ଉତ୍ତର ପ୍ରଦେଶରେ ନିର୍ବାଚନୀ ସରଗରମ ଭିତରେ ବାରାଣସୀରୁ ବଡ଼ ଖବର ସାମ୍ନାକୁ ଆସିଛି। ୨୦୨୨ରେ ୟୁପି ବିଧାନସଭା ନିର୍ବାଚନରେ କିନ୍ନର ସମାଜ ନିଜର ସମର୍ଥନ ଅଖିଳେଶ ଯାଦବଙ୍କୁ ଦେବା ପାଇଁ ଘୋଷଣା କରିଛି। ବାରାଣସୀରେ ପରାଡକର ଭବନରେ ଏକ ପ୍ରେସ୍ ବାର୍ତ୍ତାରେ କିନ୍ନର ସମାଜ ନେତା ସଲମାନ କହିଛନ୍ତି, କିନ୍ନର ସମାଜର ଲୋକେ ସେ ପର୍ଯ୍ୟନ୍ତ ପରିଶ୍ରମ କରି ଚାଲିଥିବେ, ଯେ ପର୍ଯ୍ୟନ୍ତ ବିଜେପିର ବିଦାୟ ନ ହୋଇଛି। ସେ କହିଛନ୍ତି କି, କିନ୍ନର ସମାଜରେ ୧୦ ଲକ୍ଷ ଲୋକ ଅଛନ୍ତି। ଆମ ସମାଜର ସମର୍ଥନ ଅଖିଳେଶ ଯାଦବଙ୍କୁ ରହିଛି ଏବଂ ଆମର ଆଶୀର୍ବାଦ ତାଙ୍କ ଉପରେ ହିଁ ଅଛି। ସଲମାନ କିନ୍ନର କହିଛନ୍ତି, ବିଜେପି ସରକାରରେ ମହଙ୍ଗା ଉପରେ କୌଣସି ଲଗାମ୍ ନାହିଁ। ବିଜେପି ଗରିବମାନଙ୍କଠାରୁ ମୌଳିକ ସୁବିଧା ସବୁ ଛଡ଼ାଇ ନେଇଛି।
ସେ ଆଗକୁ କହିଥିଲେ କି, ଦରବୃଦ୍ଧି ଯୋଗୁ ଗ୍ୟାସ୍ ହେଉ କି ସାର ପଦାର୍ଥ ସାଧାରଣ ଲୋକଙ୍କ ପାଖରେ ପହଞ୍ଚିବା ତ ଦୂରର କଥା। ବିଜେପିର ଡବଲ ଇଞ୍ଜିନ ସରକାରରେ ମହଙ୍ଗା ଉପରେ କୌଣସି ନିୟନ୍ତ୍ରଣ ନାହିଁ। ଜନତା ସରକାରଙ୍କ କାର୍ଯ୍ୟରେ ଅସନ୍ତୁଷ୍ଟ ରହିଛନ୍ତି। ସଲମାନ କିନ୍ନରଙ୍କ କହିବା ହେଲା, ୟୁପିରେ ଅପରାଧୀମାନଙ୍କର ଜାତି, ଧର୍ମ ଦେଖି ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଥାଏ। ପୋଲିସ ନକଲି ଏନ୍କାଉଣ୍ଟର ଏବଂ ନକଲି କେସ୍ ବନାଇବାରେ ବଦନାମ୍ ଅଛି। ଜନସାଧାରଣ ଏବେ ଏହି ନିଷ୍ପତ୍ତି ନେଇଛନ୍ତି କି, ଏଥର ବିଜେପିକୁ ୟୁପିର ଜନତା କୌଣସି ବି ପରିସ୍ଥିତିରେ ଆସିବାକୁ ଦେବେ ନାହିଁ।
କହି ରଖୁଛୁ କି, କିଛିଦିନ ତଳେ ଯୋଗୀ ସରକାର କିନ୍ନର କଲ୍ୟାଣ ବୋର୍ଡ ଗଠନ କରିଥିଲେ, ଯେଉଁଥିରେ ସୋନମ୍ କିନ୍ନରଙ୍କୁ ଉପାଧ୍ୟକ୍ଷ କରାଯାଇଛି। ଏଥି ସହିତ ତାଙ୍କୁ ରାଜ୍ୟ ମନ୍ତ୍ରୀର ପାହ୍ୟା ମଧ୍ୟ ମିଳିଛି। ଏ ନେଇ ସେ ଖୁସି ଥିବା ବେଳେ ଉପରୋକ୍ତ ପ୍ରସଙ୍ଗରେ ସୋନମ୍ କିନ୍ନର କହିଛନ୍ତି କି, ଅଖିଳେଶ ଯାଦବ କେବେ ବି ସିଏମ୍ ହୋଇ ପାରିବେ ନାହିଁ। ସେପଟେ ସଲମାନ କିନ୍ନରଙ୍କ ସହିତ କିନ୍ନର ସମାଜର ଲୋକେ ଅଖିଳେଶ ଯାଦବଙ୍କୁ ସମର୍ଥନ କରୁଛନ୍ତି।