ଅଯୋଧ୍ୟାରେ ରାମ ମନ୍ଦିର ନିର୍ମାଣ ପାଇଁ ଭକ୍ତମାନଙ୍କୁ ୫୦୦ ବର୍ଷ ଅପେକ୍ଷା କରିବାକୁ ପଡ଼ିଥିଲା । ଏମିତି ହିଁ ନକ୍ସଲ ପ୍ରଭାବିତ ଛତିଶଗଡ଼ର ସୁକମା ଜିଲ୍ଲାରେ ରାମ ମନ୍ଦିରର କପାଟ ଖୋଲିବାକୁ ଗ୍ରାମବାସୀ ୨୧ ବର୍ଷରୁ ଅପେକ୍ଷା କରି ରହିଛନ୍ତି । ନକ୍ସଲଙ୍କ ଆଦେଶ ପରେ ୨୦୦୩ରେ ମନ୍ଦିରରେ ପୂଜାପାଠ ବନ୍ଦ କରି ଦିଆଯାଇଥିଲା । ଏବେ କେନ୍ଦ୍ରୀୟ ରିଜର୍ଭ ପୋଲିସ ଫୋର୍ସ (ସିଆର୍ପିଏଫ୍)ର ୭୪ତମ ବାହିନୀଙ୍କ କ୍ୟାମ୍ପ୍ ପଡ଼ିବା ପରେ ମନ୍ଦିରରେ ପୂଜା ଆରମ୍ଭ ହୋଇଛି ।
ସୁକମାର ଘୋର ନକ୍ସଲ ପ୍ରଭାବିତ ଲଖାପାଲ ଓ କେରଲାପେନ୍ଦା ଗାଁର ଏହି ଘଟଣା । ଗାଁରେ ପାଖାପାଖି ୫ ଦଶକ ପୂର୍ବରୁ ପ୍ରଭୁ ରାମ, ଲକ୍ଷ୍ମଣ ଓ ସୀତାଙ୍କ ମୂର୍ତ୍ତିର ପ୍ରାଣ ପ୍ରତିଷ୍ଠା କରାଯାଇଥିଲା । ହେଲେ ଧୀରେ ଧୀରେ ନକ୍ସଲବାଦର ପ୍ରକୋପ ବଢ଼ିବା ହେତୁ ୨୦୦୩ରେ ରାମ ମନ୍ଦିରରେ ପୂଜାପାଠ ବନ୍ଦ କରି ଦିଆଯାଇଥିଲା ଏବଂ ଏହାପରେ କପାଟ ସମ୍ପୂର୍ଣ୍ଣ ରୂପେ ବନ୍ଦ ହୋଇଯାଇଥିଲା ।
ଗ୍ରାମବାସୀ କହିଛନ୍ତି ଯେ ସେମାନଙ୍କ ପୂର୍ବଜ ମନ୍ଦିର ନିର୍ମାଣ କରାଇଥିଲେ । ୧୯୭୦ରେ ବିହାରୀ ମହାରାଜ ଜୀ ମନ୍ଦିରର ସ୍ଥାପନା କରିଥିଲେ । ସେହି ସମୟରେ ପୂରା ଗାଁର ଲୋକେ ୮୦ କିଲୋମିଟର ଦୂରରୁ ସିମେଣ୍ଟ, ପଥର, ବଜୁରୀ, ସରିଆ ଆଦି ନିଜ ମୁଣ୍ଡ ଉପରେ ଲଦି ଚାଲି ଚାଲି ଆସିଥିଲେ । ଗାଁର ସମସ୍ତ ଲୋକ ମନ୍ଦିର ସ୍ଥାପନାରେ ସାମିଲ ହୋଇଥିଲେ । ମନ୍ଦିର ସ୍ଥାପନା ପରେ ପୂରା ଅଞ୍ଚଳବାସୀ ଶ୍ରୀରାମଙ୍କ ଭକ୍ତ ପାଲଟିଯାଇଥିଲେ । ଗ୍ରାମବାସୀ ତୁଳସୀ ମାଳି ଧାରଣ କରିଥିଲେ । ତୁଳସୀ ମାଳି ଧାରଣ କରିବା ପରେ ଭକ୍ତମାନେ ମଦ, ମାଂସ ଓ ମହୁଲରୁ ତିଆରି ନିଶା ସେବନ କରିବା ତ୍ୟାଗ କରି ଦେଇଥିଲେ । ଆଜି ମଧ୍ୟ ଏହି ଗାଁରେ ପାଖାପାଖି ୯୫% ପୁରୁଷ ଓ ମହିଳା ନିଶା ସେବନ କରନ୍ତି ନାହିଁ ।
