ଆମେରିକା : ଏମରଜେନ୍ସୀ ଲ୍ୟାଣ୍ଡିଂ ବେଳେ ଏସୟୁଭି ସହିତ ଧକ୍କା ହେଲା ବିମାନ, ଭିଡିଓ ଭାଇରଲ
ଆମେରିକାର ଲସ୍ ଭେଗାସରେ ବିମାନ ଏବଂ ଏସୟୁଭି କାର ଧକ୍କା ହୋଇଛି। ଫଳରେ ୩ ଜଣ ଲୋକ ଆହତ ହୋଇଛନ୍ତି। ସେମାନଙ୍କୁ ନିକଟସ୍ଥ ହସପିଟାଲରେ ଭର୍ତ୍ତି କରାଯାଇଛି । ନେବାଦା ପ୍ରାନ୍ତର ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଚଳାଇଛି ।
ଖବର ମୁତାବକ, ଲସ୍ ଭେଗାସର ଉତ୍ତରରେ ଥିବା ଏକ ହାଇେଓ୍ଵରେ ବିମାନର ଆପତ୍ତକାଳିନ ଲ୍ୟାଣ୍ଡିଂ ସମୟରେ ଏସୟୁଭି ସହିତ ଧକ୍କା ହୋଇଥିଲା । ଫଳରେ ୩ ଜଣ ଆହତ ହୋଇଥିଲେ ।
ଦୁଇ ସିଟ୍ ଯୁକ୍ତ ବିମାନରେ ବୈଷୟିକ ତ୍ରୁଟି ଥିବା ଯୋଗୁଁ ବିମାନଟି ୟୁଏସ୍-୯୫ର ହାଇେଓ୍ଵର ଆପତ୍ତକାଳିନ ଲ୍ୟାଣ୍ଡିଂ କରିଥିଲା। ଫଳରେ ଏସୟୁଭି ସହିତ ଧକ୍କା ହୋଇଥିଲା । ଯାହାର ଭିଡିଓ ଦେଖିବାକୁ ମିଳିଛି। ଦୁର୍ଘଟଣାରେ ବିମାନର ବ୍ଲେଡ ବାଜି ଏସୟୁଭି କାରର ଓ୍ଵିଣ୍ଡିସିଲ୍ଡ ଭାଙ୍ଗି ଯାଇଥିଲା ।
At approximately 9:40 a.m. the plane was experiencing mechanical issues and had to make and emergency landing. Once landed in the left shoulder, the Nissan’s windshield struck the right wing. The driver of the Nissan and both occupants in the plane were transported to UMC Trauma.
— Nevada State Police Highway Patrol Southern Comm (@NVStatePolice_S) January 7, 2023
ଗତକାଲି ୯.୪୦ରେ ଏହି ଦୁର୍ଘଟଣା ଘଟିଛି। ବିମାନର ଫ୍ୟୁଏଲ୍ ସରିଯିବା ପୂର୍ବରୁ ପାଇଲଟ ଏମରଜେନ୍ସୀ ଲ୍ୟାଣ୍ଡିଂ କରିଥିଲେ । ତେବେ ବିମାନଟି ସୁରକ୍ଷିତ ଭାବେ ଲ୍ୟାଣ୍ଡିଂ କରିଥିବା ବେଳେ ପାଖରେ ଯାଉଥିବା ଏସୟୁଭିରେ ବ୍ଲେଡ ବାଜି ଦୁର୍ଘଟଣା ହୋଇଛି ।
ଘଟଣାରେ କାର ଚାଳକ ସାମାନ୍ୟ ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ଦୁର୍ଘଟଣା ପରେ ବିମାନଟି ହାଇେଓ୍ଵରେ ପହଞ୍ଚିଥିଲା। ବିମାନ ଏବଂ କାର ଧକ୍କାରେ ଆହତ ହୋଇଥିବା ଲୋକେ ଜଲଦି ସୁସ୍ଥ ହୋଇଯିବେ । ଘଟଣା ପରେ ହାଇେଓ୍ଵ କିଛି ସମୟ ପାଇଁ ବନ୍ଦ ରହିଥିଲା ।