଂ ଭାରତ ବାୟୋଟେକର କୋଭ୍ୟାକ୍ସିନକୁ ମଞ୍ଜୁରୀ ଦେଇଛନ୍ତି। ପରେ ଭାରତ ରୁଷର କରୋନା ଭ୍ୟାକ୍ସିନ ସ୍ପୁଟନିକକୁ ବି ଜରୁରିକାଳୀନ ବ୍ୟବହାର ନିମନ୍ତେ ମଞ୍ଜୁରୀ ଦେଇଥିଲା। ଯଦି ଫାଇଜରକୁ ମଞ୍ଜୁରୀ ମିଳିବ, ତ ଭାରତରେ ଦିଆଯାଉଥିବା ଏହା ଚତୁର୍ଥ ଟିକା ହେବ।