ତେବେ ୨୧ ବର୍ଷ ଧରି ନକ୍ସଲଙ୍କ ଆଦେଶ ପରେ ବନ୍ଦ ପଡ଼ିଥିବା ମନ୍ଦିରର କପାଟକୁ ସିଆର୍ପିଏଫ୍ ଯବାନମାନେ ଖୋଲିଛନ୍ତି । ଲୋକଙ୍କ ମଧ୍ୟରେ ବିଶ୍ୱାସ ଭାବ ଜାଗ୍ରତ କରିବା ତଥା ସେମାନଙ୍କୁ ଦେଶର ମୁଖ୍ୟ ଧାରାରେ ସାମିଲ କରିବା ପାଇଁ ଯବାନମାନେ ଏଠାରେ ପ୍ରଭୁ ରାମଙ୍କ ପୂଜାପାଠ ଆରମ୍ଭ କରିଛନ୍ତି । କପାଟ ଖୋଲିବା ପରେ ଅଧିକାରୀ ଏବଂ ଯବାନମାନେ ଗ୍ରାମବାସୀଙ୍କ ସହ ମିଶି ମନ୍ଦିର ସଫାସୁତରା କରିଥିଲେ । ଗାଁର ପୁରୁଷ ଓ ମହିଳାମାନେ ପୂଜାର୍ଚ୍ଚନାରେ ଭାଗ ନେଇଥିଲେ । ପରେ ସମସ୍ତେ ଆଳତି କରି ପ୍ରସାଦ ସେବନ କରିଥିଲେ ।
ଚୌଦ୍ୱାର : ଶାଶୁ କହୁ କହୁ କାନ୍ଦି ପକାଉଛନ୍ତି । ନିଜର ନାତି ନାତୁଣୀଙ୍କୁ ଧରି ଶାଶୁ ପହଁଚିଛନ୍ତି ଥାନାରେ…
ଭୁବନେଶ୍ୱର: ରାଜ୍ଯରେ ସକ୍ରିୟ ରହିଛି ମୌସୁମୀ ବାୟୁ । ପ୍ରଭାବରେ ରାଜ୍ୟବ୍ୟାପୀ ବିଭିନ୍ନ ସ୍ଥାନରେ ବର୍ଷା ଜାରି ରହିଛି ।…
ଭୁବନେଶ୍ୱର(କେନ୍ୟୁଜ୍): ରଥଯାତ୍ରା ପାଇଁ ଓଏସଆରଟିସି ପକ୍ଷରୁ ହେବ ଏହି ସ୍ୱତନ୍ତ୍ର ବ୍ୟବସ୍ଥା । ପ୍ରତି ବ୍ଲକ ହେଡକ୍ୱାର୍ଟରରୁ ପୁରୀକୁ ଗଡିବ…
ଫ୍ୟାନ୍ସ ଉତ୍ସାହର ସହିତ ପ୍ରଭାସଙ୍କ ଫିଲ୍ମ ‘କଲ୍କୀ 2898 AD’କୁ ଅପେକ୍ଷା କରିଛନ୍ତି । ଏହି ଫିଲ୍ମଟି ଜୁନ୍ ୨୭ରେ…
ପୋଲିସ ବାବୁଙ୍କୁ ମହଙ୍ଗା ପଡ଼ିଲା ପରକୀୟା ପ୍ରେମ । ପ୍ରେମ କରି ଫସିଲେ ପୋଲିସ ବାବୁ। ହୋଟେଲ ରୁମ୍ରୁ ପ୍ରେମିକା…
କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ତଥା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ ଦଳ ବଡ଼ ଦାୟିତ୍ୱ ହସ୍ତାନ୍ତର କରିଛି । ତାଙ୍କୁ…