photo: indian express
ମହାରାଷ୍ଟ୍ରର ନଭି ମୁମ୍ବାଇରେ ଘଟିଛି ଏକ ଆଶ୍ଚର୍ଯ୍ୟଜନକ ଘଟଣା। ଏଠାରେ ଜଣେ କାର ଡ୍ରାଇଭର ଟ୍ରାଫିକ ପୋଲିସ କନଷ୍ଟେବଳଙ୍କୁ ପ୍ରାୟ ୨୦ କିଲୋମିଟର ପର୍ଯ୍ୟନ୍ତ ଟାଣି ନେଇଛନ୍ତି। ଏହି ଘଟଣାରେ ପୋଲିସ ଅଭିଯୁକ୍ତ କାର ଡ୍ରାଇଭରକୁ ଗିରଫ କରିଛି।
ଖବରରୁ ଜଣାପଡ଼ିଛି ଯେ ଯୁବକ ଜଣକ ନିୟମ ଭାଙ୍ଗି ଯାଉଥିଲେ। ଏହା ଦେଖି କନଷ୍ଟେବଳ ତାଙ୍କୁ ଅଟକାଇବାକୁ ଚେଷ୍ଟା କରିଥିଲେ। କିନ୍ତୁ ଯୁବକ କାରକୁ ଅଟକାଇ ନ ଥିଲେ, ଯାହାଫଳରେ କାର୍କୁ ଅଟକାଉଥିବା ବେଳେ କନଷ୍ଟେବଳ ଜଣକ କାର୍ର ବନେଟ ଉପରେ ପଡ଼ିଯାଇଥିଲେ। ଘଟଣାଟି ଗତ ଶନିବାରର।
ରିପୋର୍ଟ ମୁତାବକ, କାର ଡ୍ରାଇଭର ନେରୁଲ ନିବାସୀ ଆଦିତ୍ୟ ବେମଡେ (୨୩)ଙ୍କୁ ପୋଲିସ ଗିରଫ କରିଛି। ସେ ଗଞ୍ଜେଇ ନିଶାରେ ଗାଡି ଚଲାଉଥିବା ପୋଲିସ କହିଛି। ଟ୍ରାଫିକ କନଷ୍ଟେବଳ ସିଦ୍ଧେଶ୍ୱର ମାଲି (୩୭) କାର୍ର ବନେଟ୍ ଉପରେ ପଡ଼ିଯାଇଥିଲେ, ଯଦିଓ ସେ ଅଳ୍ପକେ ଦୁର୍ଘଟଣାରୁ ବର୍ତ୍ତି ଯାଇଛନ୍ତି। ଏହି ଦୃଶ୍ୟ ପାମ୍ ବିଚ୍ ରୋଡ୍ର ଅନେକ ସ୍ଥାନରେ ଲଗାହୋଇଥିବା ସିସିଟିଭି କ୍ୟାମେରାରେ କଏଦ ହୋଇଛି।
ଫୁଟେଜ୍ରୁ ଜଣାପଡ଼ୁଛି ଯେ ରାସ୍ତାର ନିୟମ ଭାଙ୍ଗି ଏବଂ ଏକ ସ୍କୁଟରକୁ ଟକ୍କର ମାରି ଯାଉଥିବା କାର୍କୁ କନଷ୍ଟେବଳ ସିଦ୍ଧେଶ୍ୱର ମାଲି ଅଟକାଇବାକୁ ଚେଷ୍ଟା କରୁଥିଲେ, କିନ୍ତୁ ଏହି ସମୟରେ ଡ୍ରାଇଭର ଜଣକ ଗାଡ଼ିର ଗତି ବଢ଼ାଇ ଦେଇଥିଲେ।
ଯେତେବେଳେ କନଷ୍ଟେବଳ କାର୍ର ବନେଟ୍ ଉପରେ ପଡ଼ିଯାଇଥିଲେ, ତ ସେହି ସମୟରେ ପୋଲିସ କଣ୍ଟ୍ରୋଲ ରୁମକୁ ସୂଚନା ମିଳିଥିଲା କି, ବନେଟ୍ ଉପରେ ଜଣେ ପୋଲିସ କର୍ମଚାରୀଙ୍କୁ ଜଣେ କାର୍ ଡ୍ରାଇଭର ଟାଣି ନେଉଛି। ରାସ୍ତାରେ େଓ୍ଵୟାରଲେସ୍ ବାର୍ତ୍ତା ମାଧ୍ୟମରେ ପୋଲିସକୁ ସତର୍କ କରାଯାଇଥିଲା। ଏହାପରେ ପୋଲିସ ଅଭିଯୁକ୍ତ କାର ଡ୍ରାଇଭରଙ୍କୁ ଧରିବାରେ ସକ୍ଷମ ହୋଇଥିଲା।
video courtesy: Express Mumbai
ଖାଦ୍ୟରୁ ବାହାରିଲା ମଲା ସାପ । ଏମିତି ଅଭିଯୋଗ ଆଣିଛନ୍ତି ବିହାରର ଏକ ଇଞ୍ଜିନିୟରିଂ କଲେଜର ଛାତ୍ରଛାତ୍ରୀ । ବିହାରର…
ରାଜ୍ୟର ପ୍ରତି ମହିଳାଙ୍କୁ ମିଳିବ ୫୦ହଜାର ଟଙ୍କା । ମଧ୍ୟପ୍ରଦେଶ ଓ ଛତିଶଗଡରେ ସଫଳ ହୋଇଥିବା ଯୋଜନା ଏବେ ଓଡିଶାରେ…
ଏୟାର ଇଣ୍ଡିଆର ଏକ ବିମାନରେ ପରସା ଯାଇଛି ଅଧାରନ୍ଧା ଖାଦ୍ୟ । ଏଭଳି ଅଭିଯୋଗ ଆଣିଛନ୍ତି ବିମାନରେ ଯାତ୍ରା କରୁଥିବା…
ଟି୨୦ ବିଶ୍ୱକପ ୨୦୨୪ରେ ସୁପର-୮ ଟିମ୍ ଘୋଷଣା ହୋଇସାରିଛି । ଭାରତ ବିପକ୍ଷରେ ସୁପର ୮ରେ ଅଷ୍ଟ୍ରେଲିଆ, ବାଂଲାଦେଶ ଏବଂ…
ଭୁବନେଶ୍ୱର : ଶ୍ରୀମନ୍ଦିର ଦର୍ଶନ ବ୍ୟବସ୍ଥାକୁ ଶୃଙ୍ଖଳିତ କରିବା ନେଇ ଆଜି ସମୀକ୍ଷା କରିବେ ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ…
ପଶ୍ଚିମବଙ୍ଗ ଦାର୍ଜିଲିଂରେ ହୋଇଥିବା ଟ୍ରେନ ଦୁର୍ଘଟଣାରେ ଦୁଃଖ ପ୍ରକାଶ କରିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି…