ଯୁବତୀଙ୍କୁ ବିଚ୍ ରାସ୍ତାରେ ଅସଦାଚରଣ କରୁଥିଲେ ଅଟୋ ଡ୍ରାଇଭର, ଟ୍ରାଫିକ ପୋଲିସ ଅଟକାଇବାରୁ ମାରିଲେ ଚାପୁଡା
ବିଚ୍ ରାସ୍ତାରେ ଯୁବତୀଙ୍କୁ ଅସଦାଚରଣ କରୁଥିଲେ ନିଶାସକ୍ତ ଅଟୋ ଚାଳକ । ଆଉ ଟ୍ରାଫିକ ପୋଲିସ ଏହା ଦେଖି ଅଟୋ ଡ୍ରାଇଭରକୁ ଅଟାଇଥିବାରୁ ରାଗିଗଲେ ନିଶାସକ୍ତ ଅଟୋ ଡ୍ରାଇଭର । ଆଉ ଟ୍ରାଫିକ ପୋଲିସ କର୍ମଚାରୀଙ୍କ ଗାଲକୁ ଶକ୍ତ ଚାପୁଡା ମାରିଲେ ଅଟୋ ଡ୍ରାଇଭର । ପୋଲିସ ଅଟୋ ଚାଳକକୁ ଗିରଫ କରିଛି । ମହାରାଷ୍ଟ୍ରର ଉଲ୍ଲାସନଗର ଅଞ୍ଚଳରେ ଘଟିଛି । ଯାହାର ଭିଡିଓ ସୋସିଆଲ ମିଡିଆରେ ହେବାରେ ଲାଗିଛି ।
ଖବର ମୁତାବକ, ଅଟୋ ଡ୍ରାଇଭର ନିଶାରେ ବୁଡିକି ରହିଥିଲେ । ଅଟୋକୁ ବ୍ରିଜ ଉପରେ ଠିଆ କରି ଯୁବତୀଙ୍କ ସହିତ ଅସଦାଚରଣ କରିଥିଲେ । ଏହା ବିଷୟରେ ଜାଣିବା ପରେ ଟ୍ରାଫିକ ପୋଲିସ କର୍ମଚାରୀ ମୋହନ ପାଟିଲ ଘଟଣା ସ୍ଥଳରେ ପହଞ୍ଚି ଅଟୋ ଡ୍ରାଇଭରକୁ ଥାନାଙ୍କୁ ଆଣିଥିଲେ । କିନ୍ତୁ ପୋଲିସ ହେପାଜତରୁ ଅଟୋ ଚାଳକ ଫେରାର ହୋଇଯାଇଥିବା ଖବର ମିଳିଛି ।
ଅଟୋ ଡ୍ରାଇଭର ଏବଂ ପୋଲିସ କର୍ମଚାରୀ ମଧ୍ୟରେ ଗଣ୍ଡଗୋଳ ଆରମ୍ଭ ହୋଇଥିଲା । ଆଉ ଉତ୍ତ୍ୟକ୍ତ ଅଟୋ ଡ୍ରାଇଭର ଓ ତାଙ୍କର ଜଣେ ସାଙ୍ଗ ଟ୍ରାଫିକ ପୋଲିସଙ୍କୁ ଚାପୁଡା ମାରିଥିଲେ । ଏହାର ଜବାବରେ ଟ୍ରାଫିକ ପୋଲିସ ମଧ୍ୟ ଚାପୁଡା ମାରିଥିଲେ । ଘଟଣାରେ ଟ୍ରାଫିକ ପୋଲିସ ଗୁରରୁତର ଆହତ ହୋଇଛନ୍ତି ।
ଟ୍ରାଫିକ ପୋଲିସଙ୍କ କହିବାନୁଯାୟର, ଛତ୍ରପତି ଶିବାଜୀ ଫ୍ଲାଏଓଭର ନିକଟରେ ଡ୍ୟୁଟି କରୁଥିବା ବେଳେ କିଛି ଲୋକ ନିଶାସକ୍ତ ଅବସ୍ଥାରେ ଜଣେ ଯୁବତୀଙ୍କ ସହ ଅସଦାଚରଣ କରୁଥିଲେ । ମୁଁ ସେମାନଙ୍କୁ ବୁଝାଇବାକୁ ଯାଇଥିଲି । ମାତ୍ର ସେମାନେ ମୋ’ ଉପରକୁ ପାଣି ଫୋପାଡ଼ିଲେ, କାନକୁ ମାରିଥିଲେ, ମୋତେ ଆହତ କଲେ । ଏପରି ଅଭିଯୁକ୍ତଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ ହେବା ଉଚିତ ।
