ଇଣ୍ଡିଗୋ ବିମାନରେ ଗଣ୍ଡଗୋଳ କରି ପରସ୍ପରକୁ ଧମକ ଦେଲେ ଦୁଇଯାତ୍ରୀ, ଭିଡିଓ ଭାଇରଲ
ଇଣ୍ଡିଗୋ ବିମାନରେ ଦୁଇଯାତ୍ରୀଙ୍କ ଜୋରଦାର ହଙ୍ଗାମା । ବିମାନରେ ନିଜ ଜିନିଷ ରଖିବାକୁ ନେଇ ଦୁଇ ଯାତ୍ରୀଙ୍କ ମଧ୍ୟରେ ପାଟିତୁଣ୍ଡ ହୋଇ ମାଡଗୋଳ ପରିସ୍ଥିତି ଦେଖାଦେଇଛି । ଗୋହ୍ୱାଟୀରୁ ଦିଲ୍ଲୀ ଯାଉଥିବା ବିମାନରେ ଏଭଳି ଘଟଣା ଘଟିଛି । ଯାହାର ଭିଡିଓ ସୋସିଆଲ ମିଡିଆରେ ଭାଇରଲ ହେଉଛି । ୧୩ ସେପଟେମ୍ବରରେ ଏହି ଘଟଣା ଘଟିଥିଲା ।
ଭାଇରଲ ଭିଡିଓରେ ଦେଖିବାକୁ ମିଳିଛି କି, ଗୌହ୍ୱାଟୀରୁ ଦିଲ୍ଲୀ ଯାଉଥିବା ଇଣ୍ଡିଗୋ ବିମାନରେ ଯାତ୍ରୀ ନିଜ ଜିନିଷ ରଖିବାକୁ ପାଟିତୁଣ୍ଡ ଆରମ୍ଭ ହୋଇଥିଲା । କିନ୍ତୁ ପରିସ୍ଥିତି ଏଭଳି ହୋଇଥିଲା କି, ଯାତ୍ରୀ ପରସ୍ପର ଉପରକୁ ଚିତ୍କାର କରିବା ସହିତ ଧମକ ଦେଇଥିବାର ନଜର ଆସିଥିଲେ ।
गुवाहाटी से दिल्ली जा रही इंडिगो की फ्लाइट में दो यात्रियों के बीच हाथापाई हो गई। बताया जा रहा है कि यह हाथ के सामान के लिए केबिन में जगह साझा करने को लेकर हुआ विवाद था।#Indigo pic.twitter.com/RqUSSM0Cs5
— Yashpal Singh Sengar यशपाल सिंह सेंगर (@YASHPALSINGH11) September 16, 2024
ଦୁଇଜଣ ଯାତ୍ରୀ ପରସ୍ପର ସହିତ ପାଟିତୁଣ୍ଡ କରିବା ପରେ ଧମକ ଦେଉଥିଲେ । ସ୍ଥିତିକୁ ସମ୍ଭାଳିବା ପାଇଁ ସେମାନଙ୍କ ପରିବାର ଏବଂ ବିମାନର କ୍ରୁ୍ୟ ସଦସ୍ୟ ଆସିଥିଲେ । ବହୁତ ହସ୍ତକ୍ଷେପ ପରେ ସ୍ଥିତି ନିୟନ୍ତ୍ରଣକୁ ଆସିଥିଲା । ଯାହା ଭିଡିଓରେ ଦେଖିବାକୁ ମିଳିଛି ।
ସୂଚନାଯୋଗ୍ୟ, ଇଣ୍ଡିଗୋର ବିମାନ ନମ୍ବର 6E 1303 ମୁମ୍ବାଇ-ଦୋହା ବିମାନକୁ ବାତିଲ କରି ଦିଆଯାଇଥିଲା । ରବିବାର ଭୋର୍ ୩ଟା ୫୫ ମିନିଟ୍ରେ ଟେକ୍ ଅଫ୍ କରିବାର ଥିଲା । ହେଲେ ଯାତ୍ରୀମାନେ ବସିବା ପରେ ବିମାନଟି ପାଖାପାଖି ୬ ଘଣ୍ଟା ଧରି ଏୟାରପୋର୍ଟରେ ଛିଡ଼ା ହୋଇ ରହିଥିଲା । ଫଳରେ ଯାତ୍ରୀମାନେ ୫ ଘଣ୍ଟା କାଳ ବିମାନ ଭିତରେ ହିଁ ବସି ରହିଥିଲେ । ବିମାନରେ ପ୍ରାୟ ୩୦୦ ଯାତ୍ରୀ ଥିଲେ । ଇମିଗ୍ରେସନ ଶେଷ ହେବା କାରଣରୁ ସେମାନଙ୍କୁ ଓହ୍ଲାଇବାକୁ ଦିଆଯାଇ ନ ଥିଲା ।
