ମହିନ୍ଦ୍ରା ଗ୍ରୁପର ଚେୟାରମ୍ୟାନ ଆନନ୍ଦ ମହିନ୍ଦ୍ରା ଏକ ଟ୍ଵିଟ୍ ଏବେ ଖୁବ ଭାଇରଲ ହେଉଛି। ଯେଉଁଥିରେ ଆନନ୍ଦ ମହିନ୍ଦ୍ରା ଲାଉଙ୍ଗୀ ଭୂୟାଁ ନାମକ ଜଣେ ଚାଷୀଙ୍କୁ ଏକ ଟ୍ରାକ୍ଟର ଦେବାକୁ କହିଥିଲେ। ଏକୁଟିଆ ଜଙ୍ଗଲରୁ ନିଜ ଗାଁକୁ ପାଣି ଆଣିଥିବା ଲାଉଙ୍ଗିଙ୍କୁ ଟ୍ରାକ୍ଟର ଉପହାର ଭାବେ ଦେଲେ ମହିନ୍ଦ୍ରା ଗ୍ରୁପର ଅଧ୍ୟକ୍ଷ ଆନନ୍ଦ ମହିନ୍ଦ୍ରା |
ବିହାରର ଗୟା ଜିଲ୍ଲା ଲାଥୁଆ ଅଞ୍ଚଳର କୋଥିଲାୱା ଗ୍ରାମର ଲାଉଙ୍ଗି ଭୂୟାଁ ଦୀର୍ଘ ୩୦ ବର୍ଷ ଧରି ଏକୁଟିଆ ନିଜ ଗାଁର ଶୁଖିଲା କ୍ଷେତକୁ ପାଣି ଆଣିବା ପାଇଁ ୩ କିଲୋମିଟର ଦୀର୍ଘ କେନାଲ ଖୋଳିଛନ୍ତି। ସେ ଗାଁର ସମସ୍ତ ଚାଷଜମିକୁ ପାଣି ଆଣିବା ପାଇଁ ପ୍ରୟାସ କରିଛନ୍ତି। ୩୦ ବର୍ଷ ଧରି ସେ ପ୍ରତିଦିନ ସକାଳୁ ଜଙ୍ଗଲକୁ ବାହାରି ଯାଆନ୍ତି ଏହି କାମ ପାଇଁ।
ଦିନତମାମ ମାଟି ଖୋଳି ଖୋଳି ସନ୍ଧ୍ୟାରେ ଘରକୁ ଫେରନ୍ତି। ଜଙ୍ଗଲର ଆର ପାର୍ଶ୍ବରେ ଥିବା ଜଳ ଉତ୍ସରୁ ନିଜ ଗାଁ ଚାଷଜମିକୁ ପାଣି ଆଣିବା ପାଇଁ ସେ ଏହି କେନାଲ ଖୋଳିଛନ୍ତି। ଏହି କାମକୁ ଆନନ୍ଦ ପ୍ରଶଂସା କରି ଟ୍ୱିଟରରେ ଲେଖିଛନ୍ତି ଯେ, ମୁଁ ଭାବୁଛି ତାଙ୍କ କେନାଲ ତାଜମହଲ କିମ୍ବା ପିରାମିଡ ଭଳି ପ୍ରଭାବଶାଳୀ। ତାଙ୍କୁ ଟ୍ରାକ୍ଟର ଦେବା ମୋ ପାଇଁ ଖୁସି ଏବଂ ସୌଭଗ୍ୟର ବିଷୟ ହେବ। ସୂଚନା ଥାଉ କି ଲାଉଙ୍ଗି ୩୦ ବର୍ଷ ଧରି ନିରନ୍ତର ଭାବେ କେନାଲ ଖୋଳିଥିଲେ।
You & your team are simply the best @hsikka1 Can’t believe I proposed gifting Laungi Bhuiyan—Bihar’s ‘CanalMan”—a tractor only yesterday morning & by late yesterday evening you had delivered it to him! Well done, & my gratitude to our dealer partner as well. pic.twitter.com/EFCBsrgPq2
— anand mahindra (@anandmahindra) September 20, 2020
ସବୁବେଳେ ଟ୍ଵିଟରରେ ବହୁତ ଆକ୍ଟିଭ ଥାଆନ୍ତି ଆନନ୍ଦ ମହିନ୍ଦ୍ରା। ଟ୍ଵିଟର ନିଜର ସ୍ୱତନ୍ତ୍ର ଅନ୍ଦାଜ ପାଇଁ ବେଶ ଜଣାଶୁଣା ଥାଆନ୍ତି। ସୋସିଆଲ ମିଡିଆରେ ତାଙ୍କର ଅନେକ ଫ୍ୟାନ ରହିଛନ୍ତି।