ବରର ବେକରେ ୫୦୦ ଟଙ୍କିଆ ନୋଟର ବିଶାଳକାୟ ମାଳ, ଭିଡିଓ ଦେଖିଲେ ହୋଇଯିବେ ଆଶ୍ଚର୍ଯ୍ୟ

ଆଜିକାଲି ସୋସିଆଲ ମିଡିଆରେ ଅନେକ ଆଶ୍ଚର୍ଯ୍ୟଜନକ ଭିଡିଓ ଭାଇରାଲ ହେଉଛି । ଏହିପରି ଭିଡିଓ ଦେଖିବା ପରେ ଏହାକୁ ବିଶ୍ୱାସ କରିବା କଷ୍ଟକର । ଏହିଭଳି ଏକ ଭିଡିଓ ଏବେ ଖୁବ ଭାଇରାଲ୍ ହେବାରେ ଲାଗିଛି, ଯାହା ଦେଖିବା ପରେ ଲୋକମାନେ ନିଜ ଆଖିକୁ ବିଶ୍ୱାସ କରିବାକୁ ଅସମର୍ଥ । ସାଧାରଣତଃ ବାହାଘରରେ ବର ଫୁଲର ମାଳ ପିନ୍ଧିଥାନ୍ତି । କିନ୍ତୁ କଣ ଆପଣ କେବେ ଦେଖିଛନ୍ତି, କେହି ବର ଟଙ୍କାର ନୋଟ ପିନ୍ଧିବାର?

ତେବେ ନିକଟରେ ଜଣେ ବ୍ୟକ୍ତି ବିବାହ ପାଇଁ ୫୦୦ ଟଙ୍କିଆ ନୋଟର ଏକ ମାଳ ପିନ୍ଧିଛନ୍ତି । ଏହା ଶୁଣି ଆପଣଙ୍କୁ ଖୁବ ଆଶ୍ଚର୍ଯ୍ୟ ଲାଗୁଥିବ କିନ୍ତୁ ଏହା ସତ । ବାସ୍ତବରେ, ଏହି ଭିଡିଓରେ ଜଣେ ବ୍ୟକ୍ତି ଏତେ ବଡ଼ ନୋଟରେ ତିଆରି ମାଳ ପିନ୍ଧିଥିଲେ ଯେ ଯାହା ଦେଖି ଦର୍ଶକ ମାନେ ଆଶ୍ଚର୍ଯ୍ୟ ହୋଇଯାଇଛନ୍ତି ।

ଆଶ୍ଚର୍ଯ୍ୟଜନକ କଥା ହେଲା ଏଗୁଡ଼ିକ ୧୦ କିମ୍ବା ୫୦ ଟଙ୍କା ନୋଟ୍ ନୁହେଁ, ୫୦୦ ଟଙ୍କିଆ ନୋଟ୍ ଥିଲା । ଏହି ଦୃଶ୍ୟ ଦେଖି ଲୋକମାନେ ମଧ୍ୟ ବହୁତ ଆଶ୍ଚର୍ଯ୍ୟ ହୋଇଯାଇଛନ୍ତି । କିନ୍ତୁ ଏହି ବ୍ୟକ୍ତିଙ୍କ ଘର ଦେଖି ଏହାର ଅବସ୍ଥା ଅତ୍ୟନ୍ତ ଖରାପ ମନେ ହେଉଛି । ଏହି ଆଶ୍ଚର୍ଯ୍ୟଜନକ ଭିଡିଓ ଇନଷ୍ଟାଗ୍ରାମରେ @dilshadkhan_kureshipur ନାମକ ଜଣେ ୟୁଜର ସେୟାର କରିଛନ୍ତି । ଏପର୍ଯ୍ୟନ୍ତ ଏକ ଲକ୍ଷରୁ ଅଧିକ ଲୋକ ଏହି ରିଲ୍ ଦେଖି ସାରିଛନ୍ତି ।

ଭାଇରାଲ ହେଉଥିବା ଏହି ଭିଡିଓରେ ଏହା ଦେଖିବାକୁ ମିଳେ ଯେ କିଛି ଲୋକ ତଳେ ଠିଆ ହୋଇଛନ୍ତି ଏବଂ କିଛି ଲୋକ ଛାତ ଉପରେ ଅଛନ୍ତି । ଏଥି ସହିତ, ବ୍ୟକ୍ତି ଜଣଙ୍କ ମଧ୍ୟ ଛାତ ଉପରେ ଠିଆ ହୋଇଛନ୍ତି ବେକରେ ଏତେ ଲମ୍ବା ନୋଟ୍ ଅଛି ଯେ ଏହା ଭୂମିକୁ ସ୍ପର୍ଶ କରୁଛି । ଏହି ସମସ୍ତ ନୋଟ୍ ୫୦୦ ଟଙ୍କା ।

ଭିଡିଓ ଦେଖିବା ପରେ ଲୋକମାନେ ବହୁତ ଆଶ୍ଚର୍ଯ୍ୟ ହୋଇ ପୋଷ୍ଟକୁ ନେଇ ତୀବ୍ର ପ୍ରତିକ୍ରିୟା ପ୍ରକାଶ କରୁଛନ୍ତି । ଏହି ଭିଡିଓରେ ଜଣେ ୟୁଜର କମେଣ୍ଟ କରିଛନ୍ତି, ଏତିକି ଟଙ୍କାରେ ନିଜ ଘର ମରାମତି କର । ଅନ୍ୟ ଜଣେ ୟୁଜର ଲେଖିଛନ୍ତି, ଭାଇ, ଏତେ ଟଙ୍କା କୋଉଠୁ ଆଣିଲ । ଏହାର ଭିଡିଓ ଇଣ୍ଟରନେଟରେ ଏବେ ଖୁବ ଭାଇରାଲ ହେବାରେ ଲାଗିଛି ।