ପାକିସ୍ତାନରେ ଆତଙ୍କବାଦୀ ଆଡ୍ଡାଗୁଡ଼ିକୁ ଟାର୍ଗେଟ କରିବା ପାଇଁ ଭାରତ ଦ୍ୱାରା କରାଯାଇଥିବା ବଡ଼ ଅପରେସନକୁ ‘ଅପରେସନ ସିନ୍ଦୂର’ ନାମ ଦିଆଯାଇଛି । କିନ୍ତୁ ଏହା ପଛରେ କାରଣ କ’ଣ? ଏହାର ପ୍ରତୀକାତ୍ମକ ଏବଂ ଭାବପ୍ରବଣ ମହତ୍ତ୍ୱ ରହିଛି । ଏହି ଅପରେସନ୍ ୨୨ ଏପ୍ରିଲ୍, ୨୦୨୫ରେ ପହଲଗାମ୍ ଆତଙ୍କବାଦୀ ଆକ୍ରମଣର କଡା ଜବାବ ଥିଲା, ଯେଉଁଥିରେ ୨୫ ଜଣ ଭାରତୀୟ ଏବଂ ଜଣେ ନେପାଳୀ ନାଗରିକଙ୍କ ସମେତ ୨୬ ଜଣ ସାଧାରଣ ନାଗରିକ ପ୍ରାଣ ହରାଇଥିଲେ । ସେମାନଙ୍କ ମଧ୍ୟରୁ ଅଧିକାଂଶ ପର୍ଯ୍ୟଟକ ଥିଲେ ।
ଏହି ଆକ୍ରମଣରେ କେବଳ ପୁରୁଷ ମାନଙ୍କୁ ଟାର୍ଗେଟ କରାଯାଇଥିଲା । ଯେଉଁଥିପାଇଁ ଅନେକ ବିବାହିତ ମହିଳା ନିଜ ସିନ୍ଦୁର ହରାଇଥିଲେ ଯାହାକୁ ରକ୍ଷା କରିବା ପାଇଁ ଏହାକୁ ଅପରେସନ ସିନ୍ଦୁର ନାମ ଦିଆଯାଇଥିଲା । “ସିନ୍ଦୁର” ନାମ ଆକ୍ରମଣର ସାଂସ୍କୃତିକ ଏବଂ ଭାବପ୍ରବଣ ପ୍ରତିଧ୍ୱନିତ ସହିତ ଜଡିତ ବୋଲି ବିଶ୍ୱାସ କରାଯାଏ । ବିଶେଷକରି ପୀଡିତମାନଙ୍କ ମଧ୍ୟରୁ କିଛି ନବବିବାହିତ ଦମ୍ପତିଙ୍କ ଉପରେ ଏହାର ପ୍ରଭାବ ଅଧିକ ପଡିଥିଲା । ଆତଙ୍କବାଦୀମାନେ ଯେଉଁଭଳି ଭାବରେ ସାଧାରଣ ମହିଳାଙ୍କ ସୁହାଗକୁ ଧ୍ୱଂସ କଲେ ତାହାର ବଦଲା ନେଇଛି ଭାରତ ।
ଏହା ଏକ ପ୍ରତୀକାତ୍ମକ ପ୍ରତିଶୋଧ ଏବଂ ଚେତାବନୀ ମଧ୍ୟ । ଏକ ଶକ୍ତିଶାଳୀ ସାଂସ୍କୃତିକ ଏବଂ ଭାବପ୍ରବଣ ପ୍ରତିକ୍ରିୟା ସୃଷ୍ଟି କରିବା ପାଇଁ “ଅପରେସନ୍ ସିନ୍ଦୂର” ନାମ ବଛାଯାଇଥିଲା । ପହଲଗାମ ଆକ୍ରମଣରେ ଆତଙ୍କୀମାନେ ନୌସେନା ଲେଫ୍ଟନାଣ୍ଟ ବିନୟ ନରୱାଲଙ୍କ ସମେତ ଅନେକ ନବ ବିବାହିତ ଲୋକଙ୍କୁ ହତ୍ୟା କରିଥିଲେ । ଯେଉଁ ସମୟରେ ତାଙ୍କ ବିଧବା ସ୍ତ୍ରୀଙ୍କ କପାଳରେ ସିନ୍ଦୁର ସ୍ପଷ୍ଟ ଭାବରେ ଦୃଶ୍ୟମାନ ହେଉଥିଲା । ଏହା ଆତଙ୍କବାଦୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ପାଇଁ ସମଗ୍ର ଭାରତରେ ତୀବ୍ର ଭାବନା ଜାଗ୍ରତ କରିଥିଲା ।
ତେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପରାମର୍ଶ ଅନୁଯାୟୀ ଏହି କାର୍ଯ୍ୟକୁ ‘ଅପରେସନ୍ ସିନ୍ଦୂର’ ନାମ ଦିଆଯାଇଛି । ପହଲଗାମରେ ହୋଇଥିବା ଆକ୍ରମଣରେ ଆତଙ୍କବାଦୀମାନେ କେବଳ ପୁରୁଷମାନଙ୍କୁ ଟାର୍ଗେଟ କରିଥିଲେ, ଯେଉଁଥିରେ ଅନେକ ମହିଳା ବିଧବା ହୋଇଛନ୍ତି । ତେଣୁ, ଭାରତ ଦ୍ୱାରା ନିଆଯାଇଥିବା କାର୍ଯ୍ୟାନୁଷ୍ଠାନକୁ ‘ଅପରେସନ୍ ସିନ୍ଦୂର’ ନାମ ଦିଆଯାଇଛି । “ଅପରେସନ୍ ସିନ୍ଦୁର” ନାମଟି ଏହି ପୀଡିତଙ୍କ ମୃତ୍ୟୁର ପ୍ରତିଶୋଧ ନେବା ପାଇଁ ଭାରତର ସଂକଳ୍ପକୁ ପ୍ରତିଫଳିତ କରେ ।
ଏହା ମଧ୍ୟ ସୁନିଶ୍ଚିତ କରେ ଯେ ଏବେ ସମସ୍ତଙ୍କ ସିନ୍ଦୁର ସୁରକ୍ଷିତ ରହିବ ଏବଂ ଏହାର କୌଣସି କ୍ଷତି ହେବ ନାହିଁ । ପହଲଗାମରେ ଯେଉଁ ମହିଳାମାନେ ବିଧବା ହୋଇଛନ୍ତି ସେମାନଙ୍କୁ ଶ୍ରଦ୍ଧାଞ୍ଜଳି ଦେବା ସହିତ, ଏହା ସହିଦମାନଙ୍କ ପ୍ରତି ସମ୍ମାନ ଏବଂ ନ୍ୟାୟର ସୁରକ୍ଷାର ପ୍ରତୀକ ମଧ୍ୟ । ପହଲଗାମ ଆକ୍ରମଣ ପରେ, ନରେନ୍ଦ୍ର ମୋଦି ବିହାରର ଏକ ନିର୍ବାଚନୀ ରାଲିରେ କହିଥିଲେ ଯେ ଭାରତ ଏହା ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବ ।
ପହଲଗାମ ଆତଙ୍କବାଦୀ ଆକ୍ରମଣ ପରଠାରୁ, ଭାରତ ସରକାର ଏବଂ ସଶସ୍ତ୍ର ବାହିନୀ ନିରନ୍ତର ପ୍ରସ୍ତୁତି କରୁଥିଲେ । ଜାତୀୟ ରାଜଧାନୀ ଦିଲ୍ଲୀରେ ଏକାଧିକ ବୈଠକ ଚାଲିଥିଲା । ପ୍ରଧାନମନ୍ତ୍ରୀ ମୋଦି ତିନି ସେନା ମୁଖ୍ୟଙ୍କ ସହ ଏକ ବୈଠକ କରିଥିଲେ । ଏବେ ଶେଷରେ ଏକ ମିଳିତ ଅଭିଯାନ ଅଧୀନରେ ଭାରତର ତିନି ସେନା ପାକିସ୍ତାନରେ ଆତଙ୍କବାଦୀ ଶିବିର ଉପରେ ଆକ୍ରମଣ କରିଛନ୍ତି ଏବଂ ଏହା ସହିତ ପାକିସ୍ତାନର ଗର୍ବ ସମ୍ପୂର୍ଣ୍ଣ ଭାଙ୍ଗି ଯାଇଛି ।
Also read: ମଧ୍ୟ ରାତିରେ ପାକିସ୍ତାନ ଉପରେ ଭାରତର ‘ଅପରେସନ ସିନ୍ଦୂର’ ଆରମ୍ଭ : ୯୦ ଆତଙ୍କବାଦୀଙ୍କ ମୃତ୍ୟୁ, ବହୁ ଆହତ