ଜଙ୍ଗଲ ଏବଂ ପରିବେଶକୁ ଖୁବ ଭଲ ପାଉଥିବା ଭାରତୀୟ ବନ ସେବା ଅଧିକାରୀ (ଆଇଏଫଏସ) ପରଭିନ କସୱାନ ନିଜ ସୋସିଆଲ ମିଡିଆରେ ପ୍ରାୟତଃ ଅନେକ ଆକର୍ଷଣୀୟ ଖବର ସେୟାର କରନ୍ତି । ଜଙ୍ଗଲର ଫଟୋ ହେଉ କିମ୍ବା ପଶୁମାନଙ୍କ ବିଷୟରେ କିଛି ରୋଚକ ତଥ୍ୟ, କାସୱାନଙ୍କ ସୋସିଆଲ ମିଡିଆ ଆକାଉଣ୍ଟ ଦେଖିବା ଯୋଗ୍ୟ ହୋଇଥାଏ । ନିକଟରେ ତାଙ୍କ ଟିମ ଜଙ୍ଗଲ ସଫା କରିବା ଅଭିଯାନ ଚଳାଇଥିଲେ ଏବଂ ଦୁଇଟି ଟ୍ରକ୍ ପ୍ଲାଷ୍ଟିକ ସଂଗ୍ରହ କରିଥିଲେ ।
କାସୱାନ ନିଜ ସୋସିଆଲ ମିଡିଆ X ଆକାଉଣ୍ଟରେ ଏହି ପୋଷ୍ଟ ସେୟାର କରି ଲେଖିଛନ୍ତି, “ଜଙ୍ଗଲ ସଡକର ପ୍ରତି ସ୍ଥାନରେ ପ୍ଲାଷ୍ଟିକ ଏବଂ ଚିପ୍ସ ଜରି ଆଦି ପଡ଼ିରହିଛି । ଆପଣଙ୍କ ସୂଚନା ପାଇଁ କହିରଖୁଛୁ ଯେ IFS ଅଧିକାରୀ ପରଭିନ କାସୱାନ ଓ ତାଙ୍କ ଟିମ ଏହି ଅଭିଯାନ ପାଇଁ ୭ କିଲୋମିଟର ଦୂରତା ଅତିକ୍ରମ କରିଛନ୍ତି । ଜଙ୍ଗଲରେ ଯେଉଁଠାରେ ପ୍ରକୃତରେ ଗଛ, ପତ୍ର ଏବଂ ଅନ୍ୟାନ୍ୟ ପ୍ରାକୃତିକ ଜିନିଷ ରହିବା ଉଚିତ୍, ବର୍ତ୍ତମାନ ମଣିଷ ଦ୍ୱାରା ପକାଯାଇଥିବା ପ୍ଲାଷ୍ଟିକ୍ ଏବଂ ଜରି ସବୁଆଡେ ଦୃଶ୍ୟମାନ ହେଉଛି ।
କାସୱାନ୍ ତାଙ୍କ ପୋଷ୍ଟରେ କହିଛନ୍ତି ଯେ କ୍ଷୁଧା ହେତୁ ପଶୁମାନେ ପ୍ରାୟତଃ ଏହି ପ୍ଲାଷ୍ଟିକ୍ ଏବଂ ଜରି ଖାଇଦିଅନ୍ତି, ଯେଉଁଥିପାଇଁ ସେମାନଙ୍କ ଜୀବନ ମଧ୍ୟ ବିପଦରେ ପଡିଥାଏ । କାସୱାନ୍ ତାଙ୍କ ପୋଷ୍ଟରେ ଲେଖିଛନ୍ତି, “ଜଙ୍ଗଲୀ ଜନ୍ତୁମାନେ ପ୍ରାୟତଃ ପ୍ଲାଷ୍ଟିକ୍ ଖାଆନ୍ତି, ଯାହା ସେମାନଙ୍କୁ ମୃତ୍ୟୁ ମୁଖକୁ ନେଇଯାଇଥାଏ । ଏବଂ ସେମାନେ ଦେଖିବାକୁ ପାଇଛନ୍ତି ଯେ ଜଙ୍ଗଲୀ ଜନ୍ତୁଙ୍କର ଗୋବରରେ ବଡ଼ ବଡ଼ ପ୍ଲାଷ୍ଟିକ୍ ରହିଛି । ଏଥିରେ କେବଳ ବଡ ପ୍ଲାଷ୍ଟିକ ଖଣ୍ଡ ହି ରହିଥାଏ ।” ଛୋଟ ଛୋଟ ପ୍ଲାଷ୍ଟିକ୍ କଣିକା (ମାଇକ୍ରୋପ୍ଲାଷ୍ଟିକ୍) ମଧ୍ୟ ଜୀବଜନ୍ତୁଙ୍କ ଶରୀର ଉପରେ ବହୁତ ଖରାପ ପ୍ରଭାବ ପକାଇଥାଏ ।
କାସୱାନ୍ ଆହୁରି ମଧ୍ୟ କହିଛନ୍ତି ଯେ ଏହି ଜଙ୍ଗଲରେ ପଡିଥିବା ପ୍ଲାଷ୍ଟିକ୍ ବୋତଲଗୁଡିକ ମଧ୍ୟ ପରିଦର୍ଶନ କରୁଥିବା ଲୋକଙ୍କ ଅସାବଧାନତାର ପ୍ରମାଣ । ସେ କହିଛନ୍ତି, “ପ୍ଲାଷ୍ଟିକ୍ ବୋତଲ ମଧ୍ୟ ଲୋକମାନେ ଆସି ଫୋପାଡି ଦେଇଥାନ୍ତି । ଯାହା ଆମା ପରିବେଶ ପାଇଁ ଆଦୌ ଠିକ ନୁହେଁ ।” ଜଙ୍ଗଲକୁ ପରିଷ୍କାର ରଖିବା ପାଇଁ ପୋଲିସ ଅଧୀକ୍ଷକ, ଛାତ୍ର ଏବଂ ସ୍ଥାନୀୟ NGO ମଧ୍ୟ ଏହି ଅଭିଯାନକୁ ସପୋର୍ଟ କରିଥିଲେ । ଯାହା ଜଙ୍ଗଲକୁ ସଫା ରଖିବାର ମହତ୍ତ୍ୱ ବିଷୟରେ ଦର୍ଶାଇଛି ।
ପୋଷ୍ଟ ସେୟାର ହେବା ମାତ୍ରେ ଲୋକମାନେ କମେଣ୍ଟରେ ନିଜର ମତାମତ ଦେବା ମଧ୍ୟ ଆରମ୍ଭ କରିଛନ୍ତି । ଜଣେ ୟୁଜର ଲେଖିଛନ୍ତି, “ପ୍ଲାଷ୍ଟିକ୍ କଭର ନିଷେଧ ଯଥେଷ୍ଟ ନୁହେଁ ବରଂ ସମସ୍ତ ପ୍ଲାଷ୍ଟିକ୍ ପ୍ୟାକେଜିଂ ଉପରେ ମଧ୍ୟ ପ୍ରତିବନ୍ଧକ ଲଗାଯିବା ଉଚିତ୍ ।” ଅନ୍ୟ ଜଣେ ୟୁଜର ଲେଖିଛନ୍ତି, ବାଃ ଅତି ଉତ୍ତମ ପଦକ୍ଷେପ । ତେବେ ଆମ ପରିବେଶକୁ ପରିଷ୍କାର ଏବଂ ସୁସ୍ଥ ରଖିବା ପାଇଁ ଏହାକୁ ପ୍ଲାଷ୍ଟିକ ଏବଂ ପଲିଥିନ ମୁକ୍ତ କରିବା ଅତ୍ୟନ୍ତ ଜରୁରୀ ।
ସୁନ୍ଦରଗଡ଼ : ବଜ୍ରକାପ୍ତା ଉଦ୍ଧାର । ସୁନ୍ଦରଗଡ଼ ଜିଲ୍ଲା କୁଳିପୋଷ ରେଞ୍ଜର କୁଢେଇକଳା ବିଟର ବନଲତା ଗାଁରୁ ଉଦ୍ଧାର କରାଯାଇଛି…
ଲୋକସଭାରେ ବିରୋଧୀ ନେତା ହେବେ ରାହୁଲ ଗାନ୍ଧି । ଇଣ୍ଡିଆ ବ୍ଲକ୍ ଏହା ଉପରେ ମୋହର ମାରିଛି । କଂଗ୍ରେସର…
ପୁଣି ଲୋକସଭାର ବାଚସ୍ପତି ଭାବେ ନିର୍ବାଚିତ ହେଲେ ଓମ୍ ବିର୍ଲା । ବାଚ୍ନିକ ଭୋଟରେ ନିର୍ବାଚିତ ହେଲେ ଓମ୍ ବିର୍ଲା…
ଆମେରିକାର ଲାସ୍ ଭେଗାସ୍ ସହରରେ ଥିବା ଏକ ଆପାର୍ଟମେଣ୍ଟ ପରିସରରେ ଆଖିବୁଜା ଗୁଳିମାଡ କଲା ଦୁର୍ବୃତ୍ତ । ଗୁଳିକାଣ୍ଡରେ ୫…
ଭୁବନେଶ୍ୱର: ଆଜି ଦିଲ୍ଲୀ ଯିବେ ମୁଖ୍ୟମନ୍ତ୍ରୀ ମୋହନ ମାଝୀ । ମୁଖ୍ୟମନ୍ତ୍ରୀଙ୍କ ସହ ଦୁଇ ଉପ ମୁଖ୍ୟମନ୍ତ୍ରୀ କେଭି ସିଂଦେଓ…
ପୁରୀ: ମହାପ୍ରଭୁଙ୍କ ଅନବସର ନୀତିର ଆଜି ପଞ୍ଚମ ଦିନ । ଚାଲିଛି ପ୍ରଭୁଙ୍କ ସେବା ପୂଜା । ଆଜି ମହାପ୍ରଭୁଙ୍କ…