ନୂଆଦିଲ୍ଲୀ : ତାଲିବାନର ଗୋଟିଏ ପରେ ଗୋଟିଏ ବର୍ବରକାଣ୍ଡ ସାମ୍ନାକୁ ଆସିବାରେ ଲାଗିଛି । ଆଫଗାନିସ୍ତାନରେ ଥିବା ନରୱେ ଦୂତାବାସକୁ କବଜା କରିଛନ୍ତି ବନ୍ଧୁକଧାରୀ ତାଲିବାନୀ । ଏହାପରେ ସେଠାରେ ଥିବା ଓ୍ଵାଇନ ବୋତଲ ଓ ପିଲାଙ୍କ ପାଠପଢା ବହିକୁ ନଷ୍ଟ କରିଛନ୍ତି । ଦୂତାବାସ ଭିତରେ ଫଟୋ ମଧ୍ୟ ଉଠାଇଛନ୍ତି । ଏନେଇ ଇରାନରେ ଅବସ୍ଥାପିତ ନରୱେର ରାଷ୍ଟ୍ରଦୂତ ସିଗଭାଲଦ ହଗ୍ ଟ୍ଵିଟ କରି ସୂଚନା ଦେଇଛନ୍ତି । ସେ କହିଛନ୍ତି ଯେ , ତାଲିବାନ ଏବେ ନରୱେ ଦୂତାବାସକୁ ନିଜ ନିୟନ୍ତ୍ରଣକୁ ନେଇଛି । ଏହାକୁ ପରେ ଆମକୁ ଫେରାଇବେ ବୋଲି କହିଛନ୍ତି । ସେଠାରେ ଥିବା ୱାଇନ ବୋତଲକୁ ଭାଙ୍ଗି ଦେଇଛନ୍ତି ।
Taliban has now taken over the Norwegian Embassy in Kabul. Say they will return it to us later. But first wine bottles are to be smashed and childrens’ books destroyed. Guns apparently less dangerous. Foto: Aftenposten, Norway pic.twitter.com/0zWmJXmQeX
— Ambassador Sigvald Hauge (@NorwayAmbIran) September 8, 2021
ସେହିପରି ପିଲାମାନଙ୍କ ବହିଗୁଡ଼ିକୁ ନଷ୍ଟ କରିଦେଇଛନ୍ତି । ବିଦେଶୀ ରାଷ୍ଟ୍ରର ଦୂତାବାସ ସମେତ କୌଣସି କାର୍ଯ୍ୟାଳୟକୁ କବଜା କରିବ ନାହିଁ ବୋଲି ତାଲିବାନ କହିଥିଲା । ଏ ସବୁକୁ ସୁରକ୍ଷା ଦେବାକୁ ପ୍ରତିଶୃତି ଦେଇଥିଲା । ଏବେ ନରୱେ ଦୂତାବାସକୁ ଦଖଲ କରି ନିଜର ଅସଲ ଚରିତ୍ର ସମସ୍ତଙ୍କୁ ଦେଖାଇଛି ତାଲିବାନ । ତାଲିବାନର କାବୁଲ ଦଖଲ ପରେ ନରୱେ ଓ ଡେନମାର୍କ ନିଜ ନିଜର ଦୂତାବାସକୁ ବନ୍ଦ କରିଥିଲେ । ଏଥିସହ ନିଜର କର୍ମଚାରୀଙ୍କୁ ଏୟାରଲିଫ୍ଟ କରିଥିଲେ ।