ସ୍ପେଶାଲ

ଠିକ୍ ତଥ୍ୟ ଦିଅନ୍ତୁ ମୋ ଝିଅ କେମିତି ମଲା? ନ୍ୟାୟ ନମିଳିବା ଯାଏ ମୁଁ ଧାରଣାରେ ବସିଲି

ଗଜପତି(କେନ୍ୟୁଜ୍): ସଠିକ୍ ତଥ୍ୟ ଦିଅନ୍ତୁ, ମୋ ଝିଅକୁ ନ୍ୟାୟ ଦିଅନ୍ତୁ ଆଜ୍ଞା, ନ୍ୟାୟ ମିଳିଲେ ଯାଇ ମୋ ଝିଅର ଆତ୍ମାକୁ ଶାନ୍ତି ମିଳିବ । ନହେଲେ ମୁଁ କାହାରିକୁ ଛାଡିବିନି । ଏ ହେଉଛି ଗୋଟେ ମାଆର ଗୁହାରୀ । ଯିଏ ନିଜ ବଢିଲା ଝିଅକୁ ହରାଇଛି । ସେ ଜାଣିବାକୁ ଚାହୁଁଛି କେମିତି ଆଉ କେଉଁ ପରିସ୍ଥିତି ମଲା ତା ଝିଅ । କାହିଁକି ଶେଷଥର ପାଇଁ ତା ଝିଅକୁ ଦେଖାଇ ଦିଆଗଲାନିତା ମାକୁ। ୧୦ମାସ ୧୦ ଦିନ ଗର୍ଭ ଯନ୍ତ୍ରଣା ସହି କେତେ ଅଲିଅଳିରେ ବଢାଇଥିଲା ତା ଝିଅକୁ, ହେଲେ ସବୁଦିନ ପାଇଁ ଆଖିବୁଜି ଆରପାରିକୁ ଚାଲିଯାଇଛି ତା ଘରମଣି ।

ଏ ହେଉଛି ଗଜପତି ଜିଲ୍ଲା ସଦରମହକୁମା ପାରଳାଖେମୁଣ୍ଡି ନିକଟରେ ଥିବା ବେତାଗୁଡା ଜବାହାର ନବୋଦୟ ବିଦ୍ୟାଳୟ ପରିସରର ଦୃଶ୍ୟ । ଆଜି ନିଜ ଝିଅକୁ ନ୍ୟାୟ ଦେବା ପାଇଁ ଜଣେ ମାଆ ଏକାକୀ ଲଢିବାକୁ ପାଦ ବାହାର କିରିଛି ପଦାକୁ । ଗୋଟେ ମା ପାଇଁ ତା ସନ୍ତାନର ମୂଲ୍ୟ ଯେ କେତେ, ତାହା ଆଜିର ଏ ଘଟଣା ସ୍ପଷ୍ଟ କରିଛି । ସମଗ୍ର ଓଡିଶାରେ ଚର୍ଚ୍ଚାରେ ଥିବା ନବଦୋୟ ଛାତ୍ରୀ ସୌଦାମୀନି ରଇତ ମୃତ୍ୟୁ ମାମଲା କିଛି ଦିନ ହେବ ଥମିଥିଲା । କିନ୍ତୁ ହଠାତ୍ ଗତକାଲି ମୃତ ଛାତ୍ରୀ ସୌଦାମୀନିଙ୍କ ମାଆ ପାରଳାଖେମୁଣ୍ଡି ନବଦୋୟ ବିଦ୍ୟାଳୟରେ ପହଞ୍ଚି ନିଜ ଉଗ୍ରରୂପ ଦେଖାଇଥିଲେ। ପ୍ରଥମେ ବିଦ୍ୟାଳୟର କାର୍ଯ୍ୟାଳୟରେ ତାଲା ପକାଇବା ପରେ ମୁଖ୍ୟଫାଟକରେ ବ୍ୟାନର ବାନ୍ଧି ଧାରଣାରେ ବସିଥିଲେ।

