‘ଶାକାହାରୀ ଖାଦ୍ୟ, ମୟୂର ଥିମ୍’…. ଆମେରିକାର ଫାଷ୍ଟ ଲେଡିଙ୍କ ତତ୍ତ୍ବାବଧାନରେ ହ୍ବାଇଟ ହାଉସରେ ହେଉଛି ମୋଦିଙ୍କ ପାଇଁ ଡିନର ପ୍ରସ୍ତୁତ
ଆମେରିକାର ଫାଷ୍ଟ ଲେଡି ଜିଲ୍ ବାଇଡେନଙ୍କ ତତ୍ତ୍ବାବଧାନରେ ମୋଦିଙ୍କ ଲାଗି ଡିନର ପ୍ରସ୍ତୁତ କରାଯାଇଛି । ଷ୍ଟେଟ୍ ଡିନରର ଥିମ୍ ଭାରତର ରାଷ୍ଟ୍ରୀୟ ପକ୍ଷୀ ମୟୂର ଉପରେ ଆଧାରିତ ରହିଛି । ଶାକାହାରୀ ଖାଦ୍ୟରେ ସାମିଲ ରହିଛି ମିଲେଟ୍, ମଶରୁମ୍, ବାଜରା କେକ୍ ଇତ୍ୟାଦି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତିନିଦିନିଆ ରାଜକୀୟ ଆମେରିକୀୟ ଗସ୍ତରେ ରହିଛନ୍ତି । ଏହି ଯାତ୍ରା ସମୟରେ ଆମେରିକାର ଫାଷ୍ଟ ଲେଡି ଜିଲ୍ ବାଇଡେନଙ୍କ ତତ୍ତ୍ବାବଧାନରେ ମୋଦିଙ୍କ ଲାଗି ଡିନର ପ୍ରସ୍ତୁତ କରାଯାଇଛି । ମୋଦିଙ୍କ ସମ୍ମାନରେ ହ୍ବାଇଟ ହାଉସରେ ଭବ୍ୟ ରାତ୍ରିଭୋଜନର ଆୟୋଜନ କରାଯାଇଛି । ମୋଦିଙ୍କୁ ଶାକାହାରୀ ଭୋଜନ ପସନ୍ଦ ଥିବାରୁ ଏହାକୁ ଧ୍ୟାନରେ ରଖି ମେନ୍ୟୁ ତିଆରି କରାଯାଇଛି ।
ଫାଷ୍ଟ ଲେଡି ଜିଲ ବାଇଡେନ୍ ଗେଷ୍ଟ ସେଫ୍ ନୀନା କାର୍ଟିସ୍, ହ୍ୱାଇଟ୍ ହାଉସର ଏକ୍ଜିକ୍ୟୁଟିଭ୍ ସେଫ୍ କ୍ରିସ୍ କୋମରଫୋର୍ଡ ଓ ହ୍ୱାଇଟ ହାଉସର ଏକ୍ଜିକ୍ୟୁଟିଭ୍ ପାଷ୍ଟ୍ରୀ ସେଫ୍ ସୁଜୀ ମରିଶନଙ୍କ ସହ ମିଶି ଏହି ଷ୍ଟେଟ୍ ଡିନର ମେନ୍ୟୁ ତିଆରି କରିଛନ୍ତି । ମୋଦିଙ୍କୁ ଦିଆଯିବାକୁ ଥିବା ଫାଷ୍ଟ କୋର୍ସ ମିଲରେ ମାରିନେଟେଡ୍ ମିଲେଟ୍, ଗ୍ରୀଲଡ୍ କର୍ଣ୍ଣ କର୍ନେଲ ସାଲାଡ, କମ୍ପ୍ରେସଡ୍ ୱାଟର ମେଲନ ଆଦି ସାମିଲ ରହିଛି । ମେନ୍ କୋର୍ସରେ ଷ୍ଟଫଡ୍ ମଶରୁମ୍, କ୍ରିମି ସାଫରନ୍ ଇନଫ୍ୟୁଜ୍ ରିସୋଟୋ ଇତ୍ୟାଦି ସାମିଲ କରାଯାଇଛି । ଏହା ବ୍ୟତୀତ ସୁମେକ ରୋଷ୍ଟେଡ୍ ସି ବାସ୍, ବାଜରା କେକ୍, ସମର ସ୍କ୍ୱାସ୍ ମଧ୍ୟ ଡିନରରେ ସାମିଲ କରାଯାଇଛି ।
#WATCH | First Lady of the US, Jill Biden gives details on the State Dinner that will be hosted for Prime Minister Narendra Modi.
“…Tomorrow night, guest will walk across the South Lawn into a pavilion draped in rich greens with saffron-coloured flowers at every table — the… pic.twitter.com/oNgrXgAHjw
— ANI (@ANI) June 21, 2023
ମୋଦିଙ୍କ ଏହି ଷ୍ଟେଟ୍ ଡିନର ବିଷୟରେ ସୂଚନା ଦେଇ ଫାଷ୍ଟ ଲେଡି ଜିଲ ବାଇଡେନ୍ କହିଛନ୍ତି, ହ୍ୱାଇଟ୍ ହାଉସର ସାଉଥ୍ ଲନ୍ ଆଜି ରାତିରେ ବିଶେଷ ଅତିଥି ଯୋଗ ଦେବେ । ଡିନରରେ ପାଖାପାଖି ୪୦୦ ବିଶିଷ୍ଟ ଅତିଥି ଯୋଗ ଦେବେ । ତ୍ରିରଙ୍ଗା ଥିମରେ ସାଉଥ୍ ଲନ୍ ପାଭେଲିଆନକୁ ସଜାଯାଇଥିବା ସେ ସୂଚନା ଦେଇଛନ୍ତି । ଡିନର ପରେ ଗ୍ରାମି ଆୱାର୍ଡ ବିଜେତା ଯୋଶୁଆ ବେଲ୍ ପ୍ରଦର୍ଶନ କରିବେ । ଏହାପରେ ୟୁନିଭରସିଟି ଅଫ୍ ପେନସିଲଭାନିଆର ଆକାପେଲା ଗ୍ରୁପର ପାନ ମସଲା ପ୍ରଦର୍ଶନର ଆୟୋଜନ ରହିଛି ।
ସୋସିଆଲ୍ ସେକ୍ରେଟାରୀ କାର୍ଲୋସ୍ ଏଲିଜୋଣ୍ଡୋ କହିଛନ୍ତି, ଷ୍ଟେଟ୍ ଡିନରର ଥିମ୍ ଭାରତର ରାଷ୍ଟ୍ରୀୟ ପକ୍ଷୀ ମୟୂର ଉପରେ ଆଧାରିତ ।