୧୬ ଘଣ୍ଟ।ର ୮୦୦ ରିଟ୍ୱିଟ ପରେ ଯୁବକ ଖୋଜି ବାହାରକଲେ ପାଇଥିବା ପର୍ସର ମାଲିକାଣିଙ୍କୁ, କାହାଣୀ ଥିଲା କିଛି ଏପରି
ଆମେରିକାରେ ଜଣେ ୨୧ ବର୍ଷୀୟ ଯୁବକ ସୋସିଆଲ ମିଡ଼ିଆର ପାୱାରକୁ ଆପଣେଇ ହଜିଯାଇଥିବା ଏକ ପର୍ସର ମାଲିକାଣୀଙ୍କୁ ୧୬ ଘଣ୍ଟା ମଧ୍ୟରେ ଖୋଜି ବାହାର କରିଛନ୍ତି । ଜେମ୍ସ ଏଲସ ନାମକ ଏହି ଯୁବକଙ୍କୁ ଏଥିପାଇଁ ୮୦୦ ଥର ରିଟ୍ୱିଟ କରିବାକୁ ପଡିଥିଲା । ଜେମ୍ସ ଚୋରି ହୋଇଥିବା ପର୍ସ ଭିତରୁ ମିଳିଥିବା ଗୋପ୍ରୋ ଦ୍ୱାରା ନିଆଯାଇଥିବା ଫଟୋକୁ ଜାନୁଆରୀ ୨୦ ତାରିଖରେ ଟ୍ୱିଟ କରିଥିଲେ । ତାପରେ ଏହା ଜାରି ରହିଥିଲା । ତେବେ ସୋସିଆଲ ମିଡିଆରେ ପର୍ସର ଫଟୋ ଭାଇରଲ ହେବାପରେ ଜଣେ ୟୁଜର ତାର ମାଲିକାଣି ସାରା ୱେବଙ୍କୁ ଚିହ୍ନି ପାରିଥିଲେ ।
ସୂଚନା ଅନୁଯାୟୀ ୨୩ ବର୍ଷୀୟା ସାରା ଫ୍ଲୋରିଡ଼ାରେ ବାସ କରନ୍ତି । କଲେଜ ଫୁଟବଲ ନ୍ୟାସନାଲ ଚାମ୍ପିୟନସିପ ପାଇଁ New Orleans ଯାଇଥିଲେ । ତେବେ ସେଠାରୁ ବାହାରିବା ସମୟରେ ସାରା ଏକ କାର ବୁକ କରିଥିଲେ ଆଉ ତାପରେ ତାଙ୍କର ପର୍ସ ଚୋରି ହୋଇଯାଇଥିଲା । ଯେଉଁଥିରେ କିଛି ଡ଼ଲାର୍ସ, ସେଲଫୋନ ଏବଂ ଏକ ନେକଲେସ ରହିଥିଲା ।
ସାରା ଆସିବାର ଗୋଟେ ଦିନପରେ ଜେମ୍ସ ସେ ରହୁଥିବା ଫ୍ରେଞ୍ଚ କ୍ଵାଟରରେ ରହିଥିଲେ ଯେଉଁଠୁ ତାଙ୍କୁ ଏକ ପର୍ସ ମିଳିଥିଲା । ତେବେ ଏହି ପର୍ସ ଭିତରେ କାହାର ପରିଚୟ ପତ୍ର ନଥିଲା । ଜେମ୍ସ ପର୍ସରେ ଥିବା ଫୋନରେ ଏହି ପର୍ସର ଫଟୋ ଉଠାଇ ତାକୁ ଟ୍ୱିଟ କରିଥିଲେ । ଯେଉଁଥିରେ ସେ ଲେଖିଥିଲେ ‘ଫ୍ରେଞ୍ଚ କ୍ଵାଟରରୁ ଏକ ହଜିଯାଇଥିବା ପର୍ସ ମିଳିଛି ଯେଉଁଥିରେ କୌଣସି ବି ପରିଚୟ ପତ୍ର ନାହିଁ । ଏହି ପର୍ସର ମାଲିକାଣି ସାରା ଦୁନିଆ ବୁଲିସାରିଛନ୍ତି । ଏଥିରୁ ମୋତେ ଏକ ଗୋପ୍ରୋ ମିଳିଛି । ତାଙ୍କର ହଜି ଯାଇଥିବା ପର୍ସକୁ ଫେରାଇବା ପାଇଁ ମୁଁ ସେହି ଯୁବତୀଙ୍କୁ ଖୋଜୁଛି । ଦୟାକରି ତାଙ୍କୁ ଖୋଜିବାରେ ମୋତେ ସାହାଯ୍ୟ କରନ୍ତୁ ” ।
A week ago my purse was stolen in New Orleans. Today social media and an extremely kind soul (@itsking_james ) helped me get it back. Thank you so so so much 💕🎉 https://t.co/oi3waTZuEw
— Saarah Yob (@SaarahYob) January 21, 2020
ତେବେ ଅନେକ ରିଟ୍ୱିଟ ପରେ ସାରାଙ୍କୁ ତାଙ୍କ ପର୍ସ ମିଳିଯାଇଥିଲା । ଏହାପରେ ସାରା କହିଥିଲେ ଯେ ମୁଁ ନିଜ ପର୍ସ ଫେରି ପାଇବାର ଆଶା ରଖିଥିଲି ଯାହାକୁ ମୁଁ New Orleansରେ ହଜାଇ ଦେଇଥିଲି । ଏହାପରେ ସେ ଟ୍ୱିଟ କରି ଜେମ୍ସଙ୍କୁ ଧନ୍ୟବାଦ ଜଣାଇଥିଲେ ।