ତେବେ କେବଳ ଅଫିସ ରୁମରେ ତାଲା ପକାଇନଥିଲେ, କମ୍ପୁଟର ରୁମ ଓ ପରେ ବିଦ୍ୟାଳୟର ମୁଖ୍ୟ ଫାଟକରେ ତାଲା ପକାଇଥିଲେ। ଏପରିକି କ୍ଲାସ କ୍ଲାସ ବୁଲି ପିଲାଙ୍କୁ ତାଙ୍କ ଝିଅକୁ କିଏ ମାରିଛି ସତ କହିବାକୁ ନିବେଦନ କହିଥିଲେ । ଛାତ୍ରଛୀତ୍ରୀଙ୍କୁ ବାଧା ଦେବାକୁ ମନାକରିବାରୁ ମହିଳା ପୋଲିସଙ୍କ ସହ ହାତାହାତି, ଗାଳିଗୁଲଜ ମଧ୍ୟ ହୋଇଥିଲା । ଶେଷରେ ବିଦ୍ୟାଳୟ କର୍ତ୍ତୁପକ୍ଷ ବାଧ୍ୟ ହୋଇ କୌଣସି ଚାରାନପାଇ ସ୍କୁଲ ଛୁଟି କରିଥିଲେ । ସବୁ ଛାତ୍ରଛାତ୍ରୀ ଓ କର୍ମଚାରୀ ବିଦ୍ୟାଳୟ ଫାଟକ ବାହାରକୁ ଯିବା ପରେ ମୃତ ସୌଦାମିନିଙ୍କ ମାଆ ସ୍କୁଲ ମୁଖ୍ୟ ଫାଟକରେ ତାଲା ପକାଇବା ସହ ଧାରଣାରେ ବସି ରହିଥିଲେ ।

ସୂଚନା ଥାଉକି, ଗତ ଫେବୃଆରୀ ୧୯ରେ ସୌଦାମୀନି ରଇତ ନାମକ ୯ମ ଶ୍ରେଣୀ ଛାତ୍ରୀଙ୍କ ସନ୍ଦେହଜନକ ଭାବେ ମୃତ୍ୟୁ ଘଟିଥିଲା । ତାପର ଦିନ ପରିବାର ବର୍ଗ ପାରଳାଖେମୁଣ୍ଡି ଥାନାରେ ଏକ ହତ୍ୟା ମାମଲା ରୁଜୁ କରିଥିଲେ । ପରେ ପାରଲାଖେମୁଣ୍ଡି ପୋଲିସ ତଦନ୍ତ ଆରମ୍ଭ କରିଥିଲା । କିନ୍ତୁ ପାରଳାଖେମୁଣ୍ଡି ପୋଲିସର ତଦନ୍ତରେ ଅସନ୍ତୋଷ ବ୍ୟକ୍ତକରି ବାରମ୍ବାର ରାଲି ସହ ସିପିଆଇ(ଏମ) ଦଳର ସାହାର୍ଯ୍ୟରେ ୪୬ଦିନ ଧରି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସି ରହିଥିଲେ ମୃତ ଛାତ୍ରୀ ସୌଦାମୀନି ରଇତଙ୍କ ମାଆ । ଦାବି କରିଥିଲେ କ୍ରାଇମବ୍ରାଞ୍ଚ ତଦନ୍ତ ପାଇଁ ।

ଜୁନ ଠାରୁ କ୍ରାଇମବ୍ରାଞ୍ଚ ତଦନ୍ତ ଆରମ୍ଭ କରିଥିଲା । ହେଲେ ତଦନ୍ତର ରିପୋର୍ଟ ଏଯାଏ ତାଙ୍କୁ ସ୍ପଷ୍ଟ କରାଯାଇନାହିଁ । ଗୋଟେ ମା ଏକାକୀ ଲଢି ଚାଲିଛି ତା ଝିଅକୁ ନ୍ୟାୟ ଦେବାପାଇଁ । ତେବେ ଆପଣ ହିଁ କୁହନ୍ତି ଏ ମାଆକୁ କଣ ନ୍ୟାୟ ମିଳିବା ଉଚିତ୍ ନୁହେଁ? ଏ ମାଆକୁ କଣ ତା ଝିଅର ମୃତ୍ୟୁର ଉଚିତ୍ ସ୍ପଷ୍ଟିକରଣ ମିଳିବା ଉଚିତ୍ ନୁହେଁ? , ଏ ମାଆ ଆଣିଥିବା ଦୁଷ୍କର୍ମ ପରେ ତା ଝିଅକୁ ହତ୍ୟା କରାଯାଇଥିବା ଅଭିଯୋଗକୁ ଥରେ ଗୁରୁତର ସହ ନେଇ ତଦନ୍ତ କରିବା କଣ ଉଚିତ୍ ନୁହେଁ? ତେବେ ଦେଖାଯାଉ କେବେ ମିଳୁଛି ଏଇ ମାଆକୁ ନ୍ୟାୟ।

