ସମୀର ୱାନଖେଡେ ଓ ତାଙ୍କ ପତ୍ନୀଙ୍କୁ ମିଳୁଛି ଧମକ; ପୋଲିସଠୁ ସ୍ୱତନ୍ତ୍ର ସୁରକ୍ଷା ମାଗିଲେ ପୂର୍ବତନ ଏନ୍ସିବି ମୁଖ୍ୟ
ମୁମ୍ବାଇ ଏନସିବିର ପୂର୍ବତନ ଜୋନାଲ ନିର୍ଦ୍ଦେଶକ ସମୀର ୱାନଖେଡେ ଏବଂ ତାଙ୍କ ପତ୍ନୀଙ୍କୁ ଧମକ ମିଳୁଛି। ଏହି ସୂଚନା ସମୀର ନିଜେ ଦେଇଛନ୍ତି।
ମୁମ୍ବାଇ ଏନସିବିର ପୂର୍ବତନ ଜୋନାଲ ନିର୍ଦ୍ଦେଶକ ସମୀର ୱାନଖେଡେ ଏବଂ ତାଙ୍କ ପତ୍ନୀଙ୍କୁ ଧମକ ମିଳୁଛି। ଏହି ସୂଚନା ସମୀର ନିଜେ ଦେଇଛନ୍ତି। ସେ କହିଛନ୍ତି ଯେ ମୋତେ ଏବଂ ମୋ ପତ୍ନୀଙ୍କୁ କେହି ଭୟଭୀତ କରିବାକୁ ଚେଷ୍ଟା କରୁଛି ଏବଂ ଖରାପ ମେସେଜ ପଠାଉଛି।
ୱାନଖେଡେ କହିଛନ୍ତି, ଗତ ୪ ଦିନ ହେବ ମୋତେ ଏବଂ ମୋ ପତ୍ନୀ କ୍ରାନ୍ତି ରେଡକରଙ୍କୁ ଧମକ ମିଳୁଛି। ସୋସିଆଲ ମିଡିଆରେ ଅଶ୍ଳୀଳ ମେସେଜ ଆସୁଛି। ମୁଁ ଏ ବିଷୟରେ ମୁମ୍ବାଇ ପୋଲିସ କମିଶନରଙ୍କୁ ଏକ ଚିଠି ଲେଖିବି ଏବଂ ବିଶେଷ ସୁରକ୍ଷା ଦାବି କରିବି।
ଅନ୍ୟପକ୍ଷରେ ଆର୍ଯ୍ୟନ୍ ଖାନ ଡ୍ରଗ୍ସ ମାମଲାରେ ମୁମ୍ବାଇ କୋର୍ଟ ସିବିଆଇକୁ ଜୁନ୍ ୩ ସୁଦ୍ଧା ଜବାବ ଦାଖଲ କରିବାକୁ କହିଛନ୍ତି। ମାମଲାର ପରବର୍ତ୍ତୀ ଶୁଣାଣି ଜୁନ୍ ୮ରେ ହେବ ଏବଂ କୋର୍ଟ ସେ ପର୍ଯ୍ୟନ୍ତ ସମୀର ୱାନଖେଡେଙ୍କୁ ମଧ୍ୟବର୍ତ୍ତୀକାଳୀନ ଆରାମ ପ୍ରଦାନ କରିଛନ୍ତି। ସିବିଆଇ ଆର୍ଯ୍ୟନ୍ ଖାନ ଡ୍ରଗ୍ସ ମାମଲାରେ ସମୀରଙ୍କ ବିରୋଧରେ ଆପରାଧିକ ଷଡଯନ୍ତ୍ର ଏବଂ ଜବରଦସ୍ତ ଟଙ୍କା ଆଦାୟ ନେଇ ମାମଲା ରୁଜୁ କରିଛି।
କହି ରଖୁଛୁ, କ୍ରାନ୍ତି ରେଡକର ହେଉଛନ୍ତି ସମୀର ୱାନଖେଡେଙ୍କ ଦ୍ୱିତୀୟ ପତ୍ନୀ ଏବଂ ଜଣେ ଅଭିନେତ୍ରୀ। ୨୦୨୧ ପର୍ଯ୍ୟନ୍ତ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋର ଜୋନାଲ ମୁଖ୍ୟ ଭାବରେ ସମୀର ୱାନଖେଡେ ବଲିଉଡର ଅନେକ ହାଇ-ପ୍ରୋଫାଇଲ ମାମଲାର ତଦନ୍ତ ନେତୃତ୍ୱ ନେଇଥିଲେ।
