ଦେଶ ବିଦେଶ

ପ୍ରତିଦିନ ଭୋକରେ ଶୋଉଛନ୍ତି ଅଗଣିତ ଲୋକ, ବିଶ୍ୱରେ କ୍ଷୁଧାର୍ତ୍ତଙ୍କ ସଂଖ୍ୟା ୧୫ କୋଟି ବୃଦ୍ଧି

ଦି ବର୍ଷ ଧରି କୋଭିଡ୍‌ ଯୋଗୁ ଜନଜୀବନ ଅସ୍ତବ୍ୟସ୍ତ କଲା ପରେ ଏବେ ନୂଆ ଖାଦ୍ୟାଭାବ ଦେଖା ଦେଇଛି। କରୋନା ଯୋଗୁ ଲକ୍ଷାଧିକ ଲୋକଙ୍କ ଜୀବନ ଯାଇଥିବା ବେଳେ କୋଟି କୋଟି ଲୋକ ଭୋକିଲା ରହିଛନ୍ତି। କୋଭିଡ୍‌ ୨ ବର୍ଷ ସମୟରେ ବିଶ୍ୱରେ କ୍ଷୁଧାର୍ତ୍ତଙ୍କ ସଂଖ୍ୟା ୧୫ କୋଟି ବୃଦ୍ଧି ପାଇଛି। ୨୦୨୧ରେ ବିଶ୍ୱରେ ଭୋକିଲାଙ୍କ ସଂଖ୍ୟା ୮୨ କୋଟି ୨୮ ଲକ୍ଷ ଛୁଇଁଛି। ୨୦୧୯ ତୁଳନାରେ ଏହି ସଂଖ୍ୟା ୧୫ କୋଟି ଅଧିକ। ସେହିପରି ୨୦୨୦ ତୁଳନାରେ ୪ କୋଟି ୬୦ ଲକ୍ଷ ଅଧିକ। ୨୦୧୯ରେ ବିଶ୍ୱ ଜନସଂଖ୍ୟାର ୮ ପ୍ରତିଶତ ଲୋକ ଭୋକିଲା ଥିବା ବେଳେ ୨୦୨୧ରେ ଏହା ୯.୮ ପ୍ରତିଶତକୁ ବୃଦ୍ଧି ପାଇଥିଲା। ଜାତିସଂଘର ଦ ଷ୍ଟେଟ୍‌ ଅଫ୍‌ ଫୁଡ୍‌ ସିକ୍ୟୁରିଟି ଆଣ୍ଡ ନ୍ୟୁଟ୍ରିସନ ଇନ୍‌ ଦ ୱାର୍ଲଡ ରିପୋର୍ଟରେ ଏହା ପ୍ରକାଶ ପାଇଛି।

ରିପୋର୍ଟ ମୁତାବକ, ଆଫ୍ରିକା, ଏସିଆ, ଲାଟିନ୍‌ ଆମେରିକା ଓ କାରିବିଆନରେ କ୍ଷୁଧାର୍ତ୍ତଙ୍କ ସଂଖ୍ୟା ସବୁଠୁ ଅଧିକ। ୮୨ କୋଟିରୁ ଆଫ୍ରିକାରେ ୨୭ କୋଟି ୮୦ ଲକ୍ଷ, ଏସିଆରେ ୪୨ କୋଟି ୫୦ ଲକ୍ଷ, ଲାଟିନ ଆମେରିକା ଓ କାରିବିଆନରେ ୫ କୋଟି ୬୫ ଲକ୍ଷ ଭୋକିଲା ଅଛନ୍ତି। ୨୦୨୧ରେ ୨୩୦କୋଟି ଲୋକ ଖାଦ୍ୟ ସୁରକ୍ଷା ପାଇ ପାରିନାହାନ୍ତି। ବିଶ୍ୱ ଜନସଂଖ୍ୟାର ୧୧ ପ୍ରତିଶତ ଖାଦ୍ୟ ସୁରକ୍ଷା ପାଇ ପାରି ନଥିବା ବେଳେ ୩୧୦ କୋଟି ଲୋକ ସୁଷମ ଖାଦ୍ୟ ପାଇନାହାନ୍ତି। ଖାଦ୍ୟାଭାବରୁ ୫ ବର୍ଷରୁ କମ୍‌ ବୟସର ୧୪ କୋଟି ୯୨ ଲକ୍ଷ ପିଲାଙ୍କ ବିକାଶ ବାଧାପ୍ରାପ୍ତ ହୋଇଛି।

ଅନ୍ୟପଟେ ଏବେ ଧୀରେ ଧୀରେ ବିଶ୍ୱ କୋଭିଡ୍‌ମୁକ୍ତ ହେଉଛି, କିନ୍ତୁ ଖାଦ୍ୟ ସୁରକ୍ଷା ସଙ୍କଟ ଥମିନାହିଁ। ୟୁକ୍ରେନ ଯୁଦ୍ଧ ବିଶ୍ୱରେ ଖାଦ୍ୟ ସଙ୍କଟ ବଢ଼ାଇ ଦେଇଛି। ବିଶ୍ୱରେ ରୁଷ ଓ ୟୁକ୍ରେନ ପ୍ରମୁଖ ଗହମ, ତୈଳ ଏବଂ ସାର ଉତ୍ପାଦନକାରୀ ଦେଶ। ଯୁଦ୍ଧ ଯୋଗୁ ଏ ସବୁ ଦେଶରୁ ଯୋଗାଣ ବାଧାପ୍ରାପ୍ତ ହୋଇଛି। ଫଳରେ ଖାଦ୍ୟ ଓ ତୈଳ ଦର ବଢ଼ିଛି। ଅନୁମାନ କରାଯାଉଛି ଯେ ଯୁଦ୍ଧରୁ ସୃଷ୍ଟ ଖାଦ୍ୟାଭାବ ଯୋଗୁ ୨୦୨୨ରେ ଅଧିକ ୧ କୋଟି ୩୦ ଲକ୍ଷ ଏବଂ ୨୦୨୩ରେ ଅଧିକ ୧ କୋଟି ୯୦ ଲକ୍ଷ ଅପପୁଷ୍ଟିର ଶିକାର ହେବେ। ଖାଦ୍ୟର ଦରଦାମ ବୃଦ୍ଧି ଯୋଗୁଁ ଅଧିକାଂଶ ଲୋକଙ୍କୁ ସୁଷମ ଖାଦ୍ୟ ପାଇବାରେ ଅସୁବିଧା ହେଉଛି। ଆକଳନ ଅନୁଯାୟୀ, ୨୦୩୦ ସୁଦ୍ଧା ବିଶ୍ୱର ୮ ପ୍ରତିଶତ ଭୋକିଲା ରହିବେ।

Also Read: ବର୍ଷାଦିନେ ଡ୍ରେସ୍‌ରୁ ଦୁର୍ଗନ୍ଧ ବାହାରୁଥିଲେ ଆଉ ଚିନ୍ତା ନାହିଁ, ଜାଣନ୍ତୁ ଦୂର କରିବାର ସହଜ ଉପାୟ

WCW 11

Recent Posts

ଆଜିର ରାଶିଫଳ: ବିଦ୍ୟାର୍ଥୀଙ୍କ ପାଇଁ ଦିନଟି ଶୁଭ, ଛାତ୍ରଛାତ୍ରୀ ପାଠପଢ଼ାରେ ପରିବର୍ତ୍ତନ ଆଣିବେ

ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…

6 hours ago

ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ

ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…

8 hours ago

ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ, ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ ଦେଲେ ସ୍ବାସ୍ଥ୍ୟମନ୍ତ୍ରୀ

ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…

8 hours ago

ଓଡ଼ିଶା ଫେରିବେ କେନ୍ଦ୍ର କୃଷି ସଚିବ ମନୋଜ ଆହୁଜା, ହେବେ କି ରାଜ୍ୟରେ ନୂଆ ମୁଖ୍ୟ ସଚିବ !

ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…

8 hours ago

‘ଡ. ସାମନ୍ତଙ୍କ ଭଳି ସମର୍ପିତ ହୋଇ କାର୍ଯ୍ୟ କଲେ ଆର୍ଟ ଅଫ ଗିଭିଂର ଯଥାର୍ଥତା ପ୍ରତିପାଦିତ ହୋଇ ପାରିବ’

ଭଦ୍ରକ (କେନ୍ୟୁଜ୍‌) : ଭଦ୍ରକରେ ଜିଲ୍ଲା ସ୍ତରୀୟ ଆର୍ଟ ଅଫ ଗିଭିଂ ଦିବସ ସମାରୋହରେ ପାଳିତ ହୋଇଯାଇଛି । ଜିଲ୍ଲା…

9 hours ago

ସରୋଗେସି ମାଧ୍ୟମରେ ମା’ ହେଲେ ବି ମିଳିବ ୬ ମାସ ଛୁଟି

ମାତୃତ୍ୱ ଛୁଟି ଉପରେ ସରକାରଙ୍କର ବଡ଼ ନିଷ୍ପତ୍ତି । ସରୋଗେସି ମାଧ୍ୟମରେ ମାଆ ହେବାକୁ ଥିବା ମହିଳାମାନଙ୍କ ପାଇଁ ଖୁସି…

9 hours ago