ଶିବସେନାକୁ ପୁଣି ଲାଗିବ ବଡ ଝଟକା, ବିଧାୟକଙ୍କ ପରେ ଏବେ ସାଂସଦ କରିପାରନ୍ତି ବିଦ୍ରୋହ
ମହାରାଷ୍ଟ୍ର ରାଜନୀତିରେ ଚାଲିଛି ମହାସଂକଟ। ଯାହାର ପରିଣିତି ସ୍ୱରୂପ ନୂଆ ମୁଖ୍ୟମନ୍ତ୍ରୀ ହୋଇଛନ୍ତି ଏକନାଥ ସିନ୍ଦେ। ସେପଟେ ଉଦ୍ଧବ ଠାକରେଙ୍କ ଇସ୍ତଫା ପରେ ଶିବସେନା ପାର୍ଟି ଏବେ ଟଳମଳ ସ୍ଥିତିରେ। ଏହା ପରେ ମଧ୍ୟ ପାର୍ଟିକୁ ଏକ ବଡ ଝଟକା ଲାଗିପାରେ ବୋଲି ଚର୍ଚ୍ଚା ହେଉଛି । ବିଜେପିର ଜଣେ ନେତାଙ୍କ କହିବାନୁଯାୟୀ, ଶିବସେନାର ବିଦ୍ରୋହୀ ବିଧାୟକଙ୍କ ପରେ ଏବେ ସାଂସଦ ମଧ୍ୟ ବିଦ୍ରୋହ କରିପାରନ୍ତି। ଶିବସେନା କଳିର ପ୍ରଭାବ ସାଂସଦଙ୍କ ଉପରେ ପଡୁଛି । ୧୯ ସାଂସଦଙ୍କ ମଧ୍ୟରୁ ୧ ୪ ଜଣ ଟିମ୍ ପରିବର୍ତ୍ତନ ପାଇଁ ପ୍ରସ୍ତୁତ ହେଉଛନ୍ତି ।
ଅନ୍ୟପଟେ ଉଦ୍ଧବ ଠାକରେ ଦଳୀୟ ସାଂସଦଙ୍କୁ ନେଇ ଶୁକ୍ରବାର ଏକ ବୈଠକ ଡାକିଥିଲେ । ଶିବସେନା ସୂତ୍ରାନୁସାରେ, ଦଳର ବରିଷ୍ଠ ସାଂସଦ ସିନ୍ଦେଙ୍କ ଗୋଷ୍ଠୀ ସହ ହାତ ମିଳାଇବାକୁ ପରାମର୍ଶ ଦେଇଛନ୍ତି ।
ଉଦ୍ଧବ ଡାକିଥିବା ଏହି ବୈଠକରେ ତିନିଜଣ ସାଂସଦ ଉପସ୍ଥିତ ନଥିଲେ । ଏକନାଥ ସିନ୍ଦେଙ୍କ ପୁତ୍ର ଶ୍ରୀକାନ୍ତ ସିନ୍ଦେ, ଭାବନା ଗବଲୀ ଓ ରାଜନ ବିଚାରେ ବୈଠକରୁ ନିଜକୁ ଦୂରରେ ରଖିଥିଲେ । ଭାବନା ଏବେ ଇଡି ସ୍କାନରରେ ରହିଛନ୍ତି । ବାପାଙ୍କୁ ସମର୍ଥନ କରୁଛନ୍ତି ଏକନାଥ ସିନ୍ଦେଙ୍କ ପୁଅ ଶ୍ରୀକାନ୍ତ ସିନ୍ଦେ।
Shiv Sena chief Uddhav Thackeray expells Eknath Shinde, the new Maharashtra CM, from the party. In a letter addressed to Shinde, Thackeray states that he is being expelled for indulging in “anti-party activities.”
(File photos) pic.twitter.com/F6ZOycrMN9
— ANI (@ANI) July 2, 2022
ବୈଠକ ପରେ ଶିବସେନାର ଲୋକସଭା ନେତା ବିନାୟକ ରାଓ୍ୱତ କହିଥିଲେ ଯେ, ବିଦ୍ରୋହର ପ୍ରଭାବ ଦଳୀୟ ସାଂସଦଙ୍କ ଉପରେ ପଡିବ ନାହିଁ । ଉସମାନାବାଦର ସାଂସଦ ଓମରାଜେ ନିମ୍ବାଲକର ଉଦ୍ଧବଙ୍କ ସହ ରହିଥିବା କହିଛନ୍ତି । ଏପରିକି ସେମାନେ ଦଳର ନିର୍ଦ୍ଦେଶ ମୁତାବକ ରାଷ୍ଟ୍ରପତି ନିର୍ବାଚନରେ ଭୋଟ୍ ଦେବେ ବୋଲି କହିଛନ୍ତି ।
🔴 #MaharashtraPolitics | Shiv Sena Chief #UddhavThackarey removes Eknath Shinde from party position of Shiv Sena leader pic.twitter.com/egTpD1qH1E
— NDTV (@ndtv) July 1, 2022
ଏହାମଧ୍ୟରେ ଶିବସେନା ମୁଖ୍ୟ ଉଦ୍ଧବ ଠାକରେ ଏକନାଥ ସିନ୍ଧେଙ୍କୁ ଶିବସେନାରୁ ବହିଷ୍କୃତ କରିଛନ୍ତି।
