ସୋଲେ ଷ୍ଟାଇଲରେ ମହିଳା କଲେ ଏମିତି ହଙ୍ଗାମା, ପୁଣି ଥରେ ମିଳିଗଲା ଚାକିରି

ଆପଣଙ୍କର ଫିଲ୍ମ ସୋଲେ ର ସେହି ସିନଟି ମନେଥିବ । ଯେଉଁଥିରେ ବସନ୍ତିକୁ ପାଇଁ ବୀରୁ ଅର୍ଥାତ୍ ଧର୍ମେନ୍ଦ୍ର ପାଣି ଟାଙ୍କି ଉପରେ ଚଢିଯାଇଥିଲେ ଏବଂ ଆତ୍ମହତ୍ୟାର ଧମକ ଦେଇଥିଲେ । ତେବେ ରିଲର ଏହି ସିନକୁ ରିୟଲରେ ଦେଖିବାକୁ ମିଳିଛି । ତେବେ ପ୍ରେମ ପାଇଁ ନୁହେଁ ବରଂ ନିଜ ଚାକିରି ଫେରିପାଇବାକୁ ସୋଲେର ଏହି ସିନକୁ ରିକ୍ରିଏଟ୍ କରିଛନ୍ତି ଜଣେ ମହିଳା ।

ଘଟଣାଟି ଘଟିଛି ସାଇବର୍ ସିଟି ଗୁରୁଗ୍ରାମରେ । ମହିଳା ଜଣକ ଏକ ବିଲ୍ଡିଂର ଛାତ ଉପରେ ଚଢି କରିଛନ୍ତି ଜବରଦସ୍ତ ହଙ୍ଗାମା । ମିଳିଥିବା ସୂଚନା ଅନୁସାରେ ମହିଳା ଜଣକ ସ୍ଥାନୀୟ ଏକ ଘରୋଇ କମ୍ପାନୀରେ କାମ କରୁଥିଲେ । ତେବେ କୌଣସି କାରଣ ବସତଃ ତାଙ୍କ ଚାକିରିରୁ ବାହାର କରିଦିଆଯାଇଥିଲା । ଯେଉଁଥିରେ ମହିଳା ଜଣକ ଛାତ ଉପରୁ ଚଳକୁ ଡେଇଁବା ପାଇଁ ଧମକ ଦେଇଥିଲେ ।

ଏହା ଭିତରେ ପୋଲିସ୍ ପହଂଚି ବୁଝାଇବା ପରେ ମଧ୍ୟ ମହିଳା ଜଣକ ତଳକୁ ଓହ୍ଲାଇ ନଥିଲେ । ତେବେ ଯେତେବେଳେ କମ୍ପାନୀ ଅଧିକାରୀ ଚାକିରିରୁ ବାହାର ନକରିବା ପାଇଁ ପ୍ରତିଶ୍ରୁତି ଦେଲେ ସେତେବେଳେ ସେ ତଳକୁ ଆସିଥିଲେ ।