ଦିନେ ବ୍ୟାସ ଋଷି ଏଠି କରୁଥିଲେ ଧ୍ୟାନ, ଆଜି ପାଲଟିଛି ପର୍ଯ୍ୟଟନ କ୍ଷେତ୍ର
ବ୍ୟାସ କୁଣ୍ଡର ଉତ୍ପତ୍ତି ବ୍ୟାସ ନଦୀରୁ ହୋଇଛି ବୋଲି ବିଶ୍ୱାସ କରାଯାଏ। ବ୍ୟାସ ନଦୀ ମନାଲିର ଏକ ପ୍ରସିଦ୍ଧ ପର୍ଯ୍ୟଟନ ସ୍ଥାନ। ବ୍ୟାସ କୁଣ୍ଡ ପର୍ଯ୍ୟଟକଙ୍କ ପାଇଁ ଆକର୍ଷଣର କେନ୍ଦ୍ର, କାରଣ ଏହାର ଆଧ୍ୟାତ୍ମିକ ଦିଗ ମଧ୍ୟ ରହିଛି। କୁହାଯାଏ ଏଠାରେ ସ୍ନାନ କରିବା ଦ୍ୱାରା ଚର୍ମ ରୋଗ ଭଲ ହୋଇଥାଏ। ସ୍ଥାନୀୟ କିମ୍ବଦନ୍ତୀ ଅନୁଯାୟୀ ଋଷି ବ୍ୟାସ ଏହି ପୁଷ୍କରିଣୀରେ ଗାଧୋଇବାକୁ ଆସୁଥିଲେ। ସେଥିପାଇଁ ଏହାର ନାମ ବ୍ୟାସ କୁଣ୍ଡ ରଖାଯାଇଛି।
ବ୍ୟାସ କୁଣ୍ଡ ଏକ ଇଗ୍ଲୋ ଭଳି ଆକୃତିର ହୋଇଥିବାରୁ ଏହି ସ୍ଥାନରୁ ପଥର ତିଆରି ହୁଏ। କିମ୍ବଦନ୍ତୀ କହେ ଏଠାରେ ଋଷି ବ୍ୟାସ ଦେବ ଭକ୍ତିର ସହ ସାଧନା କରନ୍ତି। ତେଣୁ ଏହି ସ୍ଥାନକୁ ଯିଏ ସ୍ୱଚ୍ଛ ହୃଦୟରେ ଆସିଥାଏ, ତାଙ୍କ ମନସ୍କାମନା ପୂର୍ଣ୍ଣ ହୁଏ ବୋଲି ବିଶ୍ବାସ କରାଯାଉଛି।
ଏଠାକୁ ଆସିବା ପରେ ପର୍ଯ୍ୟଟକମାନେ ନିକଟସ୍ଥ ଫାଣ୍ଡିସିପ୍ ଶିଖର, ଶିସ୍ତିଧର ଶିଖର, ହନୁମାନ ତିୱା ଶିଖର ଏବଂ ଲଦାଖୀ ଶିଖର ପରିଦର୍ଶନ କରିପାରିବେ। ଏଠାକୁ ଟ୍ରାକ କରିବା ପାଇଁ ଅନେକ ଲୋକ ଆସନ୍ତି। କାରଣ ଏହା ଏକ ପବିତ୍ର ହ୍ରଦ ଭାବରେ ବିବେଚନା କରାଯାଏ। ବ୍ୟାସ କୁଣ୍ଡ କୁଲୁ ମନାଲି ଉପତ୍ୟକାରେ ରହିଛି ।
ବିଶ୍ଵାସ କରାଯାଏ ଯେ ହନୁମାନ ତିବ୍ବା ଏବଂ ସାତ ଭଉଣୀଙ୍କ କୋଳରେ ୩,୬୫୦ ମିଟର ଉଚ୍ଚରେ ଅବସ୍ଥିତ ଏହି ହ୍ରଦର ନିର୍ମଳ ଜଳରେ ଋଷି ବ୍ୟାସ ପ୍ରତ୍ୟେକଦିନ ସ୍ନାନ କରନ୍ତି। ଏହା ମାନାଲିର ସବୁଠାରୁ ଅଧିକ ପସନ୍ଦ କରାଯାଉଥିବା ପର୍ବତ। ଏହା ଉପରକୁ ଚଢ଼ିବାର ଉଚିତ୍ ସମୟ ହେଉଛି ସକାଳ ୧୦ ରୁ ଆରମ୍ଭ ହେବ ଦିନ ୨ ଟା। ତେବେ ଏହା ଚଢ଼ିବା ପାଇଁ ପ୍ରାୟ ୩ ଦିନ ଲାଗିଥାଏ।
ତେବେ ଆପଣ ଏହି ପର୍ବତ ଚଢ଼ିବା ସମୟରେ ନିଜ ଭୋଜନ, ଜଳଖିଆ, ମଧ୍ୟାହ୍ନ ଭୋଜନ ଏବଂ ରାତ୍ରୀ ଭୋଜନ ନେବା ଦରକାର୍। ଆପଣଙ୍କ ସହିତ ଗାଇଡ୍ ମଧ୍ୟ ରହିବେ। ଯେହେତୁ ଏହା ଏକ ପବିତ୍ର ସ୍ଥାନ, ଏଠାକୁ କୌଣସି ମାଦକ ଦ୍ରବ୍ୟ ନିଷେଧ କରାଯାଇଛି। କୁହାଯାଏ ଯଦି ଆପଣ ଏହି ପର୍ବତ ଚଢ଼ିବା ସମୟରେ କିଛି ଖରାପ ଚିନ୍ତା ଧାରା ରଖନ୍ତି ଓ ମାଦକ ଦ୍ରବ୍ୟ ସାଙ୍ଗରେ ନିଅନ୍ତି ତେବେ ଅଘଟଣ ଘଟେ। ତେବେ ଏହି ବ୍ୟାସ କୁଣ୍ଡରେ ଗାଧୋଇବା ଦ୍ଵାରା ବଡରୁ ବଡ଼ ଚର୍ମ ରୋଗ ଭଲ ହୁଏ ବୋଲି ବିଶ୍ବାସ ରହିଛି, ଯାହା ପାଇଁ ଏଠାକୁ ଅନେକ ଲୋକ ଆସନ୍ତି। ଏଠି ଆଧ୍ୟାତ୍ମିକ ବାତାବରଣ ସହ ବୁଲି ଦେଖିବାକୁ ଅନେକ ସ୍ଥାନ ରହିଛି । ତେଣୁ ଥରେ ବୁଲି ଆସନ୍ତୁ ବ୍ୟାସ କୁଣ୍ଡ ।