ସୋସିଆଲ ମିଡିଆରେ ଏକ ଭିଡିଓ ଖୁବ୍ ଭାଇରାଲ ହେଉଛି। ଭିଡିଓରେ ବୁର୍ଖା ପିନ୍ଧିଥିବା ଜଣେ ମହିଳା ହିନ୍ଦୁଙ୍କ ଆରାଧ୍ୟ ଦେବତା ଗଣେଣଙ୍କ ମୂର୍ତ୍ତିକୁ ଭାଙ୍ଗୁଥିବା ଦେଖାଯାଇଛି। ଭିଡିଓର ପୂରା କାହାଣୀ ଏବେ ସାମ୍ନାକୁ ଆସିଛି ଓ ଅଭିଯୁକ୍ତ ମହିଳାଙ୍କ ବିରୋଧରେ ମାମଲା ମଧ୍ୟ ରୁଜୁ ହୋଇଛି।
ଭିଡିଓଟି ବାହାରିନ୍ର ରାଜଧାନୀ ମନାମାର ବୋଲି ଜଣାଯାଇଛି। ପୋଲିସ ମୁତାବକ ଏଠାକାର ଜଫର ଅଞ୍ଚଳରେ ଥିବା ଏକ ଦୋକାନରେ ଜଣେ ୫୪ ବର୍ଷୀୟା ମହିଳା ଜାଣିଶୁଣି ହିନ୍ଦୁ ଦେବତା ଗଣେଶଙ୍କ ପ୍ରତିମାକୁ ଭାଙ୍ଗିଛନ୍ତି। ମହିଳାଙ୍କ ବିରୋଧରେ ବିଭିନ୍ନ ଧାରାରେ ମାମଲାରେ ରୁଜୁ ହୋଇଛି। ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେବା ପରେ ପୋଲିସ ମାମଲା ରୁଜୁ କରିଛି। ତେବେ ମହିଳା ଜଣକ ମଧ୍ୟ ମୂର୍ତ୍ତି ଭାଙ୍ଗିଥିବା ନେଇ ସ୍ୱୀକାର କରିଥିବା ସରକାରୀ ସୂତ୍ରରୁ ଜଣାଯାଇଛି।
ଭିଡିଓରେ ଦେଖାଯାଇଛି ଯେ ବୁର୍ଖା ପିନ୍ଧିଥିବା ଜଣେ ମହିଳା ଦୋକାନରେ ଥୁଆ ହୋଇଥିବା ଗଣେଶଙ୍କ ମୂର୍ତ୍ତିକୁ ଦେଖି ରାଗିଯାଉଛନ୍ତି। ପରେ ସେ ମୂର୍ତ୍ତିଗୁଡ଼ିକୁ ଗୋଟିଏ ପରେ ଗୋଟିଏ ତଳକୁ ଫିଙ୍ଗି ଭାଙ୍ଗୁଛନ୍ତି। ଏହି ସମୟରେ ସେ କହୁଛନ୍ତି ‘ଏହା ଏକ ମୁସ୍ଲିମ୍ ଦେଶ। ମୁଁ ଦେଖିବି କିଏ ଏହି ମୂର୍ତ୍ତିକୁ ପୂଜା କରିବ। ଡାକ ପୋଲିସକୁ’। ଭିଡିଓ ସାମ୍ନାକୁ ଆସିବା ପରେ ଉକ୍ତ ମହିଳାଙ୍କୁ ଗିରଫ କରିବାକୁ ଦାବି ହେଉଛି।
ଅନ୍ୟପଟେ ବାହାରିନ୍ର ରାଜାଙ୍କ ପରାମର୍ଶଦାତା ଖାଲିଦ ଅଲଖଲିଫା ଏହି ଘଟଣାରେ ଦୁଃଖ ପ୍ରକାଶ କରିଛନ୍ତି। ମହିଳାଙ୍କ କାମକୁ ସେ ଅନୁଚିତ ବୋଲି କହିଛନ୍ତି। ସେ କହିଛନ୍ତି ଯେ ଧାର୍ମିକ ପ୍ରତୀକକୁ ଭାଙ୍ଗିବା ବାହାରିନ୍ ଲୋକଙ୍କ ସ୍ୱଭାବ ନୁହେଁ। ଏହା ଏକ ଅପରାଧ। ଏଠାରେ ସବୁଧର୍ମକୁ ସମାନ ସମ୍ମାନ ଦିଆଯାଏ।
ଭୁବନେଶ୍ୱର(କେନ୍ୟୁଜ୍): ଜୁନ୍ ୧୭ ତାରିଖରେ ଭାରତ ସମେତ ବିଶ୍ୱର ୨୦୦ଟି ଦେଶର ୨୫ହଜାର ସ୍ଥାନରେ ୧୧ଶ ଅନ୍ତର୍ଜାତୀୟ ‘ଆର୍ଟ ଅଫ୍…
ଚାନ୍ଦବାଲି (କେନ୍ୟୁଜ): ଏ ଶରୀର କ୍ଷଣସ୍ଥାୟୀ । ସତରେ ଏ ଶରୀର କିଛି ନୁହେଁ ଆଜି ଭଲ ଅଛି ତ…
ଏଲନ୍ ମସ୍କଙ୍କ ସୋସିଆଲ୍ ମିଡିଆ ପ୍ଲାଟଫର୍ମ ‘X’ ଭାରତରେ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛି । X କର୍ପ ଏପ୍ରିଲ…
ଭୁବନେଶ୍ୱର(କେନ୍ୟୁଜ୍): ସ୍କୁଲ ଛୁଟି ନିଷ୍ପତ୍ତି ନେବେ ଜିଲ୍ଲାପାଳ । ସ୍ଥାନୀୟ ପାଣିପାଗ ସୂଚନା ଭିତ୍ତିରେ ଜିଲ୍ଲାପାଳମାନେ ନିଷ୍ପତ୍ତି ନେବାକୁ ମୁଖ୍ୟମନ୍ତ୍ରୀଙ୍କ…
ବଲିଉଡ ଅଭିନେତ୍ରୀ ସୋନାକ୍ଷୀ ସିହ୍ନା ଖୁବ ଶୀଘ୍ର ବିବାହ କରିବାକୁ ଯାଉଛନ୍ତି । ରକୁଲ ପ୍ରୀତ ସିଂ, କ୍ରିତି ଖରବନ୍ଦା…
ପଶ୍ଚିମବଙ୍ଗ ଦାର୍ଜିଲିଂରେ ହୋଇଥିବା ରେଳ ଦୁର୍ଘଟଣାରେ ଏପର୍ଯ୍ୟନ୍ତ ୧୫ ଜଣଙ୍କର ମୃତ୍ୟୁ ହୋଇଥିବା ବେଳେ ୫୦ରୁ ଅଧିକ ଆହତ ହୋଇଥିବା…