ପ୍ରକୃତିର ତାଣ୍ଡବ ଆଗରେ ସବୁ ଫିକା । କେତେ ବେଳେ କେଉଁ ରୂପରେ ଆସି ପ୍ରଳୟ ସୃଷ୍ଟି କରେ ତାହା କେହି କହିପାରିବେ ନାହିଁ । ଆଉ ପ୍ରକୃତିର ତାଣ୍ଡବରେ ଛାରଖାର ହୋଇଯାଇଛି ୮୫୬ କୋଟି ଟଙ୍କାର ପ୍ରୋଜେକ୍ଟ । ପ୍ରବଳ ଝଡତୋଫାନ ଯୋଗୁଁ ଉଜ୍ଜୈନର ମହାକାଳ ଲୋକ୍ କରିଡରରେ ସ୍ଥାପିତ ହୋଇଥିବା ୬ଟି ସପ୍ତଋଷିଙ୍କ ମୂର୍ତ୍ତି ଭାଙ୍ଗିରୁଜି ଯାଇଛି । ଫଳରେ କୋଟି କୋଟି ଟଙ୍କା ଖର୍ଚ୍ଚ କରି ନିର୍ମାଣ ହୋଇଥିବା ପ୍ରୋଜେକ୍ଟ ବର୍ଷା ପବନରେ ଧୋଇଯାଇଛି । ଗତବର୍ଷ ଅକ୍ଟୋବରରେ ପ୍ରଧାନମନ୍ତ୍ରୀ ମୋଦି ଏହାକୁ ଉଦ୍ଘାଟନ କରିଥିଲେ ।
ଖବର ମୁତାବକ, ରବିବାର ରାତିରେ ହୋଇଥିବା ଝଡ ତୋଫାନରେ ମହାକାଳ ଲୋକରେ ନିର୍ମିତ ସପ୍ତଋିଷି ମୂର୍ତ୍ତି ଅଧିକ କ୍ଷତିଗ୍ରସ୍ତ ହୋଇଛି । ୮୫୬ କୋଟି ଟଙ୍କାର ପ୍ରୋଜେକ୍ଟରେ ନିର୍ମିତ ମୂର୍ତ୍ତି ଭାଙ୍ଗିରୁଜି ଯାଇଛି । ଅଧିକାଂଶ ମୂର୍ତ୍ତିର ମୁଣ୍ଡ ଏବଂ ହାତ ଭାଙ୍ଗିଯାଇଛି । ୧୦ରୁ ୨୫ ଫୁଟ ଉଚ୍ଚ ମୂର୍ତ୍ତି ନାଲି ପଥର ଏବଂ ଫାଇବର ରେନଫୋର୍ସ ପ୍ଲାଷ୍ଟିକରେ ନିର୍ମିତ । ଏହାକୁ ଗୁଜରାଟ, ଓଡିଶା ଏବଂ ରାଜସ୍ଥାନର ଶ୍ରମିକ କାମ କରିଛନ୍ତି ।
ତେବେ ଏଠାରେ ୧୬୦ ମୂର୍ତ୍ତି ସ୍ଥାପିତ କରାଯାଇଥିଲା । ଏଥିମଧ୍ୟରୁ ସପ୍ତଋିଷଙ୍କ ୬ଟି ମୂର୍ତ୍ତି ଭାଙ୍ଗିଯାଇଛି । ଯାହାର ଉଚ୍ଚତା ୬ ଫୁଟ ରହିଛି । ୧୧ ଅକ୍ଟୋବର ୨୦୨୨ରେ ପ୍ରଧାନମନ୍ତ୍ରୀ ମୋଦି ଉଜ୍ଜୈନର ମହାକାଲେଶ୍ୱର ମନ୍ଦିର ପରିସରରେ ‘ମହାକାଳ ଲୋକ’କୁ ଲୋକାର୍ପଣ କରିଥିଲେ । ଏହାପରେ ଦେଶ ବିଦେଶର ଶ୍ରଦ୍ଧାଳୁ ମହାକାଳ ଦର୍ଶନ କରିବା ପାଇଁ ଆସୁଥିଲେ । ଘଟଣା ସମ୍ପର୍କରେ ସୂଚନା ପାଇବା ପରେ ଜିଲ୍ଲା କଲେକ୍ଟର କୁମାର ପୁରୁଷୋତ୍ତମ ଘଟଣାସ୍ଥଳରେ ପହଞ୍ଚି ମୂର୍ତ୍ତିଗୁଡ଼ିକୁ ପୁନ ସ୍ଥାପନ କରିବାକୁ ନିର୍ଦ୍ଦେଶ ଦେଇଥିଲେ।
ବର୍ତ୍ତମାନ ଏହି ଘଟଣା କଂଗ୍ରେସକୁ ବିଜେପି ସରକାରଙ୍କୁ ଟାର୍ଗେଟ କରିବାର ସୁଯୋଗ ଦେଇଛି। ରାଜ୍ୟର ମୁଖ୍ୟ ବିରୋଧୀ ଦଳ ଏହି ପ୍ରକଳ୍ପରେ ଦୁର୍ନୀତି ଅଭିଯୋଗ ଆଣି ନିର୍ମାଣର ଗୁଣବତ୍ତା ସମ୍ପର୍କରେ ତଦନ୍ତ ଦାବି କରିଛନ୍ତି।
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…
ରାଇରଙ୍ଗପୁର (କେନ୍ୟୁଜ୍) : ମୟୁରଭଞ୍ଜ ଜିଲ୍ଲା ରାଇରଙ୍ଗପୁର ଉପକାରାଗାର ର ବିଚାରାଧୀନ ମହିଳା କଏଦୀଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ। ମୃତ…