୫୦ ପ୍ରକାର କ୍ୟାନ୍‌ସର ରୋଗ ସମ୍ପର୍କରେ ପ୍ରାଥମିକ ଅବସ୍ଥାରୁ ଜଣାଇବ ଏହି ପରୀକ୍ଷା

କ୍ୟାନ୍‌ସର (କର୍କଟ) ରୋଗ ଏକ ଭୟଙ୍କର ରୋଗ ଭାବେ ଏବେ ସମାଜକୁ କବଳିତ କରିଛି । ଏଥିରେ ଥରେ ଆକ୍ରାନ୍ତ ହେଲେ ଯଦି ଠିକ୍‌ ସମୟରେ ଜଣା ନପଡେ ତେବେ ମୃତ୍ୟୁ ପ୍ରାୟ ନିଶ୍ଚିତ ବୋଲି ଧରାଯାଏ । ବିଜ୍ଞାନ ଯେତେ ଅଗ୍ରଗତି କଲେ ବି କ୍ୟାନ୍‌ସର ଚିକିତ୍ସାରେ ଶତ ପ୍ରତିଶତ ସଫଳତା ପାଇନାହିଁ । ଯେଉଁଥି ପାଇଁ କ୍ୟାନ୍‌ସର ଭୟ ସମସ୍ତଙ୍କୁ କବଳିତ କରିଛି ।

ଏହାର ମୁଖ୍ୟ କାରଣ ହେଲା ଠିକ୍‌ ସମୟରେ କ୍ୟାନ୍‌ସର ରୋଗ ସମ୍ପର୍କରେ ଜଣାପଡେ ନାହିଁ । କିଛି ଦିନ ତଳେ ବୈଜ୍ଞାନିକମାନେ କ୍ୟାନ୍‌ସର ରୋଗକୁ ନେଇ ଏକ ସଫଳତା ପାଇଛନ୍ତି । ଯାହା ଫଳରେ ଆଗାମୀ ସମୟରେ ମାତ୍ର ଗୋଟିଏ ଟେଷ୍ଟ(ପରୀକ୍ଷା)ରୁ ପ୍ରାୟ ୫୦ ପ୍ରକାର କ୍ୟାନ୍‌ସର ଜଣାପଡ଼ିବ ବୋଲି ବୈଜ୍ଞାନିକମାନେ କହିଛନ୍ତି ।

ଗୋଟିଏ ଟେଷ୍ଟରୁ ଜଣାପଡ଼ିବ ୫୦ ପ୍ରକାର କ୍ୟାନ୍‌ସର

କିଛି ଦିନ ତଳେ ବୈଜ୍ଞାନିକମାନେ କ୍ୟାନ୍‌ସର ରୋଗକୁ ନେଇ ଏକ ସଫଳତା ପାଇଛନ୍ତି । ଯାହା ଫଳରେ ଆଗାମୀ ସମୟରେ ମାତ୍ର ଗୋଟିଏ ଟେଷ୍ଟ(ପରୀକ୍ଷା)ରୁ ପ୍ରାୟ ୫୦ ପ୍ରକାର କ୍ୟାନ୍‌ସର ଜଣାପଡ଼ିବ ବୋଲି ବୈଜ୍ଞାନିକମାନେ କହିଛନ୍ତି । ଗୋଟିଏ ମାତ୍ର ରକ୍ତ ପରୀକ୍ଷା ଶରୀରରେ କ୍ୟାନ୍‌ସର ଅଛି କି ନାହିଁ ପ୍ରାଥମିକ ସ୍ତରରୁ ଜଣାଇଦେବ । ଯାହାଫଳରେ ଚିକିତ୍ସା ସମ୍ଭବ ହୋଇପାରିବ ଓ ଜଣେ ରୋଗୀ ସହଜରେ କ୍ୟାନ୍‌ସର ରୋଗରୁ ରକ୍ଷା ହୋଇପାରିବ ।

ଡିଏନ୍‌ଏ ର ହେବ ଯାଞ୍ଚ

ବାୟୋଟେକ୍‌ନୋଲୋଜି କମ୍ପାନୀ ଗ୍ରୀଲ୍‌ ଇଙ୍କ୍‌ ଦ୍ୱାରା ବିକଶିତ କରାଯାଇଥିବା ବ୍ଲଡ୍‌ ଟେଷ୍ଟ ରୋଗୀ ଶରୀରରେ କି ପ୍ରକାର କ୍ୟାନ୍‌ସର ଓ ଏହା କେଉଁ ଷ୍ଟେଜ୍‌ରେ ଅଛି ଜଣାଇବ । ସିକ୍ୱେସିଙ୍ଗ୍‌ ଟେକ୍‌ନୋଲୋଜି ମାଧ୍ୟମରେ ଡିଏନ୍‌ଏ ର ଯାଞ୍ଚ କରାଯିବ । ଏହାଦ୍ୱାରା ଟ୍ୟୁମର ଡିଏନ୍‌ଏ ପୁରା ଶରୀରରେ ବ୍ଲଡ୍‌ ଦ୍ୱାରା ସର୍କୁଲେଟ୍‌ ହୋଇଯିବ । ଯାହାଦ୍ୱାରା ଜିନ୍‌ରେ କ୍ୟାନ୍‌ସର ସକ୍ରିୟ କିମ୍ବା ନିଷ୍କ୍ରିୟ ବୋଲି ଜଣାପଡ଼ିବ । ଟେଷ୍ଟ ଜରିଆରେ ଡିଏନ୍‌ଏରେ ହେଉଥିବା ରାସାୟନିକ ପରିବର୍ତ୍ତନ ଜରିଆରେ ଫଳାଫଳ ବାହାର କରାଯିବ ।

ପରୀକ୍ଷାରୁ ୯୩ % ରେଜଲ୍ଟ ଠିକ୍‌ ଥିବା ଜଣାଯାଇଛି

ଗବେଷକମାନେ ପ୍ରାୟ ୩୦୫୨ କ୍ୟାନ୍‌ସର ରୋଗୀଙ୍କ ବ୍ଲଡ୍‌ ସାମ୍ପୁଲ୍‌ ନେଇ ପରୀକ୍ଷା କରିଥିଲେ । ଯେଉଁଥିରୁ ୧୫୩୧ ଜଣ ରୋଗୀଙ୍କର କ୍ୟାନ୍‌ସର ଥିବା ଜଣାପଡ଼ିଥିଲା । ଏହି ଟେଷ୍ଟ ଜରିଆରେ ୧୮ % କ୍ୟାନ୍‌ସର ରୋଗୀଙ୍କ ପ୍ରାଥମିକ ଅବସ୍ଥାରେ ଜଣାପଡିଥିବା ବେଳେ ୯୩ % ଚତୁର୍ଥ ଷ୍ଟେଜ ରୋଗୀଙ୍କର ଜଣାପଡିଥିଲା । ଆଗାମୀ ଦିନରେ ଏହି ଟେଷ୍ଟ ବହୁତ ସହାୟକାରୀ ହେବ ବୋଲି ଗବେଷକମାନେ ପ୍ରକାଶ କରିଛନ୍ତି ।