ବେଗୁସରାଇ: ବିହାର ସ୍ଥିତ ବେଗୁସରାଇରେ ଘଟିଛି ମର୍ମନ୍ତୁଦ ଦୁଘର୍ଟଣା । ତୀବ୍ର ଗତିରେ ଥିବା ସ୍କର୍ପିଓ ଡିଭାଇଡର ସହ ଧକ୍କା ହୋଇ ଓଲଟି ପଡିଛି । ଏହି ଦୁର୍ଘଟଣାରେ ୪ ଜଣ ପ୍ରାଣ ହରାଇଥିବା ବେଳେ ଆଉ ୫ ଜଣ ଆହତ ହୋଇଛନ୍ତି । ସୂଚନା ଅନୁଯାୟୀ, ବିବାହରୁ ଉତ୍ସବରୁ ଫେରୁଥିବା ସମୟରେ ଏଭଳି ଭୟଙ୍କର ଦୁର୍ଘଟଣା ଘଟିଥିବାର ଜଣାପଡିଛି । ତୀବ୍ର ଗତିରେ ଆସୁଥିବା ସ୍କର୍ପିଓ ଡିଭାଇଡର ସହ ଧକ୍କା ହୋଇ NH 31ରେ ଓଲଟି ପଡିଛି ।
ଏହି ଦୁର୍ଘଟଣାସ୍ଥଳରେ ୪ଜଣଙ୍କ ମୃତ୍ୟୁ ହୋଇଥିବା ବେଳେ ଆଉ ୫ ଜଣ ଆହତ ହୋଇଛନ୍ତି । ୫ ଜଣ ଆହତଙ୍କୁ ଚିକିତ୍ସା ପାଇଁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା । ନଗର ଥାନା ଅନ୍ତର୍ଗତ ଖତୋପୁର ଛକ ନିକଟର NH 31ରେ ଦୁର୍ଘଟଣା ହୋଇଥିବାରର ଜଣାପଡିଛି । ବିବାହ ଉତ୍ସବରୁ ଫେରୁଥିବା ସମୟରେ ସ୍କର୍ପିଓ ଗାଡିଟି ପମ୍ପଚର ହୋଇଯାଇଥିଲା । ଫଳରେ ଦୁର୍ଘଟଣାର ଶିକାର ହୋଇଥିବା ଆଶଙ୍କା କରାଯାଉଛି ।
ଦୁର୍ଘଟଣାରେ ମନୋଜ କୁମାର ସିହ୍ନାଙ୍କ ପୁଅ ଅଙ୍କିତ କୁମାର(୧୯) ଏବଂ ତାଙ୍କ ଭାଇ ଅଭିଷେକ କୁମାର, ରୁଦଲ ପାସୱାନଙ୍କ ପୁଅ ସୌରଭ କୁମାର (୧୯), ଜଗଦୀଶ ପଣ୍ଡିତଙ୍କ ୧୮ ବର୍ଷୀୟ ପୁଅ କୃଷ୍ଣ କୁମାର ମୃତ୍ୟୁବରଣ କରିଛନ୍ତି । ଅନ୍ୟପଟେ ସେହି ଅଞ୍ଚଳର କିଛି ବାସିନ୍ଦାଙ୍କ ସାହାଯ୍ୟରେ ଆହତଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି ।
Also Read : ଖୋଲୁଛି ସୌରଭ ହତ୍ୟା ଘଟଣାର ରହସ୍ୟ, ପୋଷ୍ଟମର୍ଟମ ରିପୋର୍ଟରୁ ଜଣାପଡ଼ିଲା ସତ