ଆମେରିକାର ପୋର୍ଟଲାଣ୍ଡରେ ବିମାନ ଦୁର୍ଘଟଣା । ପୋର୍ଟଲାଣ୍ଡର ପୂର୍ବ ଅଞ୍ଚଳରେ ଏକ ବିମାନ ଘର ଉପରେ ଦୁର୍ଘଟଣାଗ୍ରସ୍ତ ହୋଇ ପଡିବା ଫଳରେ ଅନେକ ଘରେ ନିଆଁ ଲାଗିଯାଇଥିଲା । ଏହି ଘଟଣାରେ ୩ ଜଣଙ୍କର ମୃତ୍ୟୁ ହୋଇଛି । ବିମାନରେ ୨ ଜଣ ରହିଥିଲେ । ବିମାନ ଦୁର୍ଘଟଣା ହେବା ପରେ ଘରେ କିଭଳି ନିଆଁ ଲାଗିଯାଇଥିଲା, ତା’ର ଭିଡିଓ ଦେଖିବାକୁ ମିଳିଛି । ଘଟଣା ସ୍ଥଳରେ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି ।
ଖବର ମୁତାବକ, ଡବଲ ଇଂଜିନି ଥିବା ସେସନା ୪୨୧ ସି ବିମାନ ପୋର୍ଟଲାଣ୍ଡ ବିମାନର ପୂର୍ବରେ ୩୦ ମିନିଟ ଦୂର ସ୍ଥିତ ଟ୍ରାଉଟଡେଲ ବିମାନବନ୍ଦର ପାଖରେ ସକାଳ ୧୦.୩୦ ମିନିଟରେ ଦୁର୍ଘଟଣାଗ୍ରସ୍ତ ହୋଇଥିଲା ବୋଲି ଫେଡେରାଲ ଆଭିଏସନ ବିଭାଗ କହିଛି ।
ଦମକଳ ବିଭାଗର ପ୍ରମୁଖ ସ୍କର୍ଟ ଲୁଇସ କହିଛନ୍ତି, ବିମାନ ଧକ୍କା ଖାଇବା ପରେ ନିଆଁ ଅତିକମରେ ୪ଟି ଘରକୁ ବ୍ୟାପିଥିଲା । ଏଥିପାଇଁ ଅନେକ ପରିବାର ବିସ୍ତାପିତ ହୋଇଯାଇଛନ୍ତି । ଘଟଣା ସ୍ଥଳରେ ୨ ଜଣଙ୍କର ଚିକିତ୍ସା ଚାଲିଛି । କିନ୍ତୁ କେତେ ଜଣ ଆହତ ହୋଇଛନ୍ତି, ତାହା ଜଣାପଡିନାହିଁ ।
A fiery plane crash in a suburb of Portland, Oregon, left thousands of people in the area without power Saturday morning as emergency services personnel assessed the damage and potential loss of life.
Gresham Fire, Portland Fire, Portland Airport Fire and the Multnomah County… pic.twitter.com/yxjcSGsuds
— jay plemons🇺🇸 (@jayplemons) August 31, 2024
ବିମାନଟି ତଳେ ପଡିବା ଯୋଗୁଁ ଅନେକ ବିଦୁ୍ୟତ ତାର ମଧ୍ୟ ଛିଡିଯାଇଛି । ଫଳରେ ଏକ ବିଲରେ ନିଆଁ ଲାଗିଯାଇଛି । ବିମାନଟି ଘରେ ଧକ୍କା ଖାଇବା ଯୋଗୁଁ ଅନେକ ଘରେ ନିଆଁ ଲାଗିଯାଇଛି । ଏହି ଅଞ୍ଚଳରେ ପାଖାପାଖି ୧୦,୦୦୦ ଲୋକ ରହୁଥିଲେ । ତେବେ ବିମାନଟି ଦୁର୍ଘଟଣା ହେବା ପୂର୍ବରୁ ଆପତ୍ତକାଳୀନ ସ୍ଥିତି ନେଇ କୌଣସି ଖବର ଆସିନଥିଲା । ରାଷ୍ଟ୍ରୀୟ ପରିବହନ ସୁରକ୍ଷା ବୋର୍ଡ ଦୁର୍ଘଟଣା ବିଷୟରେ ଯାଞ୍ଚ କରୁଛି ।
ଆମେରିକାର ମିସିସିପିରେ ବସ୍ ଦୁର୍ଘଟଣାରେ ୭ ଜଣଙ୍କ ମୃତ୍ୟୁ ହୋଇଥିବା ୩୭ ଜଣ ଗୁରୁତର ଆହତ ହୋଇଛନ୍ତି । ସମସ୍ତ ଆହତଙ୍କୁ ହସପିଟାଲରେ ଭର୍ତ୍ତି କରାଯାଇଛି । ମିସିସିପିରେ ଇଣ୍ଟରଷ୍ଟେଟ ମାର୍ଗ ୨୦ରେ ବସ୍ ଟାୟାର ଫାଟିବା ଯୋଗୁଁ ଅନିୟନ୍ତ୍ରିତ ହୋଇ ବସ୍ ଓଲଟିପଡିଥିଲା ।