Photo credit: India.com
ଉତ୍ତରପ୍ରଦେଶ ମୁଜ୍ଜାଫରପୁରରେ ଏକ ଘରୋଇ ସ୍କୁଲର ଶିକ୍ଷକଙ୍କ ଭିଡିଓ ଭାଇରଲ ହେଉଛି । ଯେଉଁ ଭିଡିଓରେ ଶିକ୍ଷୟିତ୍ରୀ ଜଣକ କ୍ଲାସର ଜଣେ ପିଲାଙ୍କୁ ଅନ୍ୟ ପିଲାଙ୍କ ଦ୍ୱାରା ଚାପୁଡା ଖୁଆଇଛନ୍ତି । ମାଡ ଖାଉଥିବା ଛାତ୍ର ଜଣକ ମୁସଲମାନ ବୋଲି ଜଣାପଡିଛି । ଆଉ ତାଙ୍କୁ କ୍ଲାସର ଅନ୍ୟ ଛାତ୍ର ପିଲାକୁ ଶକ୍ତ ଚାପୁଡ଼ା ମାରିବାକୁ ଶିକ୍ଷୟିତ୍ରୀଜଣକ ଅନ୍ୟ ଜାତିର ଛାତ୍ରମାନଙ୍କୁ ଉସକାଉଛନ୍ତି। ଆଉ ଜଣକ ପରେ ଜଣେ ଛାତ୍ରଙ୍କୁ ଚୁପୁଡ଼ା ପରେ ଚାପୁଡ଼ା ମାରିବାରେ ଲାଗିଛନ୍ତି। ବିଦ୍ୟାର ମନ୍ଦିର କୁହାଯାଉଥିବା ସ୍କୁଲରେ ଏଭଳି ଘୃଣ୍ୟ କାମ ହେଉଥିବା ଭିଡିଓ ସୋସିଆଲ ମିଡିଆରେ ଭାଇରଲ ହେବାରେ ଲାଗିଛି ।
ଖବର ମୁତାବକ, ଉତ୍ତରପ୍ରଦେଶର ମୁଜ୍ଜାଫରନଗରର ଖବରପୁର ଗାଁର ଏକ ସ୍କୁଲରେ ଏପରି କୁତ୍ସିତ ଓ ଲଜ୍ଜାଜନକ କାମ ଘଟିଛି। ଭିଡିଓରେ ଦେଖିବାକୁ ମିଳିଛି କି, ଶିକ୍ଷୟିତ୍ରୀ ଜଣକ କ୍ଲାସରେ ଥିବା ମୁସଲିମ୍ ଛାତ୍ରଙ୍କୁ ଡାକି ଛିଡ଼ା କରାଉଛନ୍ତି। ଏହାପରେ ଅନ୍ୟ ଛାତ୍ରମାନଙ୍କୁ ଡାକି ଉକ୍ତ ଛାତ୍ରଙ୍କ ଗାଲକୁ ଶକ୍ତ ଚାପୁଡ଼ା ମାରିବାକୁ ନିର୍ଦ୍ଦେଶ ଦେଉଛନ୍ତି। ଆହୁରି ଜୋରରେ ମାର ବୋଲି ବି ଛାତ୍ରମାନଙ୍କୁ ଉତ୍ସାହିତ କରୁଛନ୍ତି। ଗୋଟିଏ ଚାପୁଡ଼ା ମାରି ସାରିବା ପରେ ଆଉ ଗୋଟିଏ ଚାପୁଡ଼ା ମାରିବାକୁ ବି କହୁଛନ୍ତି। ଏପରିକି ସେ ପିଲାଙ୍କ ସମ୍ମୁଖରେ ଜାତିଗତ ଆକ୍ଷେପ କରି ଆପତ୍ତିଜନକ ଶବ୍ଦ କହିବାକୁ ବି ପଛାଇ ନାହାନ୍ତି।
ଏନେଇ ଛାତ୍ରଙ୍କ ବାପା କହିଛନ୍ତି, ଘଟଣା ସମ୍ପର୍କରେ ସେ ଥାନାରେ ଅଭିଯୋଗ କରିଥିବା ବେଳେ ନିଜ ପୁଅ ନାଁକୁ ସ୍କୁଲରୁ କାଟି ଦେଇଥିଲେ। ମାତ୍ର ସ୍କୁଲ କର୍ତ୍ତୃପକ୍ଷ ତାଙ୍କ ସହ ବୁଝାମଣା କରିବା ପରେ ସେ ଉକ୍ତ ସ୍କୁଲରେ ପୁଣି ଥରେ ନିଜ ପିଲାକୁ ପଢ଼ାଇବାକୁ ରାଜି ହୋଇଛନ୍ତି।
ଏହି ଘଟଣାକୁ ନେଇ ରାହୁଲ ଗାନ୍ଧି ଏବଂ ଅସଦୁଦ୍ଦୀନ ଓଷସ୍ୱସୀ ପୋଷ୍ଟ କରି ନିଜର ପ୍ରତିକ୍ରିୟା ଦେଇଛନ୍ତି । ସେହିପରି ରାଷ୍ଟ୍ରୀୟ ବାଳ ଅଧିକାରୀ ସଂରକ୍ଷଣ ଆୟୋଗ ମଧ୍ୟ ଚିନ୍ତା ପ୍ରକଟ କରିଛି । ତେବେ ଏହି ଭିଡିଓ ଭାଇରଲ ନ କରିବା ପାଇଁ ଆୟୋଗର ଅଧ୍ୟକ୍ଷ ପ୍ରିୟଙ୍କ କାନୁଗୋ କହିଛନ୍ତି ।
ତେବେ ଏହି ମାମଲାରେ ପୋଲିସ କହିଛି, ପିଲାକୁ ପଣିକିଆ ମନେ ନ ରଖିବାରୁ କ୍ଲାସରେ ଅନ୍ୟ ଛାତ୍ରଙ୍କ ଦ୍ୱାରା ମାଡ ମାରିଥିଲେ । ପୋଲିସ ଏହି ଭିଡିଓକୁ ଯାଞ୍ଚ କରୁଛି ।
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…
ରାଇରଙ୍ଗପୁର (କେନ୍ୟୁଜ୍) : ମୟୁରଭଞ୍ଜ ଜିଲ୍ଲା ରାଇରଙ୍ଗପୁର ଉପକାରାଗାର ର ବିଚାରାଧୀନ ମହିଳା କଏଦୀଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ। ମୃତ…