ଖୁସିର ମାହୋଲରେ ଘୋଟିଗଲା କଳା ବାଦଲ । ମର୍ମନ୍ତୁଦ ଦୁର୍ଘଟଣାରେ ଚାଲିଗଲା ବର-କନ୍ୟା ସମତେ ୭ ଜଣଙ୍କ ଜୀବନ । ଏମିତି ଘଟଣା ଉତ୍ତରପ୍ରଦେଶ ବିଜନୋରରେ ଘଟିଛି । ମୃତକଙ୍କ ମଧ୍ୟରେ ବର- କନ୍ୟା ସହିତ ବରର ମାଉସୀ ଏବଂ ଭାଇ ଏବଂ ଅନ ଲୋକ ସାମିଲ ଥିଲେ ।
ଖବର ମୁତାବକ, ଧାମପୁର ଗ୍ରାମ ତିବଡୀରେ ରହୁଥିବା ପରିବାର ଝାଡଖଣ୍ଡକୁ ବିବାହ କରିବାକୁ ଯାଇଥିଲେ । ସେପଟେ ବଧୂ ଘରକୁ ଫେରିବା ପାଇଁ ପ୍ରସ୍ତୁତ ଚାଲିଥିବା ବେଳେ ବାଟରେ ସରିଗଲା ସବୁକିଛି । ହସଖୁସିରେ ଫାଟି ପଡୁଥିବା ପରିବାରରେ ଦୁଃଖ ଘୋଟିଗଲା । ଡେରାଡୁନ-ନୈନିତାଲ ଜାତୀୟ ରାଜପଥରେ କାର୍ ଅଟୋ ସହିତ ଜୋରଦାର ଧକ୍କା ହୋଇଥିଲା । ଦୁର୍ଘଟଣାରେ ଅଟୋ ଚାଳକ ସହିତ ୭ ଜଣଙ୍କର ମୃତ୍ୟୁ ହୋଇଥିଲା । ଆହତଙ୍କୁ ହସପିଟାଲରେ ଭର୍ତ୍ତି କରାଯାଇଛି ।
ଏମାନେ ସମସ୍ତେ ମୁରାଦାବାଦ ଷ୍ଟେସନରେ ଓହ୍ଲାଇ ଅଟୋ ବୁକ୍ କରି ଘରକୁ ଫେରୁଥିଲେ । ସେତେବେଳେ ଏହି ଦୁର୍ଘଟଣା ହୋଇଥିଲା । ମୃତକଙ୍କ ମଧ୍ୟରେ ବର- କନ୍ୟା ସହିତ ସହିତ ଅନ୍ୟ ୬ ସାମିଲ ରହିଛନ୍ତି । ଏହାଛଡା ଅଟୋ ଚାଳକଙ୍କର ମୃତ୍ୟୁ ମଧ୍ୟ ହୋଇଛି ।
ଦୁର୍ଘଟଣା ହେବା ପରେ ପୋଲିସ ଘଟଣା ସ୍ଥଳରେ ପହଞ୍ଚି କାର୍ ଚାଳକଙ୍କ ବିପକ୍ଷରେ ମାମଲା ରୁଜୁ କରି ଗାଡିକୁ ଜବତ କରିଛି । ବତ୍ତର୍ମାନ ହସପିଟାଲରେ କାର ଡ୍ରାଇଭରଙ୍କ ଚିକିତ୍ସା ଚାଲିଛି । ତେବେ ଏହି ଘଟଣାରେ ମୁଖମନ୍ତ୍ରୀ ଯୋଗୀ ଆଦିତ୍ୟନାଥ ଶୋକ ପ୍ରକାଶ କରିବା ସହ ଶୋକ ସନ୍ତପ୍ତ ପରିବାରକୁ ସମବେଦନା ଜଣାଇଛନ୍ତି ।