ଆଜିର ଇଣ୍ଟରନେଟ ସମୟରେ ଲୋକମାନେ ନିଜର ବିବାହ ପାଇଁ ମ୍ୟାଟ୍ରିମୋନିୟଲ ୱେବସାଇଟର ସାହାରା ନେଉଛନ୍ତି କିନ୍ତୁ ଆଜିକୁ ପ୍ରାୟ ୧୦ ବର୍ଷ ପୂର୍ବେ ଯେତେବେଳେ ଏହି ସୁବିଧା ନଥିଲା ସେତେବେଳେ ଲୋକମାନେ ପେପରରେ ନିଜର ବିବାହ ପ୍ରସ୍ତାବ ଦେଉଥିଲେ । ଯଦିଓ ଆଜିର ସମୟରେ ବି ଲୋକମାନେ ଏପରି କରୁଛନ୍ତି କିନ୍ତୁ ଏହାର ଚାହିଦା ଏବେ କମ ରହିଛି । ତେବେ ନିକଟରେ ସୋସିଆଲ ମିଡିଆରେ ପେପରରେ ଛପାଯାଇଥିବା ଏକ ବିଜ୍ଞାପନ ଭାଇରଲ ହେବାରେ ଲାଗିଛି । ଯାହାକୁ ଦେଖିବା ପରେ ଲୋକମାନେ ନିଜ ହସ କଣ୍ଟ୍ରୋଲ କରିପାରୁନାହାନ୍ତି ।
ସୂଚନା ଅନୁଯାୟୀ ଏହି ଭାଇରଲ ମ୍ୟାଟ୍ରିମୋନିୟଲ ଆଡ଼କୁ ଜଣେ ଡେଂଟିଷ୍ଟ ଛପାଇଛନ୍ତି । ଯାହାଙ୍କର ନାମ ହେଉଛି ଡାକ୍ତର ଅଭିନବ କୁମାର । ଡାକ୍ତର ଜଣଙ୍କର ବୟସ ୩୧ ବର୍ଷ ହୋଇଥିବା ବେଳେ ସେ ବେରୋଜଗାର ଅଟନ୍ତି କିନ୍ତୁ ଆଡ଼ରେ ସେ କହିଛନ୍ତି ଯେ ତାଙ୍କୁ ବହୁତ ସୁନ୍ଦର, ଭଦ୍ର, ଭରସାଯୋଗ୍ୟ, ଲଭ ଓ କେୟାର କରୁଥିବା, ବାହାଦୂର, ଶକ୍ତିଶାଳୀ ଓ ଧନୀ କନ୍ୟା ଆବଶ୍ୟକ ।
କେବଳ ଏତିକିରେ ଶେଷ ହୋଇନାହିଁ ଡାକ୍ତର ସାହେବଙ୍କ ଆଶା । ନିଜ ଡିମାଣ୍ଡରେ ସେ ଆଗକୁ ଲେଖିଛନ୍ତି ଯେ କନ୍ୟାର କଠୋର ଦେଶଭକ୍ତି ଥିବା ଆବଶ୍ୟକ । ଦେଶର ସେନା ଏବଂ ଖେଳ ପ୍ରତିଭା ବୃଦ୍ଧି କରିବା ପାଇଁ ପ୍ରସ୍ତୁତ ଥିବା ଆବଶ୍ୟକ । ଏହାସହିତ ପିଲା ସମ୍ଭାଳିବା ଓ ପାଳିବାରେ ମଧ୍ୟ ଏକ୍ସପର୍ଟ ହୋଇଥିବ । ଯାହାକୁ କି ସେ ସ୍ୱତନ୍ତ୍ର ଭବେ କ୍ୟାପିଟାଲ ଲେଟର୍ସରେ ଲେଖିଛନ୍ତି । ଏହା ଦ୍ୱାରା ସମସ୍ତଙ୍କ ନଜର ତା ଉପରେ ପଡିବ । ସୋସିଆଲ ମିଡିଆରେ ବର୍ତ୍ତମାନ ଏହା ଚର୍ଚ୍ଚାର ବିଷୟ ପାଲଟିଛି ।