ଗତ ଦୁଇ ବର୍ଷ ଧରି ପୁରା ବିଶ୍ୱ କରୋନା ସଂକ୍ରମଣରେ ଘାଣ୍ଟି ହେଉଛି । ଗୋଟିଏ ପକ୍ଷରେ ଯେଉଁଠି ପ୍ରତି ବର୍ଷ ନୂଆ ନୂଆ ଭାରିଏଣ୍ଟ ସହ ମହାମାରୀ ବଢ଼ିଚାଲିଛି । ଅନ୍ୟ ପକ୍ଷରେ ଲୋକଙ୍କ ଶାରୀରିକ ଓ ମାନସିକତାରେ ଏହା ବଡ଼ ପ୍ରଭାବ ପକାଉଛି । ତେବେ କରୋନା ଯେପରି ଭାବେ ଲୋକଙ୍କ ଜୀବନ ନେଇ ଚାଲିଛି ତା’ ଠାରୁ ଅଧିକ ବେଗରେ ସଂକ୍ରମଣ ହେବ ସୁପରବଗ ବ୍ୟାକ୍ଟେରିଆ । ଯାହାକି ଏବେ ଆମେରିକାରେ ଲୋକଙ୍କ ମଧ୍ୟରେ ତୀବ୍ର ଭାବେ ସଂକ୍ରମିତ ହେବାରେ ଲାଗିଛି ।
ଏହା ଏବେ କରୋନା ଭଳି ସାରା ବିଶ୍ୱକୁ ଚିନ୍ତାରେ ପକାଇଛି । ମେଡିକାଲ ସାଇନ୍ସ ଅନୁଯାୟୀ, ଏହି ବ୍ୟାକ୍ଟେରିଆ କିଛି ବର୍ଷରେ ବିସ୍ଫୋରଣର ରୁପ ନେଇପାରେ । ଯାହାକି ସାରା ବିଶ୍ୱ ପାଇଁ ମାରାତ୍ମକ ହୋଇପାରେ । ମେଡିକାଲ ଜର୍ଣ୍ଣାଲ ‘ଲାନ୍ସେଟ୍ ଅନୁଯାୟୀ, ଯଦି ଏହି ସୁପରବଗ୍ ଏହି ବେଗରେ ସଂକ୍ରମିତ ହୁଏ ତେବେ ଏହା ଯୋଗୁ ପ୍ରତି ବର୍ଷ ୧ କୋଟି ଲୋକ ମୃତ୍ୟୁ ମୁଖରେ ପଡିବେ ।
ତେବେ ଏବେ ସୁପରବଗ ପାଇଁ ପ୍ରତିବର୍ଷ ବିଶ୍ୱରେ ୧୩ ଲକ୍ଷ ଲୋକଙ୍କ ଜୀବନ ହାନି ଘଟୁଛି । ସବୁଠାରୁ ବଡ଼ କଥା ହେଉଛି ଏହି ସୁପରବଗ ବ୍ୟାକ୍ଟେରିଆ ଉପରେ ଆଣ୍ଟିବାୟୋଟିକ ଓ ଆଣ୍ଟିଫୁଙ୍ଗାଲ୍ ମେଡିସିନ କାମ କରୁନାହିଁ ବୋଲି ଲାନ୍ସେଟ୍ ପତ୍ରିକାରେ ପ୍ରକାଶ ପାଇଛି ।
କ’ଣ ଏହି ସୁପରବଗ୍
ଏହା ବ୍ୟାକ୍ଟେରିଆର ଏକ ରୁପ । କିଛି ବ୍ୟାକ୍ଟେରିଆ ହ୍ୟୁମାନ ଫ୍ରେଣ୍ଡଲି ହୋଇଥାନ୍ତି ତ କିଛି ମନୁଷ୍ୟ ପାଇଁ ମାରାତ୍ମକ ହୋଇଥାନ୍ତି । ଏହି ବ୍ୟାକ୍ଟେରିଆ ଭାଇରସ ଓ ପାରାସାଇଟର ଏକ ରୁପ ଅଟେ । ଏହା ଯେତେବେଳେ ତାର ରୁପ ବଦଳାଇ ଆଣ୍ଟିମାଇକ୍ରୋବାଏଲ ରେଜିଷ୍ଟେଣ୍ଟ ହୋଇଯାଏ,ସେତେବେଳେ ଏହାର ଚିକିତ୍ସା ବହୁତ କଷ୍ଟକର ହୋଇଯାଏ ।
ଆଶ୍ଚର୍ଯ୍ୟର କଥା ହେଉଛି ସୁପରବଗ୍ କୌଣସି ଆଣ୍ଟିବାୟୋଟିକ ମେଡିସିନର ଅଧିକ ବ୍ୟବହାର କିମ୍ବା ଅଯଥାରେ ଆଣ୍ଟିବାୟୋଟିକ ମେଡିସିନର ବ୍ୟବହାର ଯୋଗୁ ସୃଷ୍ଟି ହୋଇଥାଏ ।
ଇଣ୍ଡିଆନ କାଉନସିଲ ଅଫ୍ ମେଡିକାଲ ରିସର୍ଚ୍ଚ ଅନୁସାରେ, ଆମ ଦେଶରେ ମଧ୍ୟ ନିମୋନିଆ ଓ ସେପ୍ଟିସିମିୟା ଚିକିତ୍ସା ପାଇଁ ବ୍ୟବହୃତ ହେଉଥିବା ମେଡିସିନ୍ କାର୍ବେପନେମ ମେଡିସିନ ଏବେ ବ୍ୟାକ୍ଟେରିଆ ଉପରେ ପ୍ରଭାବହୀନ ହୋଇଯାଇଛି ।
କେମିତି ସଂକ୍ରମିତ ହୋଇଥାଏ ସୁପରବଗ
ଏହି ବ୍ୟାକ୍ଟେରିଆ ଜଣେ ଅନ୍ୟଜଣଙ୍କ ଚର୍ମ ସହ ସମ୍ପର୍କ, ଘା’, ଲାଳ ଓ ଯୌନ ସମ୍ପର୍କ ରଖିବାରେ ସଂକ୍ରମିତ ହୋଇଥାଏ । ଥରେ ବ୍ୟକ୍ତି ଏଥିରେ ସଂକ୍ରମିତ ହେଲେ ମେଡିସିନ ପ୍ରଭାବ କାମ କରେନାହିଁ ।
ବଡ଼ କଥା ହେଲା କରୋନା ସମୟରେ ଆଣ୍ଟିବାୟୋଟିକର ଅତ୍ୟଧିକ ବ୍ୟବହାର ଯୋଗୁ ଏହି ସୁପରବଗ ର ସଂକ୍ରମଣ ବୃଦ୍ଧି ପାଇଥାଇପାରେ ବୋଲି ବିଶେଷଜ୍ଞମାନେ ପ୍ରକାଶ କରିଛନ୍ତି । ପ୍ରକାଶଯୋଗ୍ୟ ଯେ ଗତ ୧୫ ବର୍ଷରେ ଆଣ୍ଟିବାୟୋଟିକର ବ୍ୟବହାର ପ୍ରାୟ ୬୫ ପ୍ରତିଶତ ବୃଦ୍ଧି ପାଇଛି ବୋଲି ଏକ ରିପୋର୍ଟରେ ପ୍ରକାଶ ପାଇଛି
ସମଗ୍ର ଦେଶରେ ଲୋକମାନେ ଦାବି କରୁଛନ୍ତି ଯେ ସେମାନଙ୍କର ଜିଓ ସେବା କାମ କରୁନାହିଁ । ସେମାନେ କହୁଛନ୍ତି ଯେ,…
କାକଟପୁର (କେନ୍ୟୁଜ): ପାଗଳ ବିଲୁଆ ଆତଙ୍କରେ ଥରହର ହେଉଛନ୍ତି ଗାଁ ଲୋକେ । ଅସ୍ତରଙ୍ଗ ନିକଟ ବେଗୁନିଆବସ୍ତ ଗାଁରେ ଏକ…
ଯାଜପୁର (କେନ୍ୟୁଜ) : ଚାଲିଛି ସଂଘର୍ଷପୂର୍ଣ୍ଣ ଲଢେଇ । କର ବା ମର ପରିସ୍ଥିତି । ଏପଟେ ଗ୍ୟାଲେରୀରେ ଦର୍ଶକଙ୍କ…
ଭୁବନେଶ୍ୱର : ପ୍ରଚଣ୍ଡ ଗୁଳୁଗୁଳି ପରେ ବଦଳିଲା ପାଗ । ରାଜଧାନୀରେ ବିଜୁଳି ଘଡ଼ଘଡ଼ି ସହ ବର୍ଷା । ଅସହ୍ୟ…
ବାବାଙ୍କ ଭକ୍ତିରେ ଲୀନ ଶ୍ରଦ୍ଧାଳୁ । ସମସ୍ତଙ୍କ ମୁହଁରେ ଗୋଟାଏ ଶଦ୍ଦ ବାବା.. ଭୋଲେନାଥ.. । ଦେବ ଦେବ ମହାଦେବଙ୍କୁ…
ଇରାନ୍ର ଉତ୍ତର ଭାଗରେ ଥିବା ଏକ ହସ୍ପିଟାଲରେ ଭୟାବହ ଅଗ୍ନିକାଣ୍ଡ ଘଟିଛି । ଏଥିରେ ୯ ଜଣ ରୋଗୀଙ୍କର ମୃତ୍ୟୁ…