ଉତ୍ତର କୋରିଆର ଏହି କୃର ଶାସକ କେବଳ ମଦରେ ଉଡ଼ାନ୍ତି କୋଟି କୋଟି ଟଙ୍କା

ଉତ୍ତର କୋରିଆକୁ ବିଶ୍ୱର ସବୁଠୁ ରହସ୍ୟମୟୀ ଦେଶ ଭାବେ ଗଣାଯାଏ । ତାଠାରୁ ଆହୁରି ଅଧିକ ରହସ୍ୟରେ ଭରା ସେଠାକାର ଶାସକ କିମ ଜନ ଉଂଗ । ବିଶ୍ୱର ବିଭିନ୍ନ ଦେଶ ମାନଙ୍କର ପ୍ରମୁଖ ଶାସକଙ୍କ ବିଷୟରେ ତଥ୍ୟ ସଂଗ୍ରହ କରୁଥିବା ଏକ ସଂସ୍ଥାର ରିପୋର୍ଟ ଅନୁଯାୟୀ, ୨୦୧୮ ମସିହାରେ କିମଙ୍କ ପାଖରେ ୧୦ ବିଲିୟନ ଡ଼ଲାର ବା ୧୦ ଲକ୍ଷ କୋଟି ଟଙ୍କାର ସମ୍ପତ୍ତି ମହଜୂତ ଥିଲା । ୩୬ ବର୍ଷୀୟ କିମଙ୍କ ଅଧିକାଂଶ ସମ୍ପତ୍ତି ଆଫ୍ରିକାରୁ ଅବୈଧ ଭାବେ ଆସୁଥିବା ହାତୀ ଦାନ୍ତ, ମଦ, ନିଶା ଦ୍ରବ୍ୟ, ଡ୍ରଗ୍ସ କାରବାର ଆଦିରୁ ରୋଜଗାର ହୋଇଥାଏ । ଏମିତିକି ବିଶ୍ୱର ଅନେକ ଦେଶ ଯେମିତିକି ମଧ୍ୟ ଆମେରିକା, ୟୁରୋପ, ଏସିଆର ଅନେକ ବ୍ୟାଙ୍କରେ ତାଙ୍କ ନାଁରେ ଖାତା ବି ଅଛି । ଏହି ବ୍ୟାଙ୍କ ଖାତା ଗୁଡିକ ଭିନ୍ନ ଭିନ୍ନ ନାଁରେ ସଞ୍ଚାଳିତ ହୋଇଥାଏ ।

kim jong

ଥରେ କିମଙ୍କ ଡକରା ରକ୍ଷା କରି ଉତ୍ତର କୋରିଆ ଗସ୍ତରେ ଯାଇଥିବା ପସିଦ୍ଧ ବାସ୍କେଟବଲ ଖେଳାଳି ଡେନିସ ରାଡ଼ମନଙ୍କ ଅନୁଯାୟୀ, କିମ ସ୍ୱଭାବରେ ଖୁବ ଖର୍ଚି । ବିଳାଶବ୍ୟସନରେ ଜୀବନ ଅତିବାହିତ କରିବାକୁ ଭଲପାନ୍ତି କିମ । ଏମିତିକି ନିଜ ପରିବାର ପିଛା ପ୍ରତିବର୍ଷ ୬୦୦ ମିଲିୟନ ଡ଼ଲାରରୁ ବା ଭାରତୀୟ ମୁଦ୍ରା ଅନୁଯାୟୀ ୪୦୫ କୋଟି ଟଙ୍କା ଖର୍ଚ୍ଚ କରନ୍ତି । ଜାଣି ଆଶ୍ଚର୍ଯ୍ୟ ହେବେ କେବଳ ନିଜ ମଦ ପିଛା ବାର୍ଷିକ ୨୦ କୋଟି ପର୍ଯ୍ୟନ୍ତ ଖର୍ଚ୍ଚ କରନ୍ତି କିମ । କୌଣସି ଉପାୟରେ ଉତ୍ତର କୋରିଆ ଛାଡି ଅନ୍ୟ ଦେଶ ମାନଙ୍କରେ ଶରଣ ନେଇଥିବା ଲୋକଙ୍କ ଅନୁଯାୟୀ, କିମ ବିଳାସମୟ ଜୀବନ ବଞ୍ଚିବାକୁ ଭଲପାନ୍ତି । ଏମିତିକି ବ୍ୟକ୍ତି ଗତ ଭାବେ ନିଜ ପାଇଁ ସୁପର ଜାଟ, ଦ୍ବୀପ, ରିସୋର୍ଟ ନିର୍ମାଣ କରିଛନ୍ତି ।

ଯେଉଁଠି ବର୍ଷର ଅଧିକାଂଶ ସମୟରେ ପାର୍ଟି କରିଥାନ୍ତି ଉତ୍ତର କୋରିଆର ଏହି କୃର ଶାସକ । ବାଇନ ଓ ଚିଜ ଖାଇବା ତାଙ୍କର ଖୁବ ପସନ୍ଦ । ବ୍ରିଟେନର ଏକ ଖବର ସଂସ୍ଥା ଅନୁଯାୟୀ, କିମଙ୍କ ପାଖରେ ଅନେକ ପ୍ରକାର ମାର୍ସିଡିଜ କାର ଅଛି । ଏମିତିକି ତାଙ୍କ ଗ୍ୟାରେଜରେ ଅନେକ ଲାବ୍ରୋଗିନି ଗାଡ଼ି ବି ମହଜୂତ ଅଛି | ନିଜ ବିଶ୍ଵସ୍ଥ କର୍ମଚାରୀଙ୍କୁ ଦାମୀ ଦାମୀ ଉପହାର ଦେବାକୁ ପଛାନ୍ତି ନାହିଁ କିମ । କହିରଖିବା ଉଚିତ ହେବକି, କିମ ଦୁଇ ବର୍ଷ ତଳେ ପୁଣି ଥରେ ଦେଶର ପ୍ରମୁଖ ନେତା ଭାବେ ନିର୍ବାଚିତ ହୋଇଥିଲେ । ସାଧାରଣ ନିର୍ବାଚନରେ ତାଙ୍କ ପକ୍ଷରେ ୯୯.୦୮ ପ୍ରତିଶତ ଭୋଟ ବି ଆସିଥିଲା । ପ୍ରତି ନିର୍ବାଚନରେ କିମ ନିଜ ଲୋକପ୍ରିୟତା ଜବରଦସ୍ତ ଜାହିର କରିବାକୁ ଚାହାନ୍ତି ।

Leave A Reply

Your email address will not be published.