ୱାଶିଂଟନ୍: ଭୟଙ୍କର ଭୂକମ୍ପରେ ଥରିଲା ମରକ୍କୋ । ଦୋହଲିଲା ଘର ଦ୍ୱାର, ରାସ୍ତା ଘାଟ ସବୁ କିଛି । ନିମିଷରେ ସବୁକିଛି ହୋଇଗଲା ଛାରଖାର୍ । କିଲ ଗାଡି ଚଲାଉଥିଲେ ତ, କିଏ ଘରେ ବସି ଟିଭି ଦେଖୁଥିଲେ । ହଠାତ୍ ସବୁ କିଛି ସ୍ତବ୍ଧ ହୋଇଗଲା ଭଳି ଲାଗିଲା । ଆଉ ତାପରେ ମାଡିଆସିଲା ଘୁଘୁ ଗର୍ଜନ । ଦୋହଲିବାକୁ ଲାଗିଲା ସବୁକିଛି । ତେବେ ଏହି ଭୟଙ୍କର ଭୂକମ୍ପରେ ପ୍ରାୟ ୩୦୦ ଜଣ ବ୍ୟକ୍ତି ପ୍ରାଣ ହରାଇଥିବା ସୂଚନା ମିଳୁଛି । ଆଗକୁ ଏହି ମୃତ୍ୟୁ ସଂଖ୍ୟା ବଢିପାରେ ବୋଲି ଆଶଙ୍କା କରାଯାଉଛି। ଜଣେ ଅଧିକାରୀଙ୍କ ସୂଚନା ମୁତାବକ, ଗତକାଲି ଶୁକ୍ରବାର ରାତି ପାଖାପାଖି ୧୧ଟା ସମୟରେ ମରକ୍କୋରେ ଏକ ଶକ୍ତିଶାଳୀ ଭୂକମ୍ପ ଅନୁଭୂତ ହୋଇଥିଲା । ଲୋକମାନେ ସମସ୍ତେ ପ୍ରଚଣ୍ଡ ଶବ୍ଦ ଶୁଣି ଭୟଭୀତ ଓ ଆତଙ୍କିତ ହୋଇପଡିଥିଲେ। ସମଗ୍ର ଅଞ୍ଚଳ କାନ୍ଦବୋବାଳିରେ ଫାଟିପଡୁଥିଲା । କିଏ କଣ କରିବେ କିଛି ବି ଭାବି ପାରୁନଥିଲେ।
ଏଭଳି ଶକ୍ତିଶାଳୀ ଭୂମିକମ୍ପ ମରକ୍କୋବାସୀଙ୍କ ନିଦ ହଜାଇ ଦେଇଛି। ତେବେ ରିକ୍ଟର ସ୍କେଲରେ ଏହି ଭୂକମ୍ପର ତୀବ୍ରତା ୬.୮ ଥିବା ସୂଚନା ମିଳିଛି । ଭୂକମ୍ପର କେନ୍ଦ୍ରସ୍ଥଳ ମାରାକେଶର ଦକ୍ଷିଣ-ପଶ୍ଚିମର ୭୧ କିଲୋମିଟର ଦୂରରେ କେନ୍ଦ୍ରୀଭୂତ ହୋଇଥିବା ନେଇ ଆମେରିକାର ଭୂତତ୍ତ୍ବ ସର୍ବେକ୍ଷଣ ସଂସ୍ଥା ପକ୍ଷରୁ ଏହି ସୂଚନା ଦିଆଯାଇଛି । ତେବେ ଭୂକମ୍ପରେ ୩୦୦ ଜଣ ପ୍ରାଣ ହରାଇଥିବା ସହିତ ଅନେକ ଲୋକ ଆହତ ଏବଂ ଗୁରୁତର ମଧ୍ୟ ହୋଇଛନ୍ତି । ବହୁ ବଡ଼ କୋଠା ଭୁଶୁଡ଼ି ମାଟିରେ ମିଶିଛି ।
ଏପଟେ ଭୂକମ୍ପ ସମୟରେ କିଛି ସମୟ ପାଇଁ ବିଦ୍ୟୁତ୍ ସରବରାହ ବାଧାପ୍ରାପ୍ତ ହୋଇଥିବାବେଳେ, ଟେଲିଫୋନ୍ ରେ ନେଟୱାର୍କ ମଧ୍ୟ କଟିଯାଇଥିଲା । କିନ୍ତୁ ପରେ ଏହା ପୁଣି ଫେରି ଆସିଥିଲା । ସମସ୍ତେ ଭୟବିତ ଅବସ୍ଥାରେ ଘର ବାହାରକୁ ବାହାରି ଆସିଥିଲେ । ଏହି ଭୂକମ୍ପ ଅନେକଙ୍କୁ ବାସହରା କରିଦେଇଥିବାବେଳେ, ଯେଉଁମାନେ ବର୍ତି ଯାଇଛନ୍ତି ସେମାନେ ବି ଘର ଭିତରକୁ ଯିବାକୁ ସାହାସ କରିପାରୁନାହାନ୍ତି । ରାସ୍ତାକଡରେ ବସିରହିଥିବାର ଦେଖିବାକୁ ମିଳିଛି । ତେବେ ଆଜି ପର୍ଯ୍ୟନ୍ତ ଏହା ଦେଶରେ ସବୁଠାରୁ ଶକ୍ତିଶାଳୀ ଭୂକମ୍ପ ବୋଲି ମରକ୍କୋ ଗଣମାଧ୍ୟମରେ ରିପୋର୍ଟ ପ୍ରକାଶ କରିଛି। ଏପଟେ ଜୋରସେୋରରେ ଉଦ୍ଧାରକାରୀ ଦଳ ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।
ପଡୋଶୀ ଆଲଜେରିଆରେ ମଧ୍ୟ ଏହି ଭୂକମ୍ପ ଅନୁଭୂତ ହୋଇଥିଲା। ଯେଉଁଠାରେ ଆଲଜେରିଆର ସିଭିଲ୍ ଡିଫେନ୍ସ ପକ୍ଷରୁ କୌଣସି ଧନଜୀବନ କ୍ଷୟକ୍ଷତି ହୋଇନଥିବା କୁହାଯାଇଛି । ସୂଚନା ଥାଉକି, ୨୦୦୪ ମସିହାରେ, ଉତ୍ତର-ପୂର୍ବ ମରକ୍କୋର ଅଲ ହୋସିମାରେ ହୋଇଥିବା ଭୂକମ୍ପରେ ପ୍ରାୟ ୬୨୮ ଜଣଙ୍କର ମୃତ୍ୟୁ ଘଟିଥିବାବେଳେ ୯୨୬ ଜଣ ଆହତ ହୋଇଥିଲେ । ସେହିପରି ୧୯୮୦ ମସହାରେ, ପଡୋଶୀ ଆଲଜେରିଆର ଏଲ୍ ଆସନାମ୍ ରେ ୭.୩ ମ୍ୟାଗ୍ନିଚ୍ୟୁଡ୍ ରେ ହୋଇଥିବା ଭୂକମ୍ପ ସାମ୍ପ୍ରତିକ ଇତିହାସରେ ସବୁଠାରୁ ବଡ ଏବଂ ବିନାଶକାରୀ ଭୂକମ୍ପ ଥିଲା । ଯେଉଁଥିରେ ୨୫୦୦ ଲୋକଙ୍କର ମୃତ୍ୟୁ ଘଟିଥିଲା ଏବଂ ଅତିକମରେ ୩ଲକ୍ଷ ଲୋକ ଭୂମିହୀନ ହୋଇଯାଇଥିଲେ।
କଟକ (କେନ୍ୟୁଜ): କଟକ ସୂତାହାଟ ବଡ଼ ଗିର୍ଜାରେ ଶୁକ୍ରବାର ବୋମାମାଡ଼ ହୋଇଥିବା ନେଇ ସୂଚନା ମିଳିଥିଲା । ରାତି ପାଖାପାଖି…
ନୂଆଦିଲ୍ଲୀ : G-7 ସମ୍ମିଳନୀରେ ମୋଦି କ୍ରେଜ୍ । ଜି-୭ର ସମସ୍ତ ରାଷ୍ଟ୍ରମୁଖ୍ୟଙ୍କୁ ସମ୍ମିଳନୀ ଅବସରରେ ଦ୍ବିପାକ୍ଷିକ ଭେଟି ଆଲୋଚନା…
ମେଷ : ଆପଣ ଆଜି କିଛି ଭଲ ଖବର ପାଇପାରନ୍ତି । ସାଙ୍ଗଙ୍କ ସହ ବହୁତ ଖୁସି ରହିବେ ।…
ଆଳି : କେନ୍ଦ୍ରାପଡା ଜିଲ୍ଲା ଆଳି ଥାନା ଅନ୍ତର୍ଗତ ଭୁଇଁପୁର ଛକରେ ଜଣେ ଠିକାଦାରଙ୍କ ଭାଇ ସମେତ ତାଙ୍କର ପରିବାର…
ଭୁବନେଶ୍ୱର : କାମଚଳା ବାଚସ୍ପତି ହେଲେ ବିଜେଡି ବରିଷ୍ଠ ବିଧାୟକ ରଣେନ୍ଦ୍ର ପ୍ରତାପ ସ୍ୱାଇଁ । ରାଜଭବନରେ ଶପଥ ପାଠ…
ଭୁବନେଶ୍ୱର : ମୁଖ୍ୟମନ୍ତ୍ରୀ ହେବା ପରେ ମୋହନ ମାଝୀଙ୍କ ପ୍ରଥମ ସରକାରୀ କାର୍ଯ୍ୟକ୍ରମ । ରାଜ୍ୟ ସଂଗ୍ରହାଳୟରେ ଆୟୋଜିତ ରଜ…