Sabuthi Sabubele Hata Muthare Khabar

ଏବେ କରୋନା ଭାଇରସ ସଂକ୍ରମଣରୁ ରକ୍ଷା କରିବ “ନିଞ୍ଜା ରୋବୋଟ”, ଜାଣନ୍ତୁ କିପରି ହେଉଛି ବ୍ୟବହାର

ସାରା ଦୁନିଆରେ ଅତି ଦ୍ରୁତ ଗତିରେ ବ୍ୟାପୁଥିବା କରୋନା ଭାଇରସ ସଂକ୍ରମଣ ପାଇଁ ଲଗାତାର ଚେଷ୍ଟା ଜାରି ରହିଛି । ବର୍ତ୍ତମାନ୍ COVID-19 ସହ ଲଢ଼ିବା ପାଇଁ ଟେକ୍ନୋଲୋଜି ମଧ୍ୟ ଆଗେଇ ଆସିଛି । ସୂଚନା ଅନୁଯାୟୀ ଥାଇଲାଣ୍ଡର ଏକ ହସ୍ପିଟାଲରେ ‘ନିଞ୍ଜା ରୋବୋଟ୍’ର ବ୍ୟବହାର ଆରମ୍ଭ ହୋଇଯାଇଛି ଯାହା ସାହାଯ୍ୟରେ ଲୋକମାନଙ୍କୁ ମେଡିକାଲ୍ ସର୍ଭିସ୍ ଯୋଗାଇ ଦିଆଯାଉଛି ।

ଏହି ରୋବୋଟ୍ ଗୁଡିକୁ ପ୍ରଥମେ ଷ୍ଟ୍ରୋକର ଶିକାର ହୋଇଥିବା ରୋଗୀମାନଙ୍କୁ ମନିଟର କରିବା ପାଇଁ ପ୍ରସ୍ତୁତ କରାଯାଇଥିଲା । ଯାହାକି ରୋଗୀମାନଙ୍କର ଶରୀରର ତାପମାତ୍ରା ଓ ଜ୍ୱରକୁ ମନିଟରିଂ କରିଥାଏ । ତେବେ ବର୍ତ୍ତମାନ ଏହାର ବ୍ୟବହାର ଥାଇଲ୍ୟାଣ୍ଡର ରାଜଧାନୀ ବ୍ୟାଙ୍ଗକକରେ କରାଯାଉଛି ।

PunjabKesari

ନିଞ୍ଜା ରୋବଟରେ ଏକ ସ୍କ୍ରିନ୍ ଲଗାଯାଇଥାଏ ଯାହା ସାହାଯ୍ୟରେ ରୋଗୀ ଡାକ୍ତରଙ୍କ ସହ ଭିଡିଓ ଚାଟ କରିପାରିବେ । ତେବେ ଏହି ରୋବଟ ସାହାଯ୍ୟରେ ସଂକ୍ରମଣ ବ୍ୟାପିବାକୁ ରୋକାଯାଇପାରିବ ବୋଲି ଆଶା କରାଯାଉଛି । ଏହାକୁ ପ୍ରସ୍ତୁତ କରିଥିବା ପ୍ରୋଫେସରଙ୍କ କହିବା ଅନୁଯାୟୀ ନିଞ୍ଜା ରୋବଟ ଦ୍ଵାରା ଡାକ୍ତର୍ ଯେକୌଣସି ସ୍ଥାନରୁ ମଧ୍ୟ ରୋଗୀଙ୍କର ଖବର ରଖିପାରିବେ ଏବଂ ତାଙ୍କ ସହିତ ଭିଡିଓ ଚାଟ କରିପାରିବେ । ତାସହିତ ଏହା ରୋଗୀଙ୍କ ଖାଇବା ପିଇବା ଠାରୁ ଆରମ୍ଭ କରି ଔଷଧ ପର୍ଯ୍ୟନ୍ତ ସମସ୍ତ କଥା ବୁଝିବାକୁ ସକ୍ଷମ । ତେଣୁ ଏଭଳି ପରିସ୍ଥିତିରେ ଏହି ରୋବୋଟ୍ ଦ୍ଵାରା ଆମେ କରୋନା ଭଳି ମାରାତ୍ମକ ଭାଇରସକୁ ବ୍ୟାପିବାରୁ ମଧ୍ୟ ରୋକିପାରିବା ।

Leave A Reply

Your email address will not be published.