ୱାକଫ୍ ସଂଶୋଧନ ଆଇନକୁ ନେଇ ସୁପ୍ରିମକୋର୍ଟଙ୍କ ବଡ଼ ଟିପ୍ପଣୀ । ନୂଆ ଆଇନରୁ ‘ WAQF BY USER ‘ ପ୍ରାବଧାନକୁ ହଟାଇବା ଉପରେ ଚିନ୍ତା ପ୍ରକଟ କରିଛନ୍ତି ସର୍ବୋଚ୍ଚ ନ୍ୟାୟାଳୟ । କେନ୍ଦ୍ରକୁ ଏ ନେଇ ସ୍ପଷ୍ଟୀକରଣ ମାଗିଛନ୍ତି । ଏହାର ପରିଣାମ ବ୍ୟାପକ ହୋଇପାରେ ବୋଲି କହିଛନ୍ତି ସିଜେଆଇ ଜଷ୍ଟିସ ସଂଜୀବ ଖାନ୍ନାଙ୍କ ନେତୃତ୍ବାଧୀନୀ ୩ ଜଣିଆ ଖଣ୍ଡପୀଠ ।
ତେବେ ଏହା ଉପରେ କୌଣସି ମଧ୍ୟବର୍ତ୍ତୀକାଳୀନ ନିର୍ଦ୍ଦେଶ ଦେଇ ନାହାନ୍ତି ଖଣ୍ଡପୀଠ । ଏହାର ଶୁଣାଣି ଜାରି ରହିବ। ଆସନ୍ତାକାଲି ମାମଲାର ପରବର୍ତ୍ତୀ ଶୁଣାଣି ହେବ। ୱାକଫ ଆଇନକୁ ଚ୍ୟାଲେଞ୍ଜ କରି ସୁପ୍ରିମକୋର୍ଟରେ ୭୩ଟି ପିଟିସନ୍ ଦାଖଲ ହୋଇଛି । ଆଜି ମାମଲାର ଶୁଣାଣି ଆରମ୍ଭ ହୋଇଛି ।
ଶୁଣାଣି ବେଳେ ସଲିସିଟର ଜେନେରାଲଙ୍କୁ କୋର୍ଟ ପଚାରିଥିଲେ, ହିନ୍ଦୁ ଧାର୍ମିକ ଅନୁଷ୍ଠାନର ପରିଚାଳନା ପାଇଁ ଅଲଗା ସଂପ୍ରଦାୟର ଲୋଙ୍କୁ ନିଯୁକ୍ତ କରାଯାଉଛି କି ? ସେହିପରି ବ୍ୟବହାର ଅୁନସାରେ ୱାକଫ୍ ପ୍ରସଙ୍ଗରେ କହିଛନ୍ତି, ଅଧିକାଂଶ ମସଜିଦ୍ ୧୪ ଶହରୁ ୧୬ଶହ ଶତାବ୍ଦୀ ମଧ୍ୟରେ ନିର୍ମାଣ ହୋଇଛି । ଏସବୁର ପଞ୍ଜିକୃତ କାଗଜପତ୍ର ନାହିଁ ।
ଦିଲ୍ଲୀରେ ଜାମା ମସଜିଦ୍ ମଧ୍ୟ ୱାକଫ୍ ସଂପତ୍ତି। ଏଗୁଡ଼ିକର ପଞ୍ଜିକରଣ ଦଲିଲ ଦେଖାଇ ହେବ ନାହିଁ । ତେଣୁ ଏଗୁଡ଼ିକୁ ଅଣ ପଂଜିକୃତ କରିବା ଏକ ପ୍ରସଙ୍ଗ ହୋଇପାରେ। ୱାକଫକୁ ନେଇ ଯେଉଁ ହିଂସାକାଣ୍ଡ ହୋଇଛି, ତାକୁ ନେଇ ଚିନ୍ତା ପ୍ରକଟ କରିଛନ୍ତି ।
Also read: ଲୋକସଭାରେ ୱାକଫ ସଂଶୋଧନ ବିଲ୍ ପାରିତ, ସପକ୍ଷରେ ପଡିଲା ୨୮୮ ଭୋଟ୍