ଦେଖୁ ଦେଖୁ ମାଟିରେ ପୋତି ହୋଇଗଲା ଟ୍ରକ, ଛାତିଥରା ଭିଡିଓ ଭାଇରଲ
ଚାହୁଁଚାହୁଁ ମାଟିରେ ପୋତି ହୋଇଗଲା ଟ୍ରକ । କେହି କିଛି ବୁଝିବା ଆଗରୁ ଘଟିଗଲା ଅଘଟଣ । ଭିଡିଓ ନ ଦେଖିବା ପର୍ଯ୍ୟନ୍ତ କେହି ବିଶ୍ୱାସ କରିପାରିବେ ନାହିଁ । ଏହି ଘଟଣା ମହାରାଷ୍ଟ୍ରର ପୁନେରେ ଘଟିଛି ।
ମହାରାଷ୍ଟ୍ରର ପୁନେରେ ହଠାତ୍ ରାସ୍ତା ଦବିବା ସହିତ ଟ୍ରକଟି ସମ୍ପୂର୍ଣ୍ଣ ଭାବେ ପୋତି ହୋଇଯାଇଥିବା ଦେଖାଯାଇଛି । କିନ୍ତୁ ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଛନ୍ତି ଟ୍ରକ ଚାଳକ । ଘଟଣାଟି ଗତକାଲି ସନ୍ଧ୍ୟା ୪ଟାରେ ଘଟିଛି । ସିଟି ପୋଷ୍ଟ ଅଫିସ ପରିସରରେ ଏକ ସିଙ୍କହୋଲ ଖୋଲି ଯାଇଥିଲା । ଫଳରେ ସେହି ରାସ୍ତା ଦେଇ ଯାଉଥିବା ସଫେଇ ଟ୍ରକର ପଛଭାଗ ଗାତକୁ ଖସି ପଡିଥିବା ବେଳେ ଚାହୁଁଚାହୁଁ ସମ୍ପୂର୍ଣ୍ଣ ପୋତି ହୋଇଯାଇଥିଲା ।
ଏହି ସ୍ୱରେଜ ଟ୍ୟାଙ୍କରଟି ପୁନେ ମ୍ୟୁନିସିପାଲିଟିର । ଡ୍ରେନେଜ ସଫେଇ କାମ ପାଇଁ ତାହା ସେଠାକୁ ଯାଇଥିଲା । ଘଟଣାର ତଦନ୍ତ କରାଯିବ ବୋଲି ମ୍ୟୁନିସିପାଲିଟି ପକ୍ଷରୁ କୁହାଯାଇଛି ।
This really happened?
📍Pune, Maharashtra
pic.twitter.com/ejoYcklyya— Supriya Shrinate (@SupriyaShrinate) September 20, 2024
ଏ ନେଇ ଜଣେ ଅଗ୍ନିଶମ ବାହୀନିର ଅଧିକାରୀ କହିଛନ୍ତି, ଡ୍ରେନ ସଫା କରିବା ପାଇଁ ବ୍ୟବହୃତ ହେଉଥିବା ଟ୍ରକ ଦୁର୍ଘଟଣା ଘଟିଥିଲା । କିନ୍ତୁ ଟ୍ରକଟି ଗାତରେ ପଶିଯିବା ପରେ ଡ୍ରାଇଭର ଗାଡିରୁ ଡେଇଁ ପଡିଥିଲେ । ଡ୍ରେନ ସଫା କରିବା ପାଇଁ ଟ୍ରକ ଡକାଯାଇଥିବା ବେଳେ ହଠାତ୍ ମାଟିରେ ଧସି ହୋଇଯାଇଥିଲା । ଯାହାର ଭିଡିଓ ସୋସିଆଲ ମିଡିଆରେ ଭାଇରଲ ହେଉଛି ।
