ଆପଣ ଅମିତାଭ ବଚ୍ଚନଙ୍କ ଅଭିନୀତ ଚଳଚ୍ଚିତ୍ର “ପା” ଦେଖିଥିବେ ନିଶ୍ଚୟ ଯେଉଁଥିରେ ତାଙ୍କର ବୟସ ଥିଲା କମ କିନ୍ତୁ ଲାଗୁଥିଲେ ଜଣେ ବୁଢାଙ୍କ ଭଳି । ତେବେ ଠିକ ଏହିପରି ଏକ ଘଟଣା ପ୍ରକୃତରେ ଦେଖିବାକୁ ମିଳିଛି ଚୀନରେ । ଏଠାରେ ସ୍କୁଲରେ ପାଠ ପଢ଼ୁଥିବା ଜଣେ ବାଳିକା ଯାହାର ବୟସ ୧୫ ବର୍ଷ କିନ୍ତୁ ଦେଖାଯାଇଥାନ୍ତି ଜଣେ ୬୦ ବର୍ଷର ମହିଳା ପରି । ଏହି କାରଣରୁ ସ୍କୁଲରୁ ନେଇ ଅନେକ ସ୍ଥାନ ପର୍ଯ୍ୟନ୍ତ ତାଙ୍କୁ ଲୋକମାନଙ୍କର କମେଣ୍ଟ ଶୁଣିବାକୁ ମିଳିଥାଏ । ଯେଉଁଥିପାଇଁ ବାଧ୍ୟହୋଇ ସେ ନିକଟରେ ତାଙ୍କର ପ୍ଲାଷ୍ଟିକ ସର୍ଜରୀ କରାଇଛନ୍ତି ।
ଏହି ଝିଅଟିର ନାମ ହେଉଛି ଜୀୟାଓଫେଙ୍ଗ ଓ ସେ ପ୍ରୋଯେରିଆ ନାମକ ଏକ ରୋଗରେ ପୀଡିତ । ଏହା ଏକ ପ୍ରୋଗ୍ରେସିଭ ଜେନେଟିକ ଡିସଅର୍ଡର ଅଟେ ଯେଉଁଥିରେ ପିଲାମାନଙ୍କ ବୟସ ଅତିଶୀଘ୍ର ବଢ଼ିବାରେ ଲାଗିଥାଏ ଏବଂ ସେମାନେ ଅତି କମ ବୟସରୁ ବୟସ୍କ ଦେଖାଯାଇଥାନ୍ତି । ସୂଚନା ଅନୁଯାୟୀ ପ୍ରୋଯେରିଆରେ ପୀଡିତ ପିଲାମାନଙ୍କର ଅତି ବେଶୀରେ ୧୨ ବର୍ଷ ଆୟୁଷ ହୋଇଥାଏ କିନ୍ତୁ କିଛି କିଛି ପିଲା ୨୦ ବର୍ଷ ପର୍ଯ୍ୟନ୍ତ ବଞ୍ଚି ରହିପାରନ୍ତି ।
ଜୀୟାଓଫେଙ୍ଗ ବାପାଙ୍କ କହିବା ଅନୁଯାୟୀ ଯେବେ ସେ ମାତ୍ର ୧ ବର୍ଷର ଥିଲେ ସେତେବେଳେ ତାଙ୍କ ଠାରେ ପ୍ରୋଯେରିଆର ପ୍ରଭାବ ଦେଖିବାକୁ ମିଳିଥିଲା ଏବଂ ଅଚାନକ ତାଙ୍କର ବୟସ ଧୀରେ ଧୀରେ ବଢିବାକୁ ଲାଗିଲା ଓ ଚେହେରାର ଚର୍ମ ଲୋଚାକୋଚା ହୋଇଯାଇଥିଲା । ଏହି କାରଣରୁ ତାଙ୍କୁ ସ୍କୁଲରେ ମଧ୍ୟ ଅନେକ ସମସ୍ୟାର ସମ୍ମୁଖୀନ ହେବାକୁ ପଡିଲା ବାକି ପିଲା ତାଙ୍କୁ ଚିଡଉଥିଲେ । ଶେଷରେ ବାଧ୍ୟହୋଇ ତାଙ୍କୁ ସ୍କୁଲ ଛାଡିବାକୁ ପଡିଲା । ତେବେ ଏହି ଖବର ଧୀରେ ଧୀରେ ଆଖପାଖ ଅଞ୍ଚଳରେ ବ୍ୟାପିଗଲା । ଯାହାପରେ ଅନେକ ସଂସ୍ଥା ଜୀୟାଓଫେଙ୍ଗଙ୍କୁ ସାହାଯ୍ୟର ହାତ ବଢ଼ାଇଥିଲେ ଆଉ ତାପରେ ତାଙ୍କର ସର୍ଜରୀ କରାଯାଇଥିଲା ।
ଜୀୟାଓଫେଙ୍ଗଙ୍କୁ ସର୍ଜରୀ କରିଥିବା ଡାକ୍ତରଙ୍କ କହିବା ଅନୁଯାୟୀ ତାଙ୍କ ମୁଂହରୁ ପାଖାପାଖି ୭ ସେଣ୍ଟିମିଟର ପର୍ଯ୍ୟନ୍ତ ଚମଡା କଟାଯାଇଥିଲା । ତାସହିତ ନାକ ଓ ମୁଂହ ନିକଟରେ ଯେଉଁ ଚର୍ମଥିଲା ତାକୁ ମଧ୍ୟ କାଢ଼ିବାକୁ ପଡିଲା । ବର୍ତ୍ତମାନ ଜୀୟାଓଫେଙ୍ଗ ସ୍କୁଲ ଯିବାପାଇଁ ପ୍ରସ୍ତୁତ । ସେ କୁହନ୍ତି ଏବେ ଲୋକେ ତାଙ୍କୁ ସୁନ୍ଦର କୁହନ୍ତୁ କି ନକୁହନ୍ତୁ କିନ୍ତୁ ସେ ଏଥିପାଇଁ ଖୁସି ଯେ ତାଙ୍କୁ ବର୍ତ୍ତମାନ ସମସ୍ତେ ବାକି ପିଲାମାନଙ୍କ ପରି ଦେଖିବେ ।
ଇଟାଲୀର ଦକ୍ଷିଣ ସମୁଦ୍ର ଉପକୂଳରେ ଦୁଇଟି ବୋଟ୍ ବୁଡ଼ିଯାଇଛି । ଏଥିରେ ୧୧ ଜଣଙ୍କ ମୃତ୍ୟୁ ଘଟିଥିବା ବେଳେ ୬୦ରୁ…
ଭୁବନେଶ୍ୱର (କେନ୍ୟୁଜ): ବିଧାନସଭାରେ ହିଞ୍ଜିଳି ବିଧାୟକ ଭାବେ ଶପଥ ନେଇଛନ୍ତି ବିଜେଡି ସଭାପତି ନବୀନ ପଟ୍ଟନାୟକ । କାମଚଳା ବାଚସ୍ପତି…
ଭୁବନେଶ୍ୱର (କେନ୍ୟୁଜ): ବିଧାନସଭାରେ ନବ ନିର୍ବାଚିତ ବିଧାୟକମାନେ ଶପଥ ନେଉଛନ୍ତି । ପ୍ରଥମେ ବିଧାୟକ ଭାବେ ଶପଥ ନେଇଛନ୍ତି ମୁଖ୍ୟମନ୍ତ୍ରୀ…
ସମ୍ବଲପୁର (କେନ୍ୟୁଜ): ସମ୍ବଲପୁର ଗୋପାଲମାଲ ଅଞ୍ଚଳରେ ମା ଝିଅଙ୍କୁ ଆକ୍ରମଣ ଘଟଣା । ଆଖି ବୁଜିଲେ ଝିଅ, ମୃତ୍ୟୁ ସହ…
ଭୀଷଣ ଗରମ ସାଙ୍ଗକୁ ପାଣି ପାଇଁ ଦିଲ୍ଲୀବାସୀ ଝଟପଟ । ଦିଲ୍ଲୀର ଅନେକ ସ୍ଥାନରେ ଜଳାଭାବ ଦେଖାଦେଇଛି । ପାଣି…
ଚଣ୍ଡୀଗଡ-ମନାଲୀ ରାଜମାର୍ଗରେ ମର୍ମନ୍ତୁଦ ସଡ଼କ ଦୁର୍ଘଟଣା । ହିମାଚଳ ଏବଂ ପଞ୍ଜାବ ସୀମାର କିରତପୁର ପାଖରେ ନିର୍ମାଣ ହୋଇଥିବା ଟୋଲ…