ପନୀର ବିରିୟାନୀରେ ମିଳିଲା ଚିକେନ ଖଣ୍ଡ, ଯୁବକ ଅଭିଯୋଗ କରିବା ପରେ କମ୍ପାନୀ ଦେଲା ଏଭଳି ପ୍ରତିକ୍ରିୟା

ଫୁଡ୍‌ ଡେଲିଭରୀ ଆପ୍‌ରୁ ଅର୍ଡର କରୁଥିଲେ ସାବଧାନ ହୋଇଯାଆନ୍ତୁ । ଆପଣ ଯଦି ନିରାମିଷ ଖାଦ୍ୟ ଖାଉଛନ୍ତି ତେବେ କେବେ ବି ଅର୍ଡର କରନ୍ତୁ ନାହିଁ । କାରଣ ଆପଣ ଅର୍ଡର କରିଥିବା ନିରାମିଷ ଖାଦ୍ୟରେ ଆମିଷ ମିଶିଥାଇପାରେ । ଜଣେ ମହିଳା ପନୀର ସାଣ୍ଡଓ୍ଵିଚ ଅର୍ଡର କରିଥିବା ବେଳେ ଚିକେନ ସାଣ୍ଡଓ୍ଵିଚ ମିଳିଥିଲା । ଏହି ଘଟଣା ପରେ ଏବେ ଆଉ ଜଣେ ବ୍ୟକ୍ତି ଏଭଳି ଶିକାର ହୋଇଛନ୍ତି । ଏହା ଧାର୍ମିକ ଭାବନାକୁ ଆହତ କରୁଛି ବୋଲି ବ୍ୟକ୍ତି ଜଣକ କହିଛନ୍ତି ।

ପଙ୍କଜ ଶୁକ୍ଲା ନାମକ ଜଣେ ବ୍ୟକ୍ତି ଏକ୍ସରେ ଏକ ଭିଡିଓ ସେୟାର କରି ଲେଖିଛନ୍ତି, ‘PK Biryani House’ କରେଓ୍ଵ ନଗର, ପୁନେ, ମହାରାଷ୍ଟ୍ରରୁ ପନୀର ବିରିୟାନୀ ଅର୍ଡର ଦେଇଥିଲେ । ଏଥିରେ ମୋତେ ଏକ ଚିକେନ ଖଣ୍ଡ ମିଳିଥିଲା । ଯେହେତୁ ମୁଁ ଶାକାହାରୀ ଆଉ ଏହାକୁ ନେଇ ଅଭିଯୋଗ କରିବା ପରେ ରିଫଣ୍ଡ ମିଳିଥିଲା । କିନ୍ତୁ ମୁଁ ଜଣେ ଧାର୍ମିକ ବ୍ୟକ୍ତି, ତେଣୁ ମୋ ଧାର୍ମିକ ଭାବନାକୁ ଆଘାତ ପହଞ୍ଚିଛି ।

ordered paneer biryani from pk biryani house karve nagar pune maharashtra and I found a chicken piece in it(I am a vegetarian) I already got refund but this os still a sin since I am a religious person and it has hurt my religious sentiments.#pkbiryani #zomato pic.twitter.com/nr0IBZl5ah

— Pankaj shukla (@Pankajshuklaji2) May 13, 2024

ଏହି ଘଟଣାକୁ ନେଇ ଫୁଡ ଡେଲିଭରୀ ଆପ୍‌ ପ୍ରତିକ୍ରିୟା ଦେଇଛି । ଆପ୍‌ ପକ୍ଷରୁ କୁହାଯାଇଛି କି, ଆମର ସର୍ବପ୍ରଥମ ପ୍ରାଥମିକତା ହେଉଛି କି, ଆମେ ଆପଣଙ୍କ ଭାବନାକୁ କୌଣସି ପ୍ରକାରରେ ଆଘାତ କରିବାକୁ ଚେଷ୍ଟା କରିନାହୁଁ । ଦୟାକରି ନିଜର ଅର୍ଡର ଆଇଡି ଏବଂ ଫୋନ ନମ୍ବର ମେସେଜ କରନ୍ତୁ, ଆମେ ଏହାର ଯାଞ୍ଚ କରିବୁ ।

ତେବେ ଏହା ସୋସିଆଲ ମିଡିଆରେ ଭାଇରଲ ହେବା ପରେ ୟୁଜର୍ସ ବିଭିନ୍ନ ପ୍ରକାରର କମେଣ୍ଟ ଦେଇଛନ୍ତି । କିଛି କହିଛନ୍ତି. ଆପଣ କେବଳ ଶୁଦ୍ଧ ଶାକାହାରୀ ଜିନିଷ କିଣନ୍ତୁ । ନିରାମିଷ ଓ ଆମିଷ ଦେଉଥିବା ଖାଦ୍ୟ ଡେଲିଭରୀ ଆପରୁ କିଣନ୍ତୁ ନାହିଁ । ଅନ୍ୟମାନେ କହିଛନ୍ତି, ଆପଣ କ’ଣ ପାଇଁ ଆମିଷ ସ୍ଥାନରୁ ଖାଦ୍ୟ କିଣୁଛନ୍ତି । ତେବେ ଏହି ପୋଷ୍ଟରେ ଏୟାର ଇଣ୍ଡିଆ ମଧ୍ୟ କମେଣ୍ଟ କରିଛି ।