‘ମୋଦି ଆଣ୍ଡ ୟୁଏସ୍’ କାର୍ଯ୍ୟକ୍ରମ: ପ୍ରଧାନମନ୍ତ୍ରୀ ମୋଦି ରାପର ହନୁମାନକାଇଣ୍ଡ ଓ ଖଲାସି ଫେମ୍ ଆଦିତ୍ୟ ଗଢ଼ବିଙ୍କୁ କଲେ ଆଲିଙ୍ଗନ
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସେପ୍ଟେମ୍ବର ୨୨ରେ ନ୍ୟୁୟର୍କର ଲଙ୍ଗ୍ ଆଇଲାଣ୍ଡର ନାସାଉ କୋଲିଗିୟମ୍ଠାରେ ଆୟୋଜିତ ‘ମୋଦି ଆଣ୍ଡ ୟୁଏସ୍’ କାର୍ଯ୍ୟକ୍ରମରେ ରାପର ହନୁମାନକାଇଣ୍ଡଙ୍କୁ ଭେଟିଛନ୍ତି । ମୋଦିଙ୍କର ତ୍ରିଦିବସୀୟ ଯାତ୍ରା ସମୟରେ ଏହି ସାକ୍ଷାତ ହୋଇଛି । ପିଏମ୍ ମୋଦି ଏହି ଆନ୍ତର୍ଜାତିକ କାର୍ଯ୍ୟକ୍ରମରେ ପରଫର୍ମାନ୍ସ ଦେବାକୁ ଆସିଥିବା ଅନ୍ୟ କଳାକାର ଆଦିତ୍ୟ ଗଢ଼ବି ଓ ଦେବୀ ଶ୍ରୀ ପ୍ରସାଦଙ୍କୁ ମଧ୍ୟ ଆଲିଙ୍ଗନ କରିଥିଲେ ।
‘ମୋଦି ଆଣ୍ଡ ୟୁଏସ୍’ କାର୍ଯ୍ୟକ୍ରମରେ ହନୁମାନକାଇଣ୍ଡ ପରଫର୍ମାନ୍ସ କରିବାର ଭିଡିଓ ଇଣ୍ଟରନେଟ୍ରେ ଖୁବ୍ ସେୟାର କରାଯାଉଛି । ଭିଡିଓରେ ଦର୍ଶକ ତାଙ୍କ ପ୍ରସ୍ତୁତିର ଆନନ୍ଦ ନେଉଥିବାର ଏବଂ ନିଜ ସିଟ୍ରେ ବସି ଝୁମୁଥିବାର ନଜର ଆସୁଛନ୍ତି । ନିଜର ପରଫର୍ମାନ୍ସ ପରେ ରାପର ପିଏମ୍ ମୋଦିଙ୍କୁ ଭେଟିଥିଲେ । ମୋଦି ତାଙ୍କ ସହ ହାତ ମିଳାଇ ଆଲିଙ୍ଗନ ମଧ୍ୟ କରିଥିଲେ । ତେବେ ରାପରଙ୍କୁ ଆଲିଙ୍ଗନ କରିବା ପୂର୍ବରୁ ପିଏମ୍ ମୋଦି ‘ଜୟ ହନୁମାନ’ ମଧ୍ୟ କହିଥିଲେ । କେରଳରେ ଜନ୍ମିତ ରାପର ସୂରଜ ଚେରୁକଟ ‘ହନୁମାନକାଇଣ୍ଡ’ ନାମରେ ବେଶ୍ ଚର୍ଚ୍ଚିତ ।
ଗାୟକ ଆଦିତ୍ୟ ଗଢ଼ବି ମଧ୍ୟ ପ୍ରଧାନମନ୍ତ୍ରୀ ମୋଦି ଏବଂ ୧୩,୫୦୦ ଲୋକଙ୍କ ସାମ୍ନାରେ ନିଜର ପ୍ରସ୍ତୁତି ଦେଇଥିଲେ । ଆଦିତ୍ୟ ଗତବର୍ଷ ନିଜର ଗୀତ ‘ଖଲାସି’କୁ ନେଇ ଇଣ୍ଟରନେଟ୍ରେ ହଇଚଇ ସୃଷ୍ଟି କରିଥିଲେ । ସେହିପରି ପୁଷ୍ପା: ଦି ରାଇଜ୍ ଏବଂ ଓ୍ୱାଲଟେୟାର ଭେରାୟା ଭଳି ଫିଲ୍ମରେ ନିଜର ସଙ୍ଗୀତ ପାଇଁ ଲୋକପ୍ରିୟ ସଙ୍ଗୀତକାର ଦେବୀ ଶ୍ରୀ ପ୍ରସାଦ ମଧ୍ୟ କାର୍ଯ୍ୟକ୍ରମରେ ଉପସ୍ଥିତ ଥିଲେ । ସେ ମଧ୍ୟ ପିଏମ୍ ମୋଦିଙ୍କୁ ଭେଟିଥିଲେ ।
The stage is set to at Nasseu Coliseum, New York to welcome PM Narendra Modi
FYI, even during presidential rallies of any candidate, such crowd doesn’t gather. This is the influence of #PMModi and strength of Bharat even in USA!
Dems should play their cards right. US… https://t.co/lz8r7WpQqG pic.twitter.com/ftktovSlob
— India Strikes YT 🇮🇳 (@IndiaStrikes_) September 22, 2024
‘ମୋଦି ଆଣ୍ଡ ୟୁଏସ୍’ କାର୍ଯ୍ୟକ୍ରମର ଭିଡିଓକୁ ପିଟିଆଇ ନିଜ ‘X’ ହ୍ୟାଣ୍ଡେଲରେ ମଧ୍ୟ ସେୟାର କରିଛି ।
VIDEO | PM Modi (@narendramodi) welcomed by music artists Hanumankind, Aditya Gadhvi and Devi Sri Prasad (@ThisIsDSP) onstage at the Community Event at Nassau Coliseum in New York earlier today. #PMModiUSVisit
(Source: Third Party) pic.twitter.com/thZKkxDEw2
— Press Trust of India (@PTI_News) September 22, 2024
