Odisha News

ରିଟାୟାରମେଣ୍ଟ ପରେ ପିଏଫ ଖାତାଧାରୀ ଉଠାଇ ପାରିବେ ଆଡ଼ଭାନ୍ସ ପେନସନ, ପୁଣି ଆରମ୍ଭ ହେବ ପେନସନ କମ୍ୟୁଟେସନ ସୁବିଧା

ଗତ ବର୍ଷ ଅଗଷ୍ଟ ମାସରେ ଇପିଏଫଓ ତରଫରୁ ଇପିଏସ ବା ଏମ୍ପ୍ଲୋଇଜ ପେନସନ ସ୍କିମ ୧୯୯୫ରେ ପରିବର୍ତ୍ତନ ନେଇ ମଞ୍ଜୁରୀ ମିଳିଥିଲା । ଏଥିରେ ପିଏଫ ଖାତା ଧାରକଙ୍କ ପେନସନ ନେଇ କିଛିଟା ନୂଆ ବ୍ୟବସ୍ଥା ଉପଲବ୍ଧ ହେବ । କହିରଖିବା ଉଚିତ ହେବକି ୨୦୦୮ ମସିହା ସେପ୍ଟେମ୍ବର ମାସ ୨୬ ତାରିଖ ପୂର୍ବରୁ ଏକ ପ୍ରକାରର କମ୍ୟୁଟେସନ ସୁବିଧା ଉପଲବ୍ଧ ହେଉଥିବା ବେଳେ ପରେ ତାହାକୁ ହଟାଇ ଦିଆଯାଇଥିଲା । ୧୯୯୫ ମସିହା କର୍ମଚାରୀ ପେନସନ ସ୍କିମ ଅନୁଯାୟୀ ଏମ୍ପ୍ଲୋୟର ମାନଙ୍କ ଇପିଏଫଓରେ କରାଯାଇଥିବା ଯୋଗଦାନର ଗୋଟିଏ ଭାଗ ଇପିଏସରେ ପେନ୍ସନ ହିସାବରେ ମିଳିବ । ନିୟମ ଅନୁଯାୟୀ କୌଣସି ଚାକୀରିଆଙ୍କୁ ନିଜ ବାର୍ଷିକ ସାଲେରୀ ଓ ଡ଼ିଏ ଅଥବା ଡ଼ିଏ ଯଦି ନଥିବ ବାର୍ଷିକ ସାଲେରିର ୧୨ ପ୍ରତିଶତ ଇପିଏଫରେ ଯୋଗଦାନ କରିବାକୁ ପଡିଥାଏ ।

EPFO

 

ସେହି ରାଶି ଖାତାଧାରୀଙ୍କ ଇପିଏଫ ଆକାଉଣ୍ଟରେ ଯୋଗ ହୋଇଥାଏ । କିନ୍ତୁ ଦିଆଯାଇଥିବା ଯୋଗଦାନର ଗୋଟିଏ ଭାଗ ଇପିଏସକୁ ଯାଇଥାଏ । କିନ୍ତୁ ଖାତାଧାରୀଙ୍କ ମାସିକ ବେତନ ଅତି କମରେ ୧୫୦୦୦ ଟଙ୍କା ହେବା ଆବଶ୍ୟକ । ଆଉ ଏକ ନିୟମ ଅନୁଯାୟୀ ଯଦି ଜଣେ ୧୦ ବର୍ଷ ଯାଏଁ ଇପିଏସରେ ଯୋଗ ଦେଇଥିବେ ତାଙ୍କୁ ୫୮ ବର୍ଷ ହେବା ପରେ ନିୟମିତ ଭାବେ ପେନସନ ମିଳିବ । ପିଏଫ ଖାତା ଧାରକ ମାନେ ନିଜ ଅବସର ପରେ ଯେଉଁ ପେନସନ ରାଶି ପାଇଥାନ୍ତି । ଯଦି ତାହା ଭିତରୁ ଗୋଟିଏ ଭାଗ ଆଡଭାନ୍ସ ଭାବେ ଉଠାଇବାକୁ ପେନ୍ସନର କମ୍ୟୁଟେସନ ବୋଲି କୁହାଯାଏ । କିନ୍ତୁ ୨୦୦୮ ମସିହା ପୂର୍ବରୁ ନିୟମ ଥିଲା କି ପିଏଫ ଖାତା ଧାରକ ମାନେ ନିଜ ୧୦୦ ମାସ ପେନସନ ରାଶିର ଗୋଟେ ତୃତୀୟାଂଶ ଆଡ଼ଭାନ୍ସ ରେ ଉଠାଇପାରିବେ ।

EPFO

ଟଙ୍କା ଉଠାଇବା ପରେ ୧୫ ବର୍ଷ ପର୍ଯ୍ୟନ୍ତ ପ୍ରତି ମାସ ଦୁଇ ତୃତୀୟାଂଶ ରାଶି ପ୍ରତି ମାସ ପେନସନ ହିସାବରେ ମିଳିପାରିବ । କିନ୍ତୁ ୨୦୦୯ ମସିହାରେ ଏହି ନିୟମକୁ ଉଠାଇ ନିଆ ଯାଇଥିଲା । ଏବେ କିନ୍ତୁ ଇପିଏଫଓ ପୁଣି ଥରେ କମ୍ୟୁଟେସନ ବ୍ୟବସ୍ଥାରେ କିଛିଟା ପରିବର୍ତ୍ତନ ଆଣିବାକୁ ଚିନ୍ତା କରିଛନ୍ତି । ନୂଆ ନିୟମ ଅନୁଯାୟୀ ଏବେ ଖାତା ଧାରକ ମାନେ ୧୫ ବର୍ଷର ମାସିକ ପେନସନ ରାଶିର ଏକ ତୃତୀୟାଂଶ ଏକା ସାଙ୍ଗରେ ଉଠାଇ ପାରିବେ । ୧୫ ବର୍ଷ ପରେ ହିଁ ତାଙ୍କୁ ପୂରା ଟଙ୍କା ମିଳି ପାରିବ । ନୂଆ ନିୟମ ଅନୁଯାୟୀ ଖାତା ଧାରକଙ୍କୁ ୮୦ ହଜାର ଟଙ୍କାର ଲାଭ ମିଳିପାରିବ । ଆହୁରି ମଧ୍ୟ କମ୍ୟୁଟେଡ ପେନସନ ରାଶିର ଟ୍ୟାକ୍ସ ଉପରେ ବି କିଛିଟା ଛାଡ ମିଳିପାରିବ ।

 

 

 

Loading...

Leave A Reply

Your email address will not be published.