ୟେମେନରେ ଆମେରିକାର ଏୟାର ଷ୍ଟ୍ରାଇକ । ଆମେରିକା ୟେମେନର ରାସ ଇସା ତୈଳ ବନ୍ଦର ଉପରେ ଏୟାର ଷ୍ଟ୍ରାଇକ କରିଛି । ଏହି ଆକ୍ରମଣରେ ଅତି କମରେ ୩୮ ଜଣଙ୍କର ମୃତ୍ୟୁ ହୋଇଥିବା ବେଳେ ୧୦୨ ଜଣ ଆହତ ହୋଇଥିବା ଖବର ମିଳିଛି ।
ଆମେରିକା ସେନାର କେନ୍ଦ୍ରୀୟ କମାଣ୍ଡ ମଧ୍ୟ ଏହି ଆକ୍ରମଣଗୁଡ଼ିକୁ ନିଶ୍ଚିତ କରିଛି । ଆମେରିକା ହୁତିଙ୍କ ଅଧିକୃତ ରାସ ଇସା ବନ୍ଦର ଉପରେ ବୋମା ମାଡ଼ କରିଛି । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ନିର୍ଦ୍ଦେଶ ପାଇବା ପରେ, ଆମେରିକୀୟ ସେନା ୧୫ ତାରିଖରୁ ହୁତି ବିଦ୍ରୋହୀଙ୍କ ଉପରେ ଦ୍ରୁତ ଆକ୍ରମଣ ଚଳାଇଛି । ରାସ୍ ଇସା ତୈଳ ବନ୍ଦର ଆମେରିକା ସେନା ଦ୍ୱାରା ଏପର୍ଯ୍ୟନ୍ତ ସବୁଠାରୁ ବଡ଼ ଆକ୍ରମଣ ଥିଲା ଏବଂ ଏଥିରେ ସର୍ବାଧିକ କ୍ଷତି ହୋଇଥିଲା ।
ଆମେରିକୀୟ ସେନା କହିଛି ଯେ, ଆକ୍ରମଣର ମୁଖ୍ୟ ଲକ୍ଷ୍ୟ ହୁତି ବିଦ୍ରୋହୀଙ୍କ ଇନ୍ଧନର ଉତ୍ସକୁ ନଷ୍ଟ କରିଦେବା । ଆମେରିକାର କେନ୍ଦ୍ରୀୟ କମାଣ୍ଡ X ରେ ଏକ ପୋଷ୍ଟରେ କହିଛି, ଏହି ଆକ୍ରମଣଗୁଡ଼ିକର ଲକ୍ଷ୍ୟ ହୁତିମାନଙ୍କ ଶକ୍ତିର ଆର୍ଥିକ ଉତ୍ସକୁ ହ୍ରାସ କରିବା ଥିଲା, ଯେଉଁମାନେ ସେମାନଙ୍କ ଦେଶବାସୀଙ୍କୁ ଶୋଷଣ କରନ୍ତି ଏବଂ ଯନ୍ତ୍ରଣା ଦିଅନ୍ତି ।
Destruction of Houthi Controlled Ras Isa Fuel Port
The Houthis have continued to benefit economically and militarily from countries and companies that provide material support to a designated foreign terrorist organization. The Iran-backed Houthis use fuel to sustain their… pic.twitter.com/SRiELV4juk
— U.S. Central Command (@CENTCOM) April 17, 2025
ସୂଚନାଯୋଗ୍ୟ, ନଭେମ୍ବର ୨୦୨୩ ପରଠାରୁ ହୁତିମାନେ ଜଳପଥ ଦେଇ ଯାଉଥିବା ଜାହାଜ ଉପରେ ଡଜନ ଡଜନ ଡ୍ରୋନ୍ ଏବଂ କ୍ଷେପଣାସ୍ତ୍ର ଆକ୍ରମଣ କରିଛନ୍ତି । ସେମାନେ ଗାଜାରେ ଯୁଦ୍ଧର ପ୍ରତିବାଦରେ ଇସ୍ରାଏଲୀ ଜାହାଜକୁ ଟାର୍ଗେଟ କରୁଛନ୍ତି । ସେ ଗାଜାରେ ଦୁଇ ମାସର ଅସ୍ତ୍ରବିରତି ସମୟରେ ଜାହାଜ ଚଳାଚଳ ପଥରେ ଆକ୍ରମଣ ବନ୍ଦ କରିଥିଲେ ।
Also Read : ମଝି ଆକାଶରେ ବିମାନକୁ ହାଇଜ୍ୟାକ କରିବାକୁ ଉଦ୍ୟମ, ଅପହରଣକାରୀକୁ ବିମାନରେ ଗୁଳିମାରିଲେ ଯାତ୍ରୀ