କାଠବାକ୍ସ ଭିତରେ ଚାଲିଗଲା ଭାଇଭଉଣୀଙ୍କ ଜୀବନ, ଖେଳୁଖେଳୁ ଲୁଚିଯାଇଥିଲେ ଉଭୟେ
କାଠବାକ୍ସରେ ଅଣନିଶ୍ବାସୀ ହୋଇ ଚାଲିଗଲା କୁନି ଭାଇ ଭଉଣୀଙ୍କ ଜୀବନ । ବାପା ମା’ ସହିତ ଖାଇ ସାରିବା ପରେ ଉଭୟେ ଖେଳିବାକୁ ଯାଇଥିଲେ । ଖେଳ ଖେଳରେ ଦୁହେଁ ଏକ କାଠ ବାକ୍ସରେ ପଶିଯାଇଥିଲେ । ଫଳରେ ଏଭଳି ଘଟଣା ଘଟିଛି ।
ଖେଳୁ ଖେଳୁ ଚାଲିଗଲା ଜୀବନ । ଖେଳରେ ଖେଳରେ କାଠ ବାକ୍ସ ଭିତରେ ପଶିଗଲେ ଭାଇ ଭଉଣୀ । ଅଣନିଶ୍ୱାସୀ ହୋଇ ଚାଲିଗଲା ଜୀବନ । ଦିଲ୍ଲୀ ଜୋଗା ଭାଇ ଏକ୍ସଟେନସନ ଅଞ୍ଚଳରେ ଘଟିଛି ଏଭଳି ଦୁଖଦ ଘଟଣା ।
ଖବର ମୁତାବକ, ୮ବର୍ଷର ନୀରଜ ଓ ୬ ବର୍ଷର ଆରତୀ ନିଜ ବାପା ମା’ଙ୍କ ସହ ଖାଇଥିଲେ । ଖାଇସାରିବା ପରେ ଖେଳିବାକୁ ଯାଇଥିଲେ । ୨ ଭାଇ ଭଉଣୀ ଖେଳୁ ଖେଳୁ କାଠ ବାକ୍ସ ଭିତରେ ପଶିଯାଇଥିଲେ । ସେଥିରୁ ଆଉ ବାହାରି ପାରିନଥିଲେ ।
ଦୁଇ ଶିଶୁଙ୍କ ବାପା ବଲବୀର ସିକ୍ୟୁରିଟି ଗାର୍ଡ଼ ଭାବେ କାମ କରନ୍ତି । କିଛି ସମୟ ପରେ ଛୁଆଙ୍କୁ ଦେଖବାକୁ ନପାଇବାରୁ ବଲବୀର ଓ ତାଙ୍କ ପତ୍ନୀ ଖୋଜିବା ଆରମ୍ଭ କରିଥିଲେ । ଆଖ ପାଖ ଖୋଜିବା ପରେ ମିଳିନଥିଲେ । ଶେଷରେ ଏକ ଗୋଦାମ ଘରୁ ଉଭୟଙ୍କୁ ପାଇଥିଲେ ବଲବୀର । ପୋଲିସ ଘଟଣା ସ୍ଥଳରେ ପହଞ୍ଚି ଉଭୟ ଶିଶୁଙ୍କୁ ଉଦ୍ଧାର କରିଥିଲା । ତେବେ ଡାକ୍ତର ଉଭୟଙ୍କୁ ମୃତ ଘୋଷଣା କରିଛି ।
A call was received at PS Jamia Nagar regarding the discovery of bodies of two children at house No F2 Joga Bai extension. Two children’s bodies found in an old wooden box. The deceased used to live in this house with their parents, their father Balbir worked as a guard on the…
— ANI (@ANI) June 6, 2023
ସୂଚନାଯୋଗ୍ୟ, ୨୬ ଏପ୍ରିଲରେ ମଧ୍ୟପ୍ରଦେଶର ଭିଣ୍ଡରେ ଏମିତି ଏକ ଘଟଣା ସାମ୍ନାକୁ ଆସିଥିଲା । ୫ ବର୍ଷର ପୁଅର ଶବ ପଡୋଶୀଙ୍କ ଘରେ ପଡିଥିବା କୁଲରରୁ ମିଳିଥିଲା । ପିଲାର ହାତ, ଗେଡ ଏବଂ ବେକ ରଶିରେ ବନ୍ଧା ଥିଲା । ଏହି ଘଟଣା ସାମ୍ନାକୁ ଆସିବା ପରେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି ହୋଇଥିଲା । ହତ୍ୟା ମାମଲାରେ ପୋଲି ୪ ଜଣ ଲୋକଙ୍କ ବିରୋଧରେ ଏଫଆଇଆର ଦାଏର କରି ୩ ଅଭିଯୁକ୍ତଙ୍କୁ ଗିରଫ କରିଛି । ପିଲାଟି ଟ୍ୟୁସନ ପଢିବାକୁ ଯାଇଥିଲା । ଏହାପରେ ଘରକୁ ଆଉ ଫେରିନଥିଲା ।