 

Sonalisa

Recent Posts

ବିଦ୍ୟୁତ ତାର ସଂସ୍ପର୍ଶରେ ଆସି ଚାଲିଗଲା ଦିନ ମଜୁରିଆଙ୍କ ଜୀବନ, ଗାଁ ଲୋକଙ୍କ କ୍ଷତି ପୂରଣ ଦାବି

ଆଳି(କେନ୍ୟୁଜ): ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ଦିନ ମଜୁରିଆଙ୍କ ମୃତ୍ୟୁ ଘଟିଛି । କ୍ଷତି ପୂରଣ ଦାବିରେ କଟକ-ଚାନ୍ଦବାଲି…

18 mins ago

ବିପଦରେ ଗଜରାଜ, ପାଣି ପିଇବାକୁ ଆସି ନାଳରେ ଫସିଗଲେ ୩ ହାତୀ

ନରସିଂହପୁର : କଟକ ଜିଲ୍ଲା ବଡ଼ମ୍ବା ,ନରସିଂହପୁରରେ ବିଭିନ୍ନ ସମୟ ରେ ବିପଦରେ ଗଜରାଜ ଦେଖିବାକୁ ମିଳିଛି । କେତେବେଳେ…

19 mins ago

ଜମ୍ମୁ ଅଞ୍ଚଳରୁ ଆତଙ୍କବାଦ ମୂଳପୋଛ ନେଇ ବିଗ୍‌ ପ୍ଲାନ…ଆଜି ଅମିତ୍‌ ଶାହ କରୁଛନ୍ତି ଉଚ୍ଚ ସ୍ତରୀୟ ବୈଠକ

ଜମ୍ମୁ ଅଞ୍ଚଳରେ ନିକଟରେ ହୋଇଥିବା ଆତଙ୍କବାଦ ଘଟଣା ଏବଂ ଅମରନାଥ ଯାତ୍ରାର ସୁରକ୍ଷାକୁ ନେଇ ଆଜି ଗୃହ ମନ୍ତ୍ରଣାଳୟରେ ବସୁଛି…

40 mins ago

ଆଜି ୟୁପିଏସସି ସିଭିଲ ସର୍ଭିସ ପ୍ରିଲିମ ପରୀକ୍ଷ, କପି ରୋକିବା ପାଇଁ କଡ଼ାକଡ଼ି ଯାଞ୍ଚ ବ୍ୟବସ୍ଥା

ଆଜି ୟୁପିଏସସି ସିଭିଲ ସର୍ଭିସ ପ୍ରିଲିମ ପରୀକ୍ଷା । ଦୁଇଟି ସିଟଂରେ ପରୀକ୍ଷା ହେବ। ପ୍ରଥମ ସିଟିଂ ପରୀକ୍ଷା ଆରମ୍ଭ…

41 mins ago

ଶ୍ରୀମନ୍ଦିରରେ ଅଣନିଶ୍ୱାସୀ, ଅସମ୍ଭାଳ ଭିଡ଼ ଭିତରେ କିଛି ଶ୍ରଦ୍ଧାଳୁଙ୍କୁ ମେଡିକାଲରେ ଭର୍ତ୍ତି

ପୁରୀ(କେନ୍ୟୁଜ): ଶ୍ରୀମନ୍ଦିରରେ ଅଣନିଶ୍ୱାସୀ । ପାଟଅଗଣାରେ ଶ୍ରଦ୍ଧାଳୁଙ୍କ ଅସମ୍ଭାଳ ଭିଡ଼ । ତେବେ ଭିଡ଼ ଭିତରେ କିଛି ଶ୍ରଦ୍ଧାଳୁଙ୍କୁ ମେଡିକାଲରେ…

50 mins ago

ସମ୍ପର୍କୀୟ ଶଳାର ଜୀବନ ନେଲା ଭିଣୋଇ

ମୋହନା(କେନ୍ୟୁଜ): ସମ୍ପର୍କୀୟ ଶଳାକୁ ଗୁଳି କରି ହତ୍ୟା କଲା ଭିଣୋଇ । ଏଭଳି ଅଭାବନୀୟ ଘଟଣା ଘଟିଛି ଗଜପତି ଜିଲ୍ଲା ମୋହନା…

1 hour ago