ଯୁଦ୍ଧ ଶେଷ କରିବାର ସମୟ ଆସିଛି : ବାଇଡେନ

ଯୁଦ୍ଧ ଶେଷ କରିବାର ସମୟ ଆସିଛି । ଗାଜାରେ ଯୁଦ୍ଧ ଶେଷ କରିବା ପାଇଁ ପ୍ରସ୍ତାବ ରଖିଛନ୍ତି ଆମେରିକା ରାଷ୍ଟ୍ରପତି ଜୋ ବାଇଡେନ । ପ୍ରଥମେ ୬ ସପ୍ତାହର ବିରତି, ପରେ ସ୍ଥାୟୀ ଶାନ୍ତି ସହ ଆରମ୍ଭ ହେବ ଯୁଦ୍ଧ ସମାପ୍ତି ପ୍ରକ୍ରିୟା । ଏହି ବୁଝାମଣା ସ୍ଥାୟୀ ରୂପରେ ଶତ୍ରୁଙ୍କ ସମାପ୍ତି ଏବଂ ଗାଜାର ପୁନଃନିର୍ମାଣରେ ସହାୟକ ହେବ ବୋଲି କହିଛନ୍ତି ବାଡେନ । ଇସ୍ରାଏଲର ଲଗାତାର ଆକ୍ରମଣରେ ଆତଙ୍କବାଦୀ ସଂଗଠନ ହମାସ ଏବେ ଦୁର୍ବଳ ହୋଇ ପଡ଼ିଛି ।

ହମାସ ପାଲଟା ଆକ୍ରମଣ କରିବା ସ୍ଥିତିରେ ନାହିଁ ବୋଲି କହିଛନ୍ତି ଆମେରିକା ରାଷ୍ଟ୍ରପତି । ହମାସ ଓ ଇସ୍ରାଏଲକୁ ନେଇ ପ୍ରଥମ ଓ ଦ୍ୱିତୀୟ ପର୍ଯ୍ୟାୟ ଆଲୋଚନା କଷ୍ଟକର ହେବ ବୋଲି ସ୍ୱୀକାର କରିଛନ୍ତି ବାଇଡେନ ।

ହମାସ ଏବଂ ଇସ୍ରାଏଲକୁ ପ୍ରଥମେ ୬ସପ୍ତାହର ଅସ୍ତ୍ର ବିରତି ପାଇଁ ମନାଇବା ଦିଗରେ କ୍ଷେତ୍ର ପ୍ରସ୍ତୁତ କରିବାକୁ ସେ ଗୁରୁତ୍ୱ ଦେଇଛନ୍ତି । ହମାସ ମଧ୍ୟ ଯୁଦ୍ଧ ବିରାମ ଚାହୁଁଛି ବୋଲି ହ୍ୱାଇଟ ହାଉସରେ କହିଛନ୍ତି ବାଇଡେନ୍। ପାଲେଷ୍ଟାଇନ ଏବଂ ଇସ୍ରାଏଲ ନେତାମାନେ ଏକାଠି ହୋଇ ଗାଜାର ପୁନଃନିର୍ମାଣ ପାଇଁ ନିଷ୍ପତ୍ତି ନେଲେ ଅନେକ ଜଟିଳ ସ୍ଥିତିର ସମାଧାନ ସମ୍ଭବ ହୋଇପାରିବ ବୋଲି ସେ କହିଛନ୍ତି